Lamka Post | December 19, 2007 / Others too……….

Tribal Super Idol Contest

Lamka, Dec 18: Inter-Tribe Melo Artistes Manipur vaisaina nuai a Inter-Tribal Super Idol Contest zingchiang Dec 19 in 2nd round YPA Hall, Upper Lamka ah neih hinawn ding a, mipi kuapeuh in a mun ah et theih ding hi. Contestant kuapeuh mahni poimoh Guite kingaihtuah a a hun a tung chiat ding in a saitute’n ngen uhi.

KLA in 15th Reformation Day zang

Lamka, Dec 18: Kuki Liberation Army (KLA) in zan Dec 17, 2007 in Sadar Hills sung mun khat ah 1917 kum a apan “Thingkho leh Malcha” ni dan a azat uh Reformation Day dan in zang uhi. Hiai hun zatna ah, phamsa KLA makailian Letkholun hun lai a kizang rule & regulation zuih zel ding chihna ziakin highlight pulakna nei nawn ua, maban a KLA doudal peuhmah nangzou ding chih etsakna in cadre te uniform leh galvan toh kilak uhi. Thusuakin a taklat zelna ah, hong tung ding Kristmas leh Kum thak sung a galvan tawi kuapeuh kisubuai tuah lou ding inleng ngen uhi.

Pastor Suanmung leh Siami kiteng ding

Lamka, Dec 18: Pastor Suanmung of Dorcas veng leh Miss Niangzasiam d/o Upa G. Thangkhosum of Vengnuam, New Lamka, hong tung ding Dec. 21, 2007, zinglam dak 10 in Dorcas Veng EBCC biakinn ah kiteng ding uhi. Tua toh kiton in hiai ni mah sunnung dak 1 in Miss Niangzasiam khakna a teenna inn uah om ding hi.

GCK veng in Diamond lawm ding

Lamka, Dec 18: Gouchinkhup veng sung mipi’n hong tung ding December 21, 2007 chiang in Gouchinkhup veng kum 50 chinna Golden Jubilee lawpna nei ding ua, hiai hun ah Power Minister Pu T. Phungzathang in khuallian hihna toh uap ding , Pu T. Kaikhanmang, President, TCU leh DCC President Pu T. Dongzakaite’n Functional President leh Guest of honour hihna toh uap ding uhi.

Shoute Meet 2007

Lamka, Dec 18: Shoute Meet 2007 Programme Making Committee saina in tuni zinglam dak 9:30 apan Pangjawl Community Hall, Lamka ah Shoute Meet 2007 thupitak in zang uhi. Hiai hun zatna CBA Exe. Secretary Rev. Dr. En Za Sian in Pathian kiang a thumna toh hong khia a, Rev. Dr. T.K. Muana in Shout inkuan sung a phamsate suunna hun makaih hi. Hiai hun ah Shoute inkuan teng kikaikhawm in ankuang lui uhi.

Result suak

Lamka, Dec 18: Lal Bahadur Shastri Hindi Mahavidialay a Hindi exam te result suak a a kisaipute’n ngaihven poimoh ding a, session thak a dingin leng form fill-up theita hi.

Lhunminthang lohching

Lamka, Dec 18: Mr. Lhunminthang, BE (Mech) s/o Luansiam of New Lamka in Hindustan Aronatic Ltd. Company nuai a exam a neih lohching hi’n thutut kingah hi. Hindustan Aronatic bel Lenna bawl pawlte lak a company lian mahmah ahi.

Red & Black Card lak theih

Lamka, Dec 18: Tipaimukh Sub-Division nuai a NOAP leh MOAP, Red & Black Card neite’n Dec 19 & 20, 2007 in District Social Welfare office ah mahni card chiat lak theih ding hi’n thutut kingah hi.

Oriented Course on Spoken English kipan

Lamka, Dec 18: CCpur Seminar College Hall ah Job Oriented Course on Spoken English honna tuni sun dak 12:00 in L.Tusing Principal CCpur College in nei a, hiai ah CCpur College Students’ 30 val tel ua, Resource Person in Debori leh Nenei pang ua, Jan. 12, 2008 in zou ding uhi.

