Pasien Leh Minam

By: Rev Dr S. Pau Khan En (Ph.D)

Pasien bawlsa sim leitung ah kibah lona leh kilamdanna tampi om a, tuate zosie pen Pasien eipieh ahihi. Mihing bawltawm kilamdanna zong omsam napi’n, a hi vangin a tamzaw Pasien ei bawlpieh kilamdanna ahihi, tua Pasien ei bawlpieh kilamdanna’te pen ei dei bangin kikhel zieuzieu theilo hi. Gentena’n i minam pen Pasien ei piehsa (Given ) hi’a, i nop hunhun in kikhel theilo hi.

Tukum in Zo minam hi in, maikum ciengin Zo minam nuom nawnlo in, mi namdang khat suoh cibang om theilo hi, hei mun heimun ah om in, heigam tung tama lei i minam kikhel theilo hi. America gam ah tungin America gammi(Citizenship) suoh tamalei zong America gammi Zo minam ma ihi veve ding hi. I minam pen a kipai thei malmal lo ahia, Khristian isuozaw cieng nangawn in i minam kipai theilo in Zo minam Khristian ma i hihi.

Ka lungdamhi Khamtung minam’te lah ah Zo kamhaam’te pen kidon kihuoi in kikom kivan hi, ci kamu hi. 2003-2004 kum sung America gam Judson Col- lege ah laihil dingin ei kihlan, ei kiciel ngei a, Khamtung mi tampi tawh ka kimu kha hi, tua lah ah Zo kamhaam tampi ma zong na naom a, tua’te America gam atunzo na ding vun aomsa’ten hlan in vaan in a kihuoi zieh vuh hi, ci kamu kathei a ka lungdam hi. Tam lungsim ( Spirit ) hlasuo huoilo hi. I minam ihuoi, ivaan, ikep, icin na in ibieh Pasien ei pieh ki-itna ahihi.

Kum zalom 21 sung ah Khristian pawlpi’te in Pasien le minam bulphu in, I minam’te Pasien muong Pasien zatat minam a suo na dingin hanciem ciet vai, tua hileh Pasien thupha hing luong luong mai ding hi. Itna leh deisahna lienpi tawh;

Rev Dr S. Pau Khan En Ph.D
Principal-MIT, Myanmar

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s