HAM LEH PAU KEPBITNA

Mangpu samte

Leitung mihingte’n ham-le-pau hoi tahtah ki nei hi. Ham-le-pau i chi pen i tawndan leh ngainate ban ah i hina(identity) sulang tu khat ahi.Tuo ham-le-pau kibah dung jui in a pawlpawl/a namnam in ki um suh dep a, pawl/nam bang jat a hiei khat kigawm in NAMPI(nation) i suo tou kia uhi. Nampi khat sung ah ham tangpi(common language) khat ki jang hi. Hinanleh ei ZOUCHIKIM te sung a tuabang a tangpi jah khawm thei ding um lou in khat poupou zang lei ki theisiem veve hi. Ham-le-pau ki nai pipi leh pianna-menna khat chi’a khangthu sut khawm te i hi uhi. Laigui jom khawm hi nan uh lei jong i nam min teng uh paikhe jen a min khat kitang a um khawm ding i chi ciang un lah NO TURNING BACK(2Vei)…..jong hithei non mawng lou ding hi. Tuo malah in mahni nambing ham leh pau ngainatna (linguistic chauvanism) hat deudeu hi. Unau mizote’n bang Delhi a kolte nasan a mau ham in houpi sawm mawh uhi !!.

Tambang kawmkal ah nampil leh a na nava masa deute’n a neu jawte ham-le-pau ban ah a tawndan bang dan teng pi uh pumvalh sah sawm uhi. I gensa ma bang in pa khat suon-le-haa ngentang aki hina ah koi ma ki mawsah thei tuon sam lou hi. A kem jou pa leh a zuun joupapa pen ham-le-pau a hausa ding ahi (survival of the fittest). Hamlepau jah or gelh siamna khu Pasien siem namte lah a khat ihi na ding a saa-khii ( witness) ahi. Hina(identity) hoi nei i chi ciang in ham-le-pau giltah leh tawndan hoitah nei mai hi lou in a kep dan leh zuun dan siamna chi na hi. Tami hina nei lou in kei tuomi khumi nam ka hi ki chi thei lou hi.

I thei lou kal in i ham khiet or gelh thaw hun in jong ZOU ham a sieng kil-kel a ham le gelh thei ki vaang ta mama hi. Zou mimal khat in a ham leh pau kep bit sang in mite ham thei bailam a sa jaw hi. Mite ham va thei na khu pilna ahia, eima ham manghil jen a vathei seng khu mawt na ahi kia hi. Nikhat ni chieng in na Zou hina bang e !! hing ki chi ta leh bang in na dawng diei?? Na Zomi hi na lah dawng thei nawn lou khop hiel a umta chi’n a maw……Zou ham lawmlawm a Laisiengthou jong simthei lou bang Delhi a ki khopital sah viel , chi ou!. I jiet-i vei a i unau te’n a mau ham ajah siam ban uah a ma’u ham a umlou te jong ei ham a pat la/gu in ham hausa suo lel uhi. Nam changkang or khangtou hi na ding in ei jong ham-le-pau ngaisan na (Linguistic chauvanism) lungtang i nei uh ngai ahi. Ham-le-pau ngaisan na in i hina kem bit gua hi lou in ang pePa (Pasien) tawi san na khat ahi. Alleluii….!!!.

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s