SP in Singngat pha

Lamka, Dec 18: S. Manglemjao Singh IPS SP/CCpur makaih in CO-Ist IRB leh Police IRB tamtak in tuni zingkal lam dak 9:00 in Lamka apan Singngat khua pha ua, Manipur Police Housing Coorporation nuai a Sinngat Police Station building kibawl va enkhia ua, sunnung dak 3:00 in Lamka hong tung kik nawn uhi.

NGO Office Inspection bawl

Lamka, Dec 18: Imphal apan in Dr. Anil Kumar Ministry of Health Govt. of India leh Silpa Kumar MACS ten tuni sunnung dak 1:00 in Lamka hong pha ua, Lamka khawpi sung a NGO tuamtuam SHALOM Office, LRRC Office leh PPO Office pha in Sentinel Surveillance 2007 toh kisai inspection bawl uhi. Tuni tak lam dak 3:30 vel a Imphal ah kiknawn ua, zingchiang in Dist Hospital a ART leh STD enkhe ding in Lamka hong pha nawn ding uhi.

ITLC Raising day lawm ding

Lamka, Dec 18: Indigenous Tribal Leaders Council (ITLC) in kum 5 chinna zingchiang in KKL Complex Headquarter veng ah nei ding uhi.

Hiai lopna ah zinglam dak 10 business nei ding ua, sunnung dak 1:00 in function om ding a, huai hun ah LB Sona, Chairman, Zomi Council, Holkholhun Lhungdim, President KIM leh Selkai Hrangchal President Hmar Innpui ten thu genna hun nei ding uhi.

NREGS nasep tha man sum hawm

Lamka, Dec 18: National Rural Employment Guarantee Scheme(NREGS) nuai a Job card nei Dist Hq Tuibuang khua ten tuni’n nasep tha man ni 8 a ding sum mi khat zel ah Rs.640/- zel in hawmna uhi. CCpur Dist a dia NREGS a nasep tha man hawm masapen hilai uhi. DC Office ten NREGS a nasep thaman ding sum SDO/BDO te kiang ah hun sawt apan sum pekhin vek ta ua, BDO ten amau Block sung a hawm khiak ding lel hita hi.

YVA in Khawpi sung hahsiang

Lamka, Dec 18: Young Vaiphei Association (YVA) Town Unit in tuni zinglam dak 9:00 apan in Lamka khawpi sung a ninte hahsiang in gari zang in bokhia ua, nungak leh tangval mi 200 val kuan uhi.

DC Office ah meeting 3 kizom

Lamka, Dec 18: Tuibuang a DC/CCpur Office ah tuni zinglam dak 11:00 in Dist Level Coordination Committee(DLCC) meeting om a, tua ah SDO/BDO te leh Dist Level Officer tamtak tel uhi. DLCC meeting ah DC/CCpur in Scheme thak Backward Region Grand Fund (BRGF) kichi hilh chetna nei a, huai bel BADP, NREGS, IAY, SSA toh kibanglou in tunung zek chiang in nasep pattheih ding hi. NREGS nasep tungtang a gen ban uah, kum nawn Republic day 2008 a ding tan hawmna nei ua, review meeting Jan.10, 2008 in DC/CCpur Office Conferece Hall ah nein awn ding uhi. Huai zoh sunnung dak 1:00 in National Foundation For Communal Harmony (NFHC) tung tang meeting nei ua, NFHC a tagah School tuamtuam a munte School wise list bawl khiat ding, huai zoh chiang a sum hawm dingdan ngaih tuah hidi’n thukim uhi.

Free Seminar om ding

Lamka, Dec 18: The KOMPASS Aviation in hong tung ding Dec 21, 2007 sunma dak 10 in Synod Hall, IB road ah Air hostess/Flight purser training, Airport ground staff leh Pilot training na ding toh kisai in Free Seminar sai ding uhi.

TKS in Platinum Jubilee thupitak in lawm

Lamka, Dec 18: Tangkhul Katamnao Saklong (TKS) phuhkhiat ahihnung kum 75 chinna (Platinum Jubilee) thupitak in December 14-17, 2007 sung in Platinum Hall, Tangkhul Naga Long Ground, Ukhrul ah ‘Our Future, Our Responsibility’ chih thupi azang in lopna nei uhi. Hiai hunsung in huntuamtuam ah Mr. Wungmareo Shaiza, IAS (Retd.), Mr. Mani Charenamei, MP (Outer) leh Mr. Keviletuo Kiewhuo, Vice President, Naga Hoho te’n Chief Guest hihna toh uap ua, Dr. Khasim Ruivah, MLA, leh Mr. Wungnaoshang Keishing, MLA banah Mr. Danny Shaiza, MLA te’n Guest of Honour hihna toh uap uhi. Hiai Platinum Jubilee lopna uap dia chial a om bang un Lamka apan CDSU makaite leh Media representative 2 in va uap uhi.

