THUKHUN lui leh thukhun thak

Pastor Dr.Hs.Chinsuan thang
EBCC Immanuel Hqtrs.Veng

THUMASA: Thukhun i chih chiang in mihingte’n i bawltawm maimai hilouin Pathian in mihingte’ zuihdinga apiak Thukhun gen i hizaw hi.Huaileng Pathian tate’ zuihding a piak Thukhun ahi tuamse hi.Huai zuiloute tungah Pathian vaihawmna leh thukhenna mulkimhuaitak a omding chih Thukhun tawh kihiang hilhel in a om hi.Tua thu tawh kisai i News uh zangin houlimkhawm lehang ut-huai i sa uhi.

Thukhun lui: Toupa Jesu a hongpai ma in Pathian in a mite’ zuihding in Thukhun a bawl a, huaituh tulai huna i khawnung genchiang un Thukhun Lui (Old Covenant or Old Testament) a kichi hi. Huai hunlaia Laisiangthou tuh Dan ahih keileh Mosi Dan a kichi hi.Hiai Thukhun Lui hunlaiin, Ha sika Ha, Mit sika Mit chih ahi(Exodus 21:23-24). Huai omdan tuh min i tungua ahih bangbang ua thuk ding chihna ahi. Min ang akawm leh suang a denlup ngeingei ding chih ahi(Ezekiel 16:40;23:47). Thukhun Lui hun in Pathian in a thukhun bangbang in vai ahawm hi. Na melmate uh hua unla, sisan suah dingin na namsaute uh zang un, huchilouin zaw hamsia na thuak ding uh chi hi(Jeremiah 48:10 b.; Mathai 5:43 b). Pathian in Israel-te’n a melmate uh doua kuamah hawiloua that siang sipsip dingin thupiak leh thukhun abawl hi (Josua 6:21). Negu leh tagu a puanhoihte leh dangkate lagu Akan leng suanga denlup a thahin a om hi(Josua 7:25-26). Pathian in a mite sianthouna ding leh diktat taka vaihawm Pathian ahihdan a theihsiam ua laua a thupiakte leh a thukhunte alimsak ua a zuih uh a deih ziakin huchibang in thukhun khauhtak a bawl hi. Gending tampi a om himahleh hiai ah i genvek seng kei ding.

Thukhun thak: Thukhun lui hunin mi kuamah Pathian thukhun zuia chingzou a om kei ua, huaiziakin Pathian mahin a Tapa Jesu Christ sisan in Thukhun Thak ahon bawl hi (Mathai 26:28b;Marka 14:24b leh Luke 22:20). Huai tuh hehpihna leh itna Dan Thukhun thak ahi. Toupa Jesu’n Thukhun thak ahon piak tuh na melmate uh it unla, nou hon sawite Pathian kiangah thumsak un, chih ahi. Pathian melmate i hihlai ua a Tapa tang neihsun ahon piak banga eite’n leng i melmate uh it a thumsak dingin Thukhun thak leh thupiak thak Jesu’n eite ahon pia hi(Mathai 5:44b). Melma ahon hamsiatte vualzawl a ahoihna ding ua Pathian kianga thumsak dingin Jesu’n Thupiak thak ahon pia hi(Luke 6:28). Melmate’n ahon vuak ua ahon sawisak ua i ngeibeng ahon bet ua leleng ngeibeng langkhat lam leng bengsak dingin ahon hilh hi(Luke 6:29). Huai omdan tuh i tungua thil gilou hihte thuklouh ding chihna ahi. Mite a khelhna uh ziaka thah ding chih hinawnta louin Pathian mina ngaihdam ding chih Thukhun Jesu’n eite ahon pia hi. Huchilouin zaw nang khelhnate leng Pathian in ahon ngaidam hetkei ding chih Jesu’n ahon hilh hi, (Mathai 6:14-15). Pathian in Jesu Christ ziaka i khelhnate ahon ngaihdam taktakte i hihnak lebel i tungua thilhih khialte leng aloutheiloua i ngaihdam ding uh ahihdan thupiak Jesu’n ahon piak ahi (Kolosate 3:14). Thah ding, dou ding leh hihlup ding chia Thukhun thak in ahon thupiak tuh eimah sunga om mihing lui ahi a kuate hiam melma gen hilou ahi chih i theichian uh poimawh hi(Kolosate 3:5).

THUKHITNA: Jesu’n eite ahon piak Thukhun thak kalha midangte sinsak khak ding thil lauhuai mahmah ahi. Christ doudalna i chihte bangmah dang hilouin Christ Thupiak ( Thukhun thak) leh a sisan man tamtaka Cross tunga Thukhun thak ana bawl kalha thugen hiam leh gamtatna ahizaw hi. Jesu Christ thugente tawh kikalha mite sinsak khak ding a lauhuai hi. Huchibanga kalh kha a sinsak mite’n Pathian leh Christ gamah tan a neikei ding uhi. Tulai in i gamsuang uah Kha-gilou, Setan kha leh Dawite nasep a uang mahmah chih thei in Pathian’ tate pilvang dingin i kihasuan uhi. Jesu Christ nungzui taktakte i hihleh ahon sinsak, Thukhun Thak i zuih ding uh ahi.

Manipur Express June 2

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s