BANG MUN AKICHI DIEI

– Rev. Hangminthang

Khum thu Jerusalem a mi zousie in a thei ua, tuachi’n khum mun khu amahaw in Akeldama achi ua; khum khu Sisan Mun china ahi (Nasepte 1:19)

Juda Iskoriot in a Mangpa a inn/mun tampi um theiva chi gintat khu siempute kungah avape Ida a, khumi sumin mun awng khat alei ua, khumi mun khu Sisan Mun chin aminvaw uhi, (sisan man a kilei ahij iehin). Juda lskariot in amun mm dung aphuohkha sih a, khumi mun kilei Iamzong a theipha man nonsih diing hi, a shi mantah jiehin, Hinanleh leh, mipipte’n silpiengte toh kituoh a amun min dia sisan mun achi uh ahijaw hi. Tulai in eite lah ah zong tambanga minphuah theidiing aumhi.

Midih Sisan Man –

Tulai milien leh milalte’n, midih sisan man, mite mun le muol neisa, sum-le-pai nei jieh lahsah; midihlou khat sum-le-pai deigaw jieha midih tangsah, midih khat sum-le-pai a neilou jieha midihlou tangsah chite atam hi.

India Kumpi (Central Govt.. of India) in, ei singtangmi tuontuolte panpina diingin lampi tuomtuom ah swn tampipi ahing pie uhi. Ahin. State govt. spat District leh Block chin ah, atunna dung tunglouin aluongmang jeljel hi.


Singtang khuote a electric meivah tungsuota hidan in aki anga, atunlouna mun to adin Solar Lamp (Light) a mantawn in a kipie a, akipiehna mun leh gam mite’n tangphalou in, khopi sunga mihausate’n electric inverter Solar lamp anei kop liepluop uhi. India Kumpi in Burma gams dia ahing pieh hilounapi in, Solar Lamp tampi tah Burma gam ah atung hi (U le nau itdan siam thou hai maw.::).
Lampi bawlna dia sum tampipi ping pie uh, lampi kibawllou inn bawhia akizang. Lei (culvert)) bawlna dia sum ping kipete gamleina leh inn bawlna dia kizang, inn tungah Gari dia sum lung kipete gamleina leh inn bawlna dia kizang, inn tungah Gari ataitheina diei…? Contract Work a nasemloua a sum teng kiladoh. Mite gendanin, ei Churachandpur District sung lampi bawlna dia sum hing kipeteng khu asumpeh (a sum note) in lampi ali phalei zong daapsuoh zota diing ahi, kichi hi. Naupang tagaate (orphans) kepna dia sum kila, innsung kiningching tahtahte kipie, a neizou tahtahte fate etkolna dia kizang jel; apoimawhte’n tangkha lou, a neizoute’n tanbebe nalai. Naupang gentheite adia Mid-Day Meal hingpie, Mahajonte’n le sieng jel uh, naupangte’n nekha lou.

Tuin NREGS kichi scheme leh plan hoitah nasep-theina sil hoitah hing kia, mipite hamphatna diing ahilaia, mipite’n hamsitlaw uh, khosung leh vengsung vaisaite’n kiniel bautamna piengsah nalai uh; khosung hausate leh vengsung vaisaite’nlah dihtah leh gin-umtah a bawllou; office a asaite’n lah sum nehtheina diing lampi (ngabawm) anadaw chief nalai uh, bang suohta diing…?

Tam atunga igenkhahlou uh, nasep silbawl, sum-le-pa apeina diing lampi jui khaloua mun tuoma lutkha tampi um hi. Tam sum-le¬pai thelthangte khu huikhuo a leengmang ahisih a, a lutna inn um chief ahi. Khumbang sumte lenlutna innsungte khu thupi tahin hing kilamdoh vanin, inn min hoi tahtah kigelvan, mite etla thei in kilawmtah umven. Nangma’n na INN Min diingin min hoitahtah phuoh nanlechin amahaw ham in (vanmite’n) bang akichi diei? Bang Mun akichi diei? Na ngaituo khangai ei…?

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s