KYKL in RIMS Engineer mi 8 pikhia

Imphal, Dec 18(NNN): Regional Institute of Medical Sciences (RIMS), Imphal nuai a sem Engineer 8 tuni in Kanglei Yawol Kanna Lup (KYKL) helpawl in pikhia uh a, a khonung in mi 3 te khahkhiak in om ua, mi 5 amau khut ah om lel hidan in kigen hi. Thusuak in ataklatna ah, KYKL in ahihleh, RIMS authority te avauna dan a ahih uh hi a, RIMS a sem Engineer te promotion na toh kisai thil paidan dikloutak a muhsuah ziak ua tuabang a gamtang uh ahihdan KYKL in gen chi uhi. RIMS Director Dr. L. Fimate in tuni nitaklam in Press conference sam in, KYKL in Enginneer te nasepna ding toh kisai a allocation of works tel a, promotion ding tungtang a gen uh thil hitheilou ahi chi in, RIMS ngei leng AIIMS status a dopsang ahihlai a, helpawlte a va kigolhna tung uah poisakthu gen hi.

Thusuak in ataklatna ah, December 10 in RIMS Director in engineer te ading in work allocation bawl a, tua toh kiton in tuni in KYKL in Engineer 8 te sam ngal in, huai lak ah nitaklam in Engineer 3 te sawlkhia in, RIMS Director kiang ah order masa phiatna ding in a suai vala dign in theisak uhi. RIMS Director Dr. L. Fimate in a suai an ape utlou in, RIMS kivaipuakna ah helpawlte kigolh lou ding in ngen hi. Dr Fimate in agenna ah, Engineer te’n KYKL te deihna toh kituak in nasem le uh centre Government in amaute tung ah vaihawm ding ahihdan taklang kawm in, Engineer 5 te khah ahihna ding in zingchiang apan RIMS Campus sung ah tukawm a kiphinna om ding ahihdan gen a, himahleh, press conference neih ahih lai in, engineer dang teng leng khahkhiak vek in om a, hiai thu toh kisai zingchiang in RIMS ah meeting na neih thouthou hiding in Dr Fimate in gen hi.

Bus suamna ah CCpur mi 2 in thuakkha

Imphal, Dec 18(NNN): Dimapur Purana Bazar ah zan nitak in Guwahati zuan a Inter state bus tai khat suam in om a, hiai tungtang ah tuni in All Manipur Inter-State Bus Transport Association in Manipur government kiang ah ngetna nei in, passenger leh driver te hinna humbit ding in ngen uhi. Zanhal nitak in meltheihlouh pawl khat in Dimapur Purana Bazar ah Imphal apan Guwahati zuan tourist bus khat ana suam in, passenger tea pan Rs 40,000 alaksak banuah, mobile phone telin, Identity card tuamtuam leng suhsak uhi. Thusuak in ataklatna ah, suamhatte ahihleh, mi 8 vel hi uh a, AK rifle tawi in, Delta Travels MN-01-1877 zinglam dak 2 in kham khawluh a, a sung a tuangteng kum khe sak vek uh hi’n kigen hi. Delta Travels counter thusuak dan in gari neitu ahiheh, Behari Raj of Mahatma Gandhi Avenue, Imphal hi’n gen uhi.

Hiai bus suam na ah, SSB CO Y.Chaoba kichi leng telkha a, tuabanah, Lamka mi tulel a Central Agricultural University Gangtok a semlel Biaklian kichi leh, Jammu and Kashmir a Bidi Bari a Army Senior Auditor VL Gangte te’ identity card, mobile phone, Automated Teller Machine (ATM) card leh camera suhsak uh hi’n kigen hi.

