Mini-Secretariat tumkik, MU hill campus bangchi ding?

Editorial, The Lamka Post June 11, 2008

Manipur University pen Central University a dopsang ahih dungzui in India a Central University teng in 7.5% reservation zat dia dan kibawlsa a zuih hong ngai hi. Manipur University a ST quota ana kizang sek leng zat theih hinawntalou a, huai ziak in Manipur University Tribal Students Union (MUTSU) leh All Tribal Students Union (ATSUM) in 34.2% reservation ngen in leh MU faculty leh staff tuamtuamte lakna a leng singtangmite deidanna omlou a a hiding bangtak a lak ding ngen in kiphinna nasatak ana pan ua Chief Minister makaih in Delhi a Human Resources Minister tanpha kimuhpih uhi. A ngetnate uh a lohchinlam theih hikei mahleh, MU hill campus 2 bawlkhiak ding UGC kiang ah proposal bawl a, UGC in leng a thu in lemsakna peta hi. MU in UGC a proposal a bawlte lak ah MU, Canchipur a department thak 7 honkhiak ding leng tel in hoih mahmah mahleh, MU hill campus 2 honkhiak ding kichi pen mahmah singtangmite a di’n hamphathuai hi. Deihthusam in bel MU hill campus hilou in UGC nuai ah University piching bang neithei leng uthuai mahmah hi. Himahleh, Nagaland University leng a tung a NEHU nuai a om himahleh tu’n University piching khat a suakta hi. Tua Manipur University i chih leng JNU centre khat maimai ana hisek mahleh tu’n bel Central University ahita hi. Huai ziak in MU hill campus i neih theih ua leh bel University piching neihna ding gintaksang in naizaw thei hi.

Tulel a siamsinna toh kisai a i dinmun uh i ngaihtuah chiang in, innmun-loumun pansan a lehkhaziltheihna mun i neih sunte uh Lamka Govt. College leh Churachandpur Govt. College ahi. Kingakna tham a chinlouhdan i theihchiatsa uh ahi a, ‘kai bei’ theih takpi ahi. BA/BSc hiai college-te apat zoukhete’n maban a sutzop nuam ua leh mundang a naih uh ngaita a, huai lah mi tamzawte a di’n thil haksapi ahi. Himahleh, MU in UGC kiang a proposal a bawl pen sunglam leh polam apat subuaitu omlou a a paisuak theih a leh 11th plan proposal ahihman in 2007-12 sung in Master Course, M. Phil. leh Ph.D tanpha i innmun-loumun ua pat i zil theita ding uhi. Proposal dungzui in MU hill campus ah Social Work Department, Environmental Science Department, Forestery and Horticulture Department, Rural Development Department leh Tribal Research Department honkhiak sawm uhi. Hiai department-te ahihleh professional line ngen ahihman in hiai department apat Master’s Degree ngahte a di’n, a houlam in gen leng, sepna muh a nuamzaw maithei hi.

Sepna lam toh kisai in leng, MU proposal dungzui a MU hill campus bang bawl hileh Social Work Department, Environmental Science Department, Forestery and Horticulture Department leh Rural Development Department nuai ah Faculty di’n Professor 1 chiat, Reader 2 chiat leh Lecturer 4 chiat lak hiding hi. Huaite banah, non-teaching post tuamtuam tamtak, Sweeper, Chowkidar cum Mali, Peon, Plumber electrician, Jr. Asst, Lab Asst, Tech Asst, S.O. (Electrical), S.O. (Civil), Assistant (General), Assistant (Fin & A/Cs), Semi Professional Asst, Professional Asst, Section Officer (Fin. & A/Cs), Section Officer (Admn.), Asst Librarian, Asst Engineer, Asst. Fin. Officer, Asst Registrar, Deputy Fin. Officer leh Deputy Officer lak hiding hi. Siamsinna lam leh sepna zon lam lunglutloute a di’n leng “Construction of Building & Campus Development” nuai ah Administrative Building, Library Building, 60 bedded Men’s Hostel, 60 bedded Ladies Hostel, Type (VI), 1 Block (4 units), Type (V), 4 Blocks (16 units), Type (IV), 10 Blocks (40 units), Type (III), 15 Blocks (60 units), Type (II), 10 Blocks (40 units), Canteen, 1 Block, Road Electrician i/c Generator, Water Supply, Road, Drain leh sum tamtak lut a bawl ngai ding nna tuamtuam tamtak om hi.

Himahleh, hiai bang hamphatna pen AIR Radio Station bang deuh a, i kamsung ua a om khin hinapi valh theihlouh a a om nilouh ding lauhhuai mahmah hi. Mini-Secretariat bawlna ding tungtang ngial ah, project sepsuahna dia sorkar in sum tanpha sanction a bawl nung in kihazatna ziak liauliau in tumkik hilhel a, simlam a tengte hi’n mallam a tengte hitaleh, Churachandpur district mipite’n i suploh chiat uhi.

Huai ziak in, Mini-Secretariat mah bang a mahni deihna mun chiat a MU hill campus koih sawm a kikantuahna ziak a a tum mang ding lauhhuai ahihman in, nam-le-gam banah mipi a dia sem kichi pawlpi tuamtuamte’n mipi hamphatna ding a hawlmanglouhna ding ua kithukimna khat a neihtheih uh deihhuai hi. Kithukimna a neihtheihkei tawp ua leh leng sorkar khut a koih a, sorkar’ vaihawm dandan pom dia kithukimna tan bek a neihtheih uh hoih ding hi. MU hill campus leng Mini-Secretariat bang a a tumkik a leh bel mipi a dia sem pawlpi kichite mipi hamphatna ding hawlmangtu pawlpi suak ding uhi.

