The Three Dimensions of Faith: Unity, Liberty and Love: Essential, Non-essential and Everything

Mr. Khai Minthang

Introduction:
Tam thupi kigen khu Kumzalom 19 lai in Hattuomte nasatah in denominational level ah ana kikhentuo ua, ngaidan kibanglou leh chikhat namkhat hiloute na umkhawm theilou in ana kikhen zungzung uhi. Tua lung-awpkai hun laitah in Alexender Campbell leh Barton Stone a Hattuomte uh kunga a thumna (The Plea) khu thupi (Motto) in ahing neita uhi. Tua thupi khu: Ginna tawh kisai ah, pumkhatna; ngaidan tawh kisai ah, zalenna; sil zousie ah, iitna chi khu ana hi hi. Tuahun apat in tua thupi gendan tuomtuom ahing gen ua, “A poimawte ah, pumkhatna; a poimawloute ah, zalenna; sil zousie ah chitna(charity)” ana chi uhi. (1) Tam thupi tawh kisai in I Zogam uah I Pasian biehdan leh peipidan tampi etphathuoi in ka mu a, bawlphat diing leh siemtha diing zong tampi um in kamu hi.

In Essential, Unity: Tam pen “In matters of faith, unity” zong a kichi a, a umzie khu Pasian I ginna thu a Laisiengthou a kigielte a pumkhatna china ahi hi. Laisiengthou sunga thu umte mihingte a diingin a manpha a, tuate ma in leitung mite apat a hattuomte ang hisah ahi. Hattuomte umzie khu Pasian in Dawimangpa khut sunga saltangte ahing hatkhietna thu ahia, leitung leh asung um zousie thuneina kipie Satan apata hatkhiette china ahi hi. Hattuom ichi khu Greek ham “εκκλησία” (ekklesia) chi kammal apat a hing kiladoh ahia, “a kihankhe tuomte kipawlkhawmna” (gathering of the called-out ones) china ahi hi.(2) Tam banga kiham khete khu Laisiengthou chibang banga gamta diingte ihi uhi. Tam pen Kristian ihina a poimaw pen ahi hi. (This is the essence of being a Christian).

Bangzieh a Zou/Zomi hing kichi ahiei chi na ngaisun kha ngai ei? Ahilouleh, koite e Zo/Zou kichite chite bang na ngaisun zel sam ei? Nam khat hite khu ham-le-pau, culture and custom, tradition and practices kibangte ahi uhi. Tamte khu abulpite leh apoimaw pente (fundamental and essential) ahi hi. Zou society sung iet chiengun tami thupi (philosophy) zahthei tahtah ahidan muthei aum hi. Pu Zamkholian in achi bangin:

“I louma kibang, nam leh chikhat ihi, Zou ihi.
I kaal ua laidang (Wall) I lei hattuom;
Lung pichingin la, selung geelkhawm in,
Semkhawm vai inam leh Krista Manggam di’n.”(3)

Tuni’n I society ah Pawlpi (Denomination) in nasahtah in kikhenna ang tun hi. Ham-le-pau, culture and custom, tradition and practices khat zangtheilou a um in, be-le-phung lamkaite’n nopni-dani in thu ang neiseng uh abangta hi. Tambanga ipei touzel uleh tunua sawtlou in identity crisis inei diing uh a banga, a lipkhap huoi malam hi. Hitheileh Laisiengthou khat, labu khat, Sunday School (Beginner apat piching) subject kibang, Zou laibu bawl khat phot in ZLS a zah diing, etc. chite nei ahoita hi. Tuate pen I thupi ua igen bangun Zou minam hina diinga abulpite (essentials/fundamentals) ahi hi. Tamte a I pankhawm thei uh apoimaw mama hi. Tam pen Zou ihina ua poimaw pen ahi hi. (This is the essence of being a Zo/Zou).

In Non-essential, Liberty: Tam pen “In matters of opinion, liberty” zong a kichi a, a umzie khu I ngaidan leh lunggelte ah zalenna china ahi hi.

In Everything, Love: Tam pen “In everything, Charity” zong a kichi a, a umzie khu Pasian tate ihinua ua ibawl khat phot iitna tawh ibawl diing uh china ahi hi.
Aban sutzom nalai diing………………..

1. http://www.freedomsring.org/heritage/chap35.html
2. http://en.wikipedia.org/wiki/Ecclesia
3. Manlun, Zamkholian: Vanmang Jubilee…(**) (Audio): Tami cassette ka nei sih a, hoitah a reference pieh diinga kilawm hinapi in ka pieh diingdan aum sih hi. Ngaidam maw!

Source: www.khaiminthang.blogspot.com

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s