Manipur DGP in RPF/PLA te thugen nial

Police in Imphal zone thum nuai ah enkai ta ding -DGP

IMPHAL DEC 18: Apaisa December 16, 2007 nitaklam dak 5.20 vel a Lamlai PS huamsung Paorabi kianga bomb puak toh kisai a, helpawl RPF/PLA ten amau kam ahihdan kipuang mahle uh, huai ni a bomb kamtu PLA nih Police ten amat nung ua bomb lakkhiak hilou leh sepaih lamte sukpuak dan a ngohna abawl uh, Manipur Director General Police Y. Joykumar in tuni zinglam dak 8:30 in SP/IW conference hall ah thuthaksaimite lak tangtak in nial hi.

DGP gendan in, helpawlte thugen zuau ahihdan leh bulbal neilou hidan in taklang a, aban agenna ah, bomb puah ni December 16, 2007 a Police ten helpawl nih mat neilou ahihban uah, helpawlten bomb puahzak ni, a ni nih ma Dec 14 & 15 a bomb a kam uh hidan a agen uhleng, DGP in nial in hilhchetna bawl hi. DGP gendan in, December 14 & 15, 2007 a huai mun lak a security force ten patrolling leh checking nei ahihman un, bomb kikam om hileh huai ni nihte a security force in musuah leh lakhe mahmah ding ahihdan leng gen hi.

Aban agenna ah, Pathian ni bomb puak toh kisai a kigolh dia muanmoh mi 3 mat hita dan in gen a, himahleh, a min uh bel puankhiak neilou hi. DGP in Imphal khopi sunga bomb puak zel toh kisai agenna ah, Police department in hichibang thil tungte dal theihna dia Police deployment leh strategy bawl thak ahihdan gen in, tua dungzui a Imphal zone thum a kikhen hidan in taklang hi.

Zone khen dan bel, zone khatna ah, (Core), Imphal khopi sung, zone nihna (Interior) – Imphal Municipal area sungteng leh zone thumna (Periphery)- Imphal khopi kim-le-kiang chih ahi. Hichibang a security te gamtat dan in tunung a thil deihhuailou tungding dal ding hidan in leng DGP in gen hi. Security lam a man power taksapna toh kisai Union Home ministry a leng theihsak ahihban ah, security tamsem om beh pah ding hidan in leng gen hi. Kuapeuh in, thil deih huailou leh muanmoh huai muh leh theih aneih leh Police department a theihsak ding inleng DGP in ngen a, tua dingin telephone number nih, 2451100 leh 2450214 leng pulak hi. Hiai telephone number kipiate dakkal 24 sung zat hiding chih ahi. Loktak project bawlna toh kisai a helpawl tuamtuam in a suk buai uhleng tuban hiai mun veng dia CISF te koih hita dingin, DGP in gen hi.

CM in Multi-Purpose Hall cum Indoor stadium thak hongding

IMPHAL DEC 18: Young Paite Association, Imphal Block in North Eastern Council (NEC) Shillong huhna nuai a, Laimanai, Eimi Colony Imphal a, abawl Multi-Purpose -cum-Indoor Stadium December 21, 2007 in Manipur Chief Minister O.Ibobi Singh in khuallian hikawm in hong khe ding hi.

Hiai hun a Functional President in, Pu Phungzathang Tonsing minister Power/Hort & SC/Sc & Tech leh Chief Host in, Pu L. Thangkhochin Ngaihte, President YPA GHQ pang ding hi.

Hall thak Pathian kianga latna, Rev. N. Thawndoulian Divisional Superintendent EBC, Imphal Division in nei ding hi. Hiai hun ah heutu phamsate suunna, Paite Cultural Troupe leh Zenhang Lamka Cultural Troupe te apat cultural dance lahna leng om ding hi. YPA Special Souvenir siansuahna Functional President in a neih ban ah, Hall lamna toh kisai in Kamlianthang Guite in in report tomkim leng pulak ding hi.

Manipur Diesel dawr a bomb supuaktu tel in Prepak 3 man

IMPHAL DEC 18: Imphal West District a SP Clay Khongsai in tuni nitaklam dak 3 in ama office ah thuthak saimite kimuhpihna nei a, tua hun ah, zan Dec 17, 2007 zinglam dak 5 a Prepak helpawl mithum mat ahihdan leh tuate lak a khat apaisa October 1, 2007 a Manipur Diesel shop, Thangal bazaar, Khuyathong lampi a granade supuak a kigolh kha ahihdan taklang hi.

