Compartmental Examination Centre tungtang

Siamsinna toh kisai in High School leh Higher Secondary level ah Churachandpur district pen Manipur a dia suanhuai mahmah pawl ahi. HSLC leh HSSLC examination result a suah chiang in ei district apat lohchinna sangtaktak ngah kum teng in om gige hi. Himahleh, hiai bang kawmkal ah ana lohsam pawl bang leng tamkhoptak om veve sek a, huai banah, lohsam thouthou dia leng kum mansuahlou dia ‘chance’ piak a om compartmental examination gelhthei ding leng tamkhoptak om zel hi. I district uah HSLC leh HSSLC examination centre om mahleh compartmental examination centre (ana) omlou hi. Mivantang in phawkpihkei mahlehang sinlai naupang tamtakte compartmental examination gelh dia Imphal a a hoh uh ngai in haksatna tampi tuak gige uhi. Imphal leh Lamka kikal kikawmtuahna theihkholhlouh a buai guihguih thei ahihdan i theihchiatsa uh ahihziak in, examination toh kisai ahihchiang in exam ni zingkal a Lamka a kipat kuan pat kichi ‘risk’ lianpi ahi. Imphal leh Lamka kikal kikawmtuahna hoih mahmah bang hitaleh leng mi’n innmun pansan a exam a piak lai ua ei a te’n sum-le-pai tamtak seng a exam a piak uh ngai chihna suak hi. Huai banah, Imphal a kuanna a hun manpha tamtak a bei ding banah exam pe dia kuan tawl dimdemsa a examination hall lut ding kichi thu baih hilou ding hi. Gari khamte a ding ngial in ahihleh “a suaksuak suak” chih baihlam mahmah ding hi. Hiai teng banah, bandh, blockade, general strike kichi om guih thei gige ahihna ah exam pe dingte a dia bel Imphal a giahsuk mah lungmuanhuai ding hi. Himahleh, miteng in Imphal a pansan ding tanau neiveklou ahihna ah compartmental examination centre i neihlouh uh a houlam a gen in ‘buaihuai’ mahmah ahi.


Mivantang in hiai bang a i sinlai naupang tamtakte haksatna tuah tungtang ana phawkpihkei mahlehang i district ua sinlai naupangte kipawlkhawmna lianpen Churachandpur District Students’ Union (CDSU) in pan ana la hi. HSLC leh HSSLC compartmental examination centre Lamka a honkhiakna ding in CDSU leh Manipur sorkar in September 19, 2006 in kilemna suai ana kai uhi. Manipur sorkar in suai a kaihna sepsuah ding donlou in om nilouh a, huaitak in CDSU in leng June 14, 2008 in Chief Minister banah Board of Secondary Education Manipur (BSEM) leh Council of Higher Secondary Education Manipur (CoHSEM) kiang ah lehkha khe nawn uhi. Hiai tan ah leng sorkar in a mipite haksatna leh ngetna kitheihmohbawl hileh kilawm in ngaihsak tuanlou hi. Tu’n ahihleh, khauhzawsem a sorkar nawk dia kisa in a poimoh a leh board dang tanpha a affiliation zon di’n CDSU in vauna bawl hi. Hiai tungtang ah June 28, 2008 a join meeting a neihna uah Churachandpur District Private School Association (CDPSA) in CDSU kiang ah ‘full-support’ pia a, a poimoh bangbang a kithuahpihna leng piak ding in chiam hi. District administration lam ah ahihleh DC/CCpur Mr. Sumant Singh, IAS in a gelhthoh in Commissioner Education (S), Government of Manipur kiang ah HSLC leh HSSLC compartmental examination centre Lamka a koih dia mipite ngetna pen poimoh mah ahihdan theisak hi. Compartmental examination centre omlouh ziak a sinlai naupangte haksatna tuahte taklang kawm in mipite ngetna DC in gum a, hiai tungtang a a poimoh bangbang semsuah ding in leng Commissioner Education (S) ngen hi. Sinlai naupang haksatna tuak tamtakte sik-le-tang a CDSU’ ngetna pen thudik (genuine) mah ahihna ah a panlakna uh kipahpihhuai mahmah a, a hong lohchin ngei uh leng i lamen hi. Huai kawmkal ah, DC in leng a hih ding hihta ahihna ah, i sinlai naupangte khualna a HSLC leh HSSLC compartmental examination centre Lamka a honkhiak ahih teitei theihna dia CDSU malpansaklou a, mimal hi’n pawlpi tuamtuam hitaleh, i nungthuap uh hoih mahmah ding hi.


Source: http://zogam.com/index.php?option=com_content&task=view&id=3571&Itemid=120
Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s