Moreh, February 13, 2011: Zou Sangnaupang Pawlpi, Delhi Branch member leh Mr. ZSP Delhi 2010 S. Thanglunlal Zou (25) s/o Upa Dr. ND Samte tuni’n a tenna inn uh, Moreh ah ama leh ama thau in ki kap kha a, a hinna bei lawh hi. Mr. S. Thanglunlal Zou ahileh kum 2010 bullam in Delhi University ah laisim dingin hing tunga, Freshers’ Meet 2010 ah tangval muonhuoi leh thu-le-la a mitvah tah ahi dungjui in Mr. ZSP Delhi 2010 title khuhsah in um hi. Ning kum Khristmas mang dinga innlam pei, tuni tan dong hing kilekia lou a um den in tam bang thute zah in um hi.
Admin in S. Thanglunlal Zou pienna pa, Upa Dr. ND Samte phone tungtawn a ahoupina ah Dr.pu’n atapa ama leh ama ki kaplum kha ahi dan gen hi. Tuni jingkal in kikhawm dingin chiel ua, hinanleh a tapa uh utlou a, nita in zong kikhawm dingin chiel kia ua, hinanleh chieljoulou kia uhi. Kikhawm inn a tun ua atapa uh a pindan sunga sisan naisan toh a shisa a ana umta ahidan gen hi.
Admin pun muonmaw/ginmaw chivel a um leh umlou thu adohna ah, Dr.pu’n tuabang bangma um lou chi’n gen hi. Innsung a ki lungnopmawna chivel um amah chia dohna pen tuabang zong bangma umlou chi’n hing dawng hi. Hinanleh Dr.pu’n bang ahei a lungsim lam a buoina guuh khat akilah lou vang a um hi dingin gingta hi.
Admin pu’n nungah kingaipi nei chi thu ja in a nungahnu ki houpi tum nanaleh line mujou lou hi.
Source: http://zolengthe.net/2011/02/13/mr-zsp-delhi-2010-s-thanglunlal-zou-thau-in-ki-ama-le-ama-kaplum-kha/
Pingback: ZSP Delhi bids farewell to departed Mr. Fresher 2010 | ZOKUOMTHAWN