SP Imphal West thusuak dan in, zan a Police ten Sagolband Moirang Hanuba Leirak leh Takyel Kolom leikai lak a Prepak helpawl bangzah hiam om chih, thuguk a ngah dungzui un, Imphal West Police commando ten tuamun lak dapna vanei ua, tua ah Prepak helpawl a tel mi thum mankhia uhi.

Mat a om mithumte bel, Mathurabashimayum Imocha Sharma @ Khagemba (32) s/o M. Rameshore Sharma of Sagolband Moirang Hanuba Lairak machin, Konthoujam Dhiren @ Bobu (18) s/o K. Deben Singh of Takyel Kolom leikai leh Laishram Ibomcha Singh (25) s/o L. Ibotombi Singh of Mayang Imphal bazaar hi uhi. Khagemba apat 9mm pistol magazine khat leh atang 7 leng muhsuah ahi. Police thusuak dan in, Khagemba leh Prepak cadre mah Krishna kichi in apaisa October 1, 2007 sunnung dak 1.10 in Khuyathong lampi, Thangal bazaar a om Manipur diesel shop ah granade supuak ua, tua ah minautang thum in liam uhi.

Hiai a Krishna kichi bel Imphal west Police commando ten November 21, 2007 in Kongba Uchekon mun ah kaplumta uhi. Clay Khongsai in aban agenna ah, Khagemba kipuandan in, apaisa November 16, 2007 a Paona bazaar a Videocon House a countrymade bomb sukpuak a om leng Khagemba mah in huai ni mah a, Sanatomba kichi kianga apiak ahi. Sanatomba kichi leng Imphal west Police commando ten tuma zek in Lamphel lak ah kaplum khinta uhi. Tuni a SP Imphal West in thuthak saimite a kimuhpihna hun ah mat a om, Khagemba leng media te mai a pulak ahihban ah, a kigolhna tuamtuamte leng gen sak in om hi.

Sunday Bomb Blast a liam 1 sihbeh

IMPHAL DEC 18: Apaisa Pathianni December 16, 2007 a Imphal East district sung Paorabi a RPF ten bomb a sukpuakna ua liamte lak a khat Ch. Premanand (27) of Keibi Awang leikai kichi, spinal cord liam ziaka RIMS a etkawl himahleh, damzoulou in tuni zinglam dak 2.20 vel in si hi. Amah toh sim in Sunday Bomb Blast a si mi 8 phata hi. Tunin’ siluang 8 te RIMS morgue a post mortem bawl in om a, tuazoh in, a sungkuante chiat un siluangte la uhi.

Helpawl nih kikaptuah

IMPHAL DEC 18: Tuni zinglam baihtak dak 2 vel dingin Saikul PS huamsung Chanung khua lak ah Kuki helpawl hidia muanmoh pawl 2 kikap tuah ua, tua ah mi 2 vel in si hi’n thutut kingah hi. Hiai mun a kikap tuahte kua leh kua hiam chih theih ahihlouh ban ah, misite kuapawl hiam chih leng hiai lai sut ahihtan in thuchian theih omlou. Khomi ten siluang khat bel, musuah uh hidan in leng kigen om hi.

Orange festival om nawn ding

IMPHAL DEC 18: Tamenglong Orange festival, 2007 hongtung ding December 20, 2007 in Longmai III ground, Nungba Sub-division, Tamenglong district ah om ding hi. Hiai hun ah khuallian in, HAC a Vice Chairman Khangthuanang Panmei pang dinga, President in, Ch. Birendra Singh Commissioner YAS ban ah, Guest of honour dingin Haokholet Kipgen MLA (Saitu) leh P. K.Singh IAS te pang ding uhi. Hiai ni in, Orange nek kidemna ban ah, Orange Queen contest, Rock concert leh Fashion show leng om ding hi.

