Sum-le-pai sang in Sakmin hoih

Editorial, The Lamka Post July 10, 2008

North East Council senna nuai ah Lamka Police station apan Singngat kikal lampi bawlna pailel pen 75% bang zohsiang hita hi. MLA election teng a campaign la dia kizang Singngat leh Lamka kikal pen a taktak a nasep pat ahihna ah mipite lamet a taktak a tangtung bang khongkhong ahihman in mipi kipahna sang mahmah hi. Kum 1 val paite in Singngat leh Lamka kikal dakkal 2 val gari tai a, tun bel dakkal 1 lelkhong taita a, lampi a sauzaw hoihzaw ahihtakman in gari hekte’n leng nuamsa in gari hat theipeuh mahmah hileuleu zel a, tuahsiat ding lau kihinawn leuleu hi.

Nasepna tuchiangchiang ah demna ding neuhneuh om mahleh, a tamzaw tham zohsiang ahihna ah na kipahhuai mahmah a, singtang lam apan damlou gim mahmah a hon puakte uhleng Singngat leh Lamka kikal ah gari in singlum nawn hial lou ding chihna hita ahihman in mihing hinna bangzah him hotkhiak ahita ding a, mahajonte gari a hek kei deuh ding a, thautui leng a bei tawmzaw deuhta ding chihna ahihtak man in mahajonte leh migentheite a ding in kipahhuai tuaktuak hi.

Singngat leh Lamka kikal a tamzaw zohsiang himahleh, hiai sang a sauzaw Guite Road omlai a, hiai in alkatra nengchik leng chiamkha nailou ahihman in hiai kikal sem dia mohpuakna la contractor-te’n ‘vahnombah’ lampang uang bawl sang in bangchileh Guite Road a hoih thei dia? bangchileh a detdou thei dia, bangchileh a tawldam thei dia chih ngaihtuahna toh lungtunhuai tak mah in pan honla le uh chih deihhuai mahmah hi. Bible in nasemtu loh mutak ahi a chih bang in, contractor te leng a sep man uh a muh ding uh ahi, ahihhang in, midiktatloute hih bang a hih mailou in, a pung ding kia enlou in banah, seplouhna leng sep bang a gelhtheite mai a leng kitulut tuanlou in, Zomite Gou ahi chih phawkkawm in mun dang teng sang a hoihzaw in hon bawl le uh deihhuai mahmah hi. A gam neitute’n bel a lampi hoih sang in a summuhna ding kia uh a hon ngaihtuah ding ua, huai tuh a ngeina uh ahi chih mangngilhlou in amaute ginna gal lam a hoih in semle hang in Nam muantham i hihna mite hon thei ding uhi.

Gen sau lai le, khovel pumpi a Zomite a dia lampi poimohpen tuh Tedim Road, Guite Road leh Tipaimukh road ahi. Hiai lampite tuh Zosuante hinna lampi hi a, hiai tungtawn in Zomite lak ah nek ding puaklut in om a, tua toh kiton in Zomite sepsuah zuak theihte tuh hiai lampi tungtawn mah in puakkhiak in om hi. Tua ahihman in hiai lampi bawl thei dia om contractor teng in Lamka khopi sung a kibawl bang a duhthusamtak mai a ahon bawl uh deihhuai mahmah a, tua bang a hon bawl ding in contractor teng i hasuan in i chou uhi.

Phamsa Pu H. Jelshyam in a laphuahna ah, ‘Sum-le-pai lam tamsang in, sakmin hoih manphazaw e’ a chih bang in hiai nasepna ah sum lam a puunna sang in sak min hoih mah hon thupi bawl thei le uh deihhuai mahmah hi. Sum-le-pai a hauhsakna in midangte hetkha zel a, himahleh min hoihna in mi tengteng kipak sak a, min hoihte a ding inleng tangtawn gou daih ding hi. Hiai lampi bawltu dingte’n ngaihtuahna thuktak toh gel vengveng a na a hon sep uh i lam-en hi. I gam puah ding in USA apan kuamah a hong kuan kei ding a, phualpi kumpi apan inleng kuamah a hong kuan tuan kei ding, nang hoihtak a nasep leh a hoih ding a, hoihloutak a nasep leh hoihlou himai ding ahi chih phawk thak ni.

Email us at : lamkapost@yahoo.comThis e-mail address is being protected from spam bots, you need JavaScript enabled to view it

Source: http://zogam.com/index.php?option=com_content&task=view&id=3615&Itemid=2

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s