Malaysia aa om ka mipi teng kunga laithot

Itna le lainat na tahpi tawh ingaihsut kia ding un,khaiciet tung kang ciel hi.


Atangthu atom aa etkia naa;


Malaysia, Kuala Lumpur khuopi, Kepong Wangsa Permai veng ah, abeisa kum AD kum 2000 lai-in Zo te kikhop na fellowship ci’n Zo Christian Fellowship ( Z C F ) na om aa, tuo pan in, Victory Bethel Church ( VBC ) le Kepong Refugee Center ( KRC ) ci-in tu in fellowship kikhop na mun thum ah ki neih hi.Yangon lah style in gen ding cilei, akhangto dan aa igen ding dan hi tuoh. Tangon ah zong, Zo te bang maza pha nailo pen, pawlpi tampi tah in iki khen uhhi. Tuo pen Topa thupha saang in ikigen uhhi.


Tu’n Kepong Wangsa Permai veng ah, kalsawm thum kigam lalo ding mun thum ah Zo te kikhop na mun thum ang om hi. Asawt lo fellowship khat kibelap lai ding in zong thu kiza hi.


Minam vai tawh et naa:


1. Minam kipumkhat na vaitawh en lei?… Eimi tepen, pilna, theina, siemna, ngaisut siem na, le mu na-ah akhangto nailo mite ihi dung zui-in, kipawl ton na ii phattuom na zong akitel siem nai lo suoh aa, tuo dung zui in kipawl ton na neilei zong khanto na ei neisah zolo hi cipen angiel ding omkhol lo ding in tuot ing. Alanglam khat pan in enkia lei, tam bang aa, kipawl na tuomtuom inei ziek in, Lushei te dan kibang lo aa, ilungsim uh kikhenthang na, kipumkhat zolo na ei guon zaw in om in mu ing. Tuo ziek in tam bang aa ituom ciet no uoa, ikipawl na te unh, lungsim kikhenthang na ei pie tawh kibang ahi ziek in supna gol penpen asem den tawh ikibang ding vuoi mah ci ngaihsutkia huoi sa ing.


2. Tu lien in kikhop na munthum ah inei vua, ikhop uh inn pen, khat cieng in Rm. 750-800 in isap vua, tuiman le meiman tawh hla khat in Rm.1000/ ( tulkhat ) ta ipie uhhi. Tuo bang aa kikhop na inei zo nading un, ei mason ciet ah ihan ciem vua, ineizo tah cieng un ilungdam ta mama uhhi. Atahtah in en siem in ngaih sun siem lei, hla khat in sen mihau inn neite Zo tate in Rm. 3000/ ( tulthum ) akipie den suoh hi.


Doh naa:


1. Bang ding aa minam khat lah hi, Christian vive lah hi aa, tuo ban ah, vengkhat aa omton hi napi in, kikhop na mun khat zang thei lo ihi vuoi?


2. Atuomtuom aa, vamin ta kigen bang aa, ikikhop ziek un, hla khat in Zo tate Rm…..? isum den vuoi?


3. Atuomtuom aa ikikhop ziek un ikipum khat nading bangtan cieng ei nukhia sah? ci thum teng i ngaihsut siem kia ding un, kalai nat na kang thei sah kia uhhi.


Biek inn khat zang in, tu aa isum paihpaih teng azek ding in kituot lei, Biek inn 2 aai, Rm.2000/ ( tulni ) hla siel in Wangsa Permai aa om Zo te in ikhol zo ding uh hi. Tuo Rm. 2000/ pen kawlsum in Ks. 700,000/- ( teng sagi ) kim pha aa, tuo tawh kawlgam aa om imiisa te hu ding maw? Kawlgam sung ah imi isa te ding sangkhat hong ding maw? Kawlgam sung aa om Nephu gaw lieng aa, Hlasum kham lo Pasien nasem imi te hu ding maw? Nu le Pa neilo Taga imi isa te ding nasem ding maw? etc isem thei uhhi. Khat lam pan in gen lei, Wangsa Permai veng aa om Zo te hlasiel in Ks. 700,000/ akisum den suoh hi.


Biek pieh na khat omkia ding ci-in iza lai uhhi. Tuo ang hi semsem le, Kepong Wangsa Permai veng aa om Zo tate, hlasiel Ks. 1000000/ (Ks. tengsawm ) bang asum ngitnget ding dinmun ah i om uhhi. Khat lam pan in en lei, ngaisun thei in, kipawl ton in tuoteng tawh kawlgam sung ah, na sem ding cilei, Zo te in NGO khat ikipan thei uoa, tuo NGO kipan zo ding hi lei, INGO in ei hu toto ding aa, Zo tate in khantopi mama ding hi cipen upmaw thugen hilo kha ding hi ban ah, septon na ineih zo uh cieng in tuo isep ton na unh lungsim kigawm na le kipumkhat na lam ah ei kalsuon pi lai ding ahi ziek in mailam Zo te ding in lam et huoi na tampi tah imu toto thei ding uhhi.


Tuo ahi ziek in, mun dangdang aa om te ka ci ngam nai sih aa, Malaysia gam, Kuala Lumpur Khuopi, Kepong Wangsa Permai veng aa om Zo Christian Fellowship thum sung aa makai aa kinei te in, kimu tuo aa, ingaih sut kia ding un kilawm mama hi. Nu khia ta ci hi lo hi. Amin in lo lei, KRC, VBC le ZCF aa makai teng in, ngaisut kia dingin kilawm kasa mama hi.


Sen te ei siang in zawng zawdeh lo aa, ei zong ahau luo ihinai sih uhhi. Hau kisa ta ihi uhleh zong, Topa Zeisu in, aminam te ma na khuol masa aa, e’n zong kawlgam sung aa om iminam te ma ikhuol masah ding un, laisientho tawh zong kile bul lo aa, leitung cile sa mit tawh zong ki aailawm maw deh suoi lo hi cithu, lainat na tah pi tawh, makai teng in nang ngaih sut kia ding un kang ciel phapha hi.


Genkhiel a-op le mawmai na thum kawm in,


Pasien itna le Minam itna tahpi tawh,


James Hang Kho Mang ( Mang Noe )

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s