http://www.zogam.com

===========================================

SP khut ah station building pekhia uh
Lamka, 19 Dec 2007:
Manipur Police Housing Corp in Singngat a Police Station building a bawl uh zan zinglam dak 11 in Singngat khua ah S Manglemjao Singh, SP Churachandpur khut ah pekhia uhi. Huai building thak ah office, anhuan inn leh latrine om a, gam 2.7 hectare alian luah a kibawl hi’n gen uhi. Fencing leng bawl hiding in huai dingin kum 2008 a nnasep kipan ding chihthu om hi. Tulel in Singngat Police state ah OC telin mi 10 om uhi.
0 Comments Anntang issue hun ah tehna zang ding in theisak
Lamka, 19 Dec 2007:
DSO (FCS) Churachandpur in Churachandpur District ah Public Distribution System (PDS) paihoih ahihdan taklang kawm in FCS Godwon apan PDS anntang issue hun ah Store keeper in FCS Directorate in a piak weighing machine zangchiat dingin theisak a, FPS agent tengin leng BPL leh AAY anntang issue hun ah tehna diktak mah zangding in public interest in akisaipih te theisak hi.
2 Comments

Mautam adi’n panlak sawm panta uh

Zanin DC Churachandpur makaihna in District Level Co-ordination Committee (DLCC) meeting ah Jan 26, 2008 a Republic Day zatdan ding genkhawm uhi. Huaizoh in Mautam kialpi tungtang genkhawm uh a, District Level Committee on Crop Failure (Mautam) caused by bamboo flowering/rodent menace and other forms of natural calamities starting in 2007 chih minvuah uh a, SDO tengin amau bialsung ah survey kichiantak a bawlthak in Jan 15, 2008 ma a report kimtak bawlchiat dingin DC in theisak hi. Committee member leng behlap uh a, S. Manglemjao Singh, SP CCPur, N. Thuamkhansuan, SDC HQ DC Office leh Royal T Hangzo, APO (Rural Housing) DRDA CCPur guan behlap uhi.

KLA in 15th Reformation Day zang

Malsawm Kuki, Secy (Info & Pub) Kuki Liberation Army (KLA) in thusuah a bawl dungzui in Zamdil Kuki in convenor a hihna in Dec 17, 2007 in Sadar Hills ah 15th Reformation Day (Raising Day) zang uh chihthu taklang hi. Huai ah Orgn tup leh ngim taklat hi a, pawlpi adia henna pi ate sunna leh zahna in minute 2 sung dai dide in om uhi. KLA/KLO in pawl tuamtuam te deihsakna thukhak bawl in Christmas leh Kumthak lopna hun ah kuamah kihihbuai omlou dingin leng ngetna bawl hi.

Go Cin Khup Veng kum 50 chinna

New Lamka a Go Cin Khup Veng kum 50 chinna (Golden Jubilee) lopna Dec 21, 2007 zinglam dak 10 in omding a, Chief Guest in T Phungzathang, Minister (Power) pangding a, aman Jubilee suangphum hong ding hi. Huai ah Guest of Honour in Dongzakai Gangte, President, DCC(I) pangding a, Functional President in Kaikhanmang, President, Tedim Chin Union pangding hi. Guest of Hnour in Jubilee Souvenir hong ding hi.

Mautam Relief Committee bawlkhia uh

Simte Tribe Council (STC) pawlin Dec 16, 2007 in Simveng a STC Office ah kikhawm in Mautam Relief Commt. bawlkhia uhi. Huai ah Chairman di’n N. Pauchindou Simte, Vicec President in TH Pumzakham, Secy di’n S. Thangchinlal sep uh a, Jt Secy cum Fin di’n TS Thangchinlal leh Treasurer ding in Tualgouthang sep uhi. Information incharge ding in H. Tonglal leh Thangkhanlian sep uh a, ex-officio member dingin Jamkhanpau, President, STC, T Goukhomang, President, SYO, S. Chinzalal, President, KZP, leh Jamchinthang, Chairman, COB guang uhi.

Super Idol Contest round 2 kipan ding

Inter-Tribe Super Idol Contest round 2 na Dec 19, 2007 zinglam dak 10 in Lamka Public Ground kianga YPA HQ Hall ah omding hi. Huai contest mipi kuapeuh a en ut phot welcome uh a, contestant telkhiak a omte a hunma in tungkim chiat ding leh amau zat ding music leng kiken chiat dingin a saitute’n theisak uhi.

Link Officer in NEC fund zanga septe enkhe ding

TK Hangzo, Dy Fin Adviser (NEC) Link Officer, Manipur leh Central PWD Manipur Divn a Asst. Engineer khat in Dec 20 akian Jan 6 2007 tan Manipur ah NEC fund zanga nnasep tuamtuam omlelte hong enkhe ding uh a, amau Churachandpur District sung mun tuamtuam leng phading uh chihthu om hi.

