Ma kai Din Mun

By: ZO Nunsiem

Minam makai popo iphat vangua koima omlo in, genbang kim za dongin i mu vuh hi, keimuna ah “Makai theilo’te leh nuazui theilo’te kisuhtuona minam a, Pasien eisiem hi samlo hi”. Makai leh nuazui(nautaang) kikal ah kimuonmawna a tam ban ah, makai’te mama in zong “mipi telkhiel ding patauh besehna” a tamluot zieh in nasep tangzai zolo hithei kon ding hi. Telsiem ding i hlagulh beseh cieng, nautaang’te hlagulh bang a diei? ci i ngaitua kia ta sih hi, tua ahiman in makai le nautang kikal ah i dinmun ciet ding a nei a, thu-3 teng tungtawn in kingaitua ciet
lei bang a cidiei?.

1. “Kei koi ka hei?”

Internet tung ah minam it dingdan ki-at zel a, khat veivei kituulmaw in vazom leih “nang koi na hiei” ei kici thei zel a, tua hun ciengin, Moses kungah “Nang kon Israel’te thukhen a angsawl e?” ci ka phawh a, ka minam itdan manlo(dihlo) a, ei kihawmthaw ahi dieimah ci’n ka kisuang thei zel hi. eima le eima kitelsiem lopi din mun tawh minam a ding na isep ciengin ki hisahna, lunglietna, kimotpohna, mi neumuna,mi deidanna ci’te in ei nuazui paipai thei hi, tua ahiciengin i minampi ten “Nang bang nahi ngilngel e?” ei ci masangin eima le eima kitelsiem in “Kei koi ka hei?” ci’n ki encien masa den leih a hoi kha diei mah?.

2. Makai maw, dongkhol:

Minam makai khat ci ciengin koiteng ahei i makaih? i nuazui koiteng ahei? i makaih tahtah amah, ei kinuazui tahtah eimah? eima le eima makai ki hisah den pen mipi’te a dingin dongkhol mama ei kisa thei ding a, nuazui omlo makai i hikhah ding zong patauh huoi mama hi. “Nang kon makai a ang koison ahei?” cia ei kizako thei nalai ding ahihi, makai khat in thuneina(Power) zang ding hilo zaw aa, nautaang’te power izahsiem pieh ding hizaw hi, tuami power pen kiniemkhiet na hizaw hi, makai khat ang kilietsah luat ciengin nautang’te mudana, etsatna tuahzaw a, a kiniemkhiet makai khat ahi leh nautang’te itna, panpina, huoina ngazaw vuh hi, makai dinmun kicien a hi nah leh dongkholna omlo nuazui kicien sumlepaai tawh zawlkullo in, a om thotho ding a hizieh in Zo ta’te adingin Makai namah dongkhol nahei?.

3. Mi shilo, Min shi masa:

Leitung makai tampi’te nuntatna i et ciengin a mi shizo napi a min shi theilo vive a kimu a, ei minam sungah makai pawlkhat a mi hing giagua a, a min shisa ki-om kon thei hi, “Kei alienpen hing ka ci bangbang na sep ding vuh hi” ci za dong a kilietsahna in a nungta lai gegu i min a shisah kammal ahihi. Tedim Laisiengtho teimasa pa in minam simmawna kammal zanghi cia ama akidoh ciengin “Kei lien in bel tuabang kammal kazah khahlam thei sing, ka lawm’ten a zahkhah leh zong kei a makai ka hi ciengin ken ka thuah kul ding hi” na ci ngam lien hi. tuami kammal pen minam it tahtah makai’te dinmun lien ding a hihi.

http://www.pu-zo.com/news2007/zonews-58.html

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s