Singngat tunding nawnna di’n JSO in panla, PHC leh SDO/BDO tungtang ah CMO leh DC kiang ah lehkha khia

LAMKA, July 17: Singngat a siamsin pawlpi tuamtuam, Kuki Students’ Organization, Khangthah Zuun Pawl, Zou Sangnaupang Pawl leh Siamsinpawlpi kikhaikhawmna Joint Students’ Organization, Singngat in Singngat a Public Health Centre tungtang leh Singngat SDO/BDO Office pen Churachandpur khopi sung a a om tungtang ah Chief Medical Officer/CCpur leh Deputy Commissioner/CCpur kiang ah July 16, 2008 in lehkha khia uhi.

Public Health Centre toh kisai a CMO/CCpur kiang a JSO/Singngat in lehkha a khiakna uah apaisa kum 10 apat Singngat a PHC a puksiat nung a bawlthakna tunitan a zohkhiak ahihlouh ziak a mipi’n haksatna nasatak a tuahdan uh taklang uhi. Hiai PHC bawl zoh ahih chiang a staff leh vanzat kiningchingtak koih a om dia lametna liantak toh ana ngak uh himahleh a kisaipih department leh sorkar in pan bangmah a laklouh uh lamdang a sak thu uh taklang uhi. Hiai bang dinmun ah, JSO/Singngat in CMO/CCpur kiang ah hiai PHC tungtang mipi khualna a enkai ding in ngen a, huai kawmkawm in, August 15, 2008 tan a panlakna muhtheih ding a omkei leh utleh-utlou a kiphinna a pat uh ngai ding hidan in leh thiltung deihhuailou a om a leh a moh JSO/Singngat in khulou ding ahihdan theisak uhi.

Huai banah, Singngat SDO/BDO Office pen Churachandpur khopi sung a a om tungtang a Deputy Commissioner/CCpur kiang a JSO/Singngat in lehkha a khiakna ah leng dan leh thupiak dinmun a hoihlouh ziak a apaisa kum 10 apat SDO/Singngat office pen Churachandpur khopi sung a a om in mipi a dia haksatna nasatak a tun dan taklang uhi. Tua Assam Rifles leh Police in Singngat a tutphah ziak ua dan leh thupiak dinmun a hoih nung a leng hiai office pen Singngat a suankik sawmna thawmging bangmah zak ahihlouh dan leh SDO leh a staff-te mahmah in leng mipi haksatna a ngeingaihlouh dan uh JSO/Singngat in DC/CCpur theisak uhi. Hiai bang dinmun ah, Churachandpur district a dia Chief Administrator a hihna toh mipi haksatna dawnzangkhaina dia SDO office pen August 15, 2008 tan a Singngat mah a koih nawnna panla ding in JSO/Singngat in DC/CCpur kiang ah ngen uhi. Ngetna bawl kawmkawm in a ngetna uh pichin ahihlouh a, SDO leh a staff te’n leng mipi haksatna a ngeingaihkei ua leh utleh-utlou a kiphinna a pat uh ngai ding hidan in leh thiltung deihhuailou a om a leh sorkar in a moh khu ding ahihdan JSO/Singngat in DC/CCpur theisak uhi.

Source: http://zogam.com/index.php?option=com_content&task=view&id=3709&Itemid=2

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s