Sunna

Mrs Ngaizanem (34) w/o Soikholet of Imhal, Canan Veng, TB natna ziaka District Hospital a om zanhal nitak dak 6 velin si a, zanin kivui hi.

Lalchomlien (15) s/o Vanthuom of Rengkai, awmna ziakin zanhal nitaklam dak 6 in District Hospital ah si a, zanin kivui hi.
Paokhomawi (35) s/o (L) Mangneng of Torbung, sinna ziakin Dec 17 in District Hospital ah si a, zan in kivui hi.

http://www.zogam.net

=====================================

Public hearing on NIT

IMPHAL, Dec 18: A public jury hearing on the proposed establishment of NIT at Langol will be held tomorrow at Shija Hospital junction under the aegis of the national fact finding team constituted by All India Christian Council, informed a release.

=========================

Pourabi blast toll rises to 8, bodies taken

By Our Staff Reporter

IMPHAL, Dec 18: With one more victim succumbing to injuries today, the death toll in the bomb blast at Pourabi under Lamlai Police Station on December 16 has risen to eight even as the corpses of the other victims have been taken after post-mortem examination amidst heart-rending cries of their dear and near ones.

The latest blast victim who died at RIMS Hospital at around 1.45 pm today where he was undergoing treatment has been named as Singam Premanand (32) s/o late Ibopishak of Keibi Awang Leikai.

The powerful bomb blast that ripped through a running mini bus plying along the road in between Pourabi and Huidrom had killed three passengers on the spot and wounded over thirty others.

The three persons who were killed at the spot were identified as Soibam Bobby (32) s/o Bobo of Keibi Mayai Leikai, Phijam Thoi (20) s/o Bonjaoba of Sekta Mayai Leikai and Singam Inao (24) s/o Gunadhor of Tiger Camp.

Later on, four more injured victims passed away at the hospitals. They were Laishram Devika Devi (13) daughter of Gulapi of Huidrom, Oinam Bobi (25) son of Mani of Uyumpok Paning Leikai, Khagembam Ibemcha (43) wife of Sanayaima of Keibi Heikak Mapan and Sinam Subala Devi (22) d/o Thoiba of Keibi Tiger Camp.

The post-mortem examination of all the eight victims was conducted at the mortuary of RIMS from 10 am to 2 pm today amidst heart-rending wailing of their family members, relatives and other mourners.

Angry over not mentioning the name of the UG outfit responsible for the blast, some of the grief stricken mourners were seen snatching and throwing away the placards brought along by some people who gathered at the morgue at the nearby ditch.

The condition of two injured victims including a woman who are currently undergoing treatment at RIMS and another victim at Shija Hospitals are stated to be critical.

=============================

RPF’s story cuts no ice with JAC

By Our Staff Reporter

IMPHAL, Dec 18 : While appreciating the stand of the proscribed RPF/PLA in coming out with its claim and explanation on the bomb blast at Pourabi promptly to dispel confusion from the minds of the people, the Joint Action Committee Against Pourabi-Huidrom Bomb Blast has however categorically stated that the explanation furnished is not to the satisfaction of the people and the JAC.

In a statement, the JAC said that people would never compromise on killing innocent person by any organisation. The words and the expressions used in the explanation were intended only to cover up the mistake of the outfit.

It is a fallacy to live under the impression that the people of Manipur, who have been awakened and are now fully aware of the global revolution taking place, would keep quiet simply after being furnished an explanation, the statement of the JAC signed by its convenor L Bimolata Devi said, adding that it is high time to understand that gun culture would not bring any solution.

If any organisation wants the support of the people, then it would be essential to remind themselves of the age old sayings ‘look before you leap’ and ‘fish cannot survive without water’ and work after understanding the pulse of the people. Otherwise, such organisations would be rejected by the people, the JAC observed.

Stating that JAC and the people would not like to engage in any verbal duel over the matter, the statement of the JAC demanded a firm reassurance from the side of the outfit that no innocent person would ever be killed in future nor indulge in any activities that could affect the lives of the people whether it be in the hills or at the valley.

Future course of action to be taken up would be decided after a joint meeting of the JAC and families of the victims tomorrow, the statement of the JAC further informed.

Source: The Sangai Express

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s