================

MPCC President in Congress Blocks Conference uap, Congress Minister/MLA te zuih ding leh sep ding Resolution 4 pass


Lamka, June 10: Manipur Pradesh Congress Committee thupiak dungzui in CCpur block, Thanlon block leh Tipaimukh block congress conference tuni sun dak 12 in Synod Hall, Lamka ah neih in om a, MPCC President Pu Gaikhangam, Power Minister Pu Phungzathang Tonsing, MTDC Chairman Pu T. Manga Vaiphei, MLA ten hiai hun uap uhi. Tuabanah, CCpur block, Thanlon block leh Tipaimukh block apan makai tuamtuam inleng uap in thugenna hun zang chiat uhi.

MPCC President Pu Gaikhangam in genna ah, India vaihawmna ah Indian National Congress chihlouh party dang vaihawm zou ding omlou a, tua kia leng hilou in Sahkho Zalenna kembittu party muanhuai pen congress hi’n leng gen hi.

Power Minister in a genna ah, Congress makaih UPA solkal vaihawmna nuai ah singtangmi namniam leh gentheite panpih theihna ding gelna in guide line hoihtak nuai ah NREGS phuhkhiak in om a, hiai tungtawn in scheme tuamtuam pansan a sepkhak theihlouhte sepkhiak in om a, government hauhsakna zarzou kha theilou migenthei daikilkal a omte kiang government hauhsakna tun sak ahihdan gen hi. Hiai pen tamtak in Centre apan DC tungtawn a hong pai mai dan in a ngai ua, himahleh hiai hilou in UPA solkal lemgelna hizaw a, Manipur ah leng district tamzawte zarzou ma in CCpur in hiai hamphatna zarzou masazaw ahihdan gen hi. Hiai pen CCpur district sung a Minister te leh Congress MLA te hahpan ziaka district dangte sang a hiai hamphatna ngahmasak zawk a om hi’n leng gen hi.

Minister in a genzelna ah, Congress makaih UPA sokal vaihawmna nuai ah loubawlte khualna in loubawlmite loan late sum bat Rs. 60000 crores ngaihdam hi a, CCpur district ah leng agriculture toh kisai a loan ba na om ua leh hon hilh le uh chin, ngaihdam na hi ding uh chi’n leng gen hi.

Hiai Conference a paikhawmte’n kituaktak in thupukna 4 la ua, tuate bel; SPF in lampi, tui dawn ding, meivak, loubawlna, siamsinna leh a dangdang development works naksem a semsuah dia phut ding; Kizopna hoihsem a om theihna ding a Congress Ministers/MLA ten district sung tour a hong pai chiang ua, district level congress makaite a theihsak ua amaute toh kithuahpihna a nget ding chih leh Congress MLAs/Ministers ten congress member te co-operation hoihtak a piak ua, hamphatna toh kisai a leng congress member te deihsakna piak masak ding chihte ahi. Tuabanah, CCpur district sung a mautaam kialpi thuakte toh kisai kithuahpihna nasep ahitheitan a SPF solkal in a uang bawl ding chihte leng ahi.

District Youth Congress President Pu Tongthang in a genna ah, tui omlou in ngaswa hing theilou a, tua bang in mipi omlou in makai om theilou ahihman in, ngasate nuamtak a a hin theihna ding ua Ministers/MLA ten ngakul a tui hoihtak a a suk dim gige ding uh ahi chi’n leng gen beh hi.

Resolution:

1. It is resolved that the present congress led SPF Govt. be urged to take up more development works such as Road, Drinking water, Power, Agriculture, Education etc.

2. It is further felt and put on record that some of the Hon’ble Minister of the party have failed invariably to attract the confidence of the party whenever visited any part of the district.

It is therefore, resolved that the Hon’ble Minister of the party be urged to endorsed a copy of their tour programme and seek the co-operation of the party worker of the district for better relationship in future.

3. It is also resolved that the elected congress MLAs/Minister of the district be urged to give full co-operation and priority to the congress workers at the grass root level.

4. The Joint Block Level One Day Conference viewed seriously the problem of Bamboo flowering effected area of CCpur District and resolved that the state Govt. be urged to extend maximum possible means to solve the problem of the people of the effected area.

===============

Tuni’n mi 10609 val in cancer damdawi, Meetei 200 val in aban ua maiba khau buhte uh attan in paimang

Lamka, June 10: Chawilien Cancer Medicine Research Agency Saikot ah tuni’n cancer damdawi la Imphal area leh mun tuamtuam apan tuni’n mi 10606 val in damdoi val ua, tuni’n cancer damdawi litres 1300 val ding hawm bei uhi.

Agency apan thutut kingah dan in, tuni a Imphal area leh mun tuamtuam apan damdawi la a kuan Meetei mi 200 val in aban ua maiba khau a buhte uh a phattuamna om nawnlou a, Jesu Christ a gintak ziak un at-tan in paimang vek ua, Sumrei (14) s/o Tom Singh of Thrumchumba Chandel District kho mulou inleng tuni’n khua muthei hi. Pu Chawilien, a Pathian nasepna ah tuni tan tawl gawptak ziakin Lamka khopi sung a saptuam hileh mi malmal in thumna a phawk chiat ding in Joseph Infimate Information Media Incharge in ngen hi. Zan nitak ngial in Imphal leh mun tuamtuam apan damdawi la dia kuante amun ah giak lut in zan dak 9:00 apan mi 500/600 val damdawi la ding ki-line khin uhi.

Source: http://zogam.com/index.php?option=com_content&task=view&id=3415&ac=0&Itemid=2

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s