Lung Deih Cing Restaurent Ki Hong Ta!

By: ZO Mang

Malaysia, Kuala Lumpur khuopi sung, Kepong Wangsa Permai ah Lung Deih Cing Restaurent ( Ansai ) khat Sataurday, Jul 19, 2008 ni’n honna pawi kibawl hi.

Mang boih, Kap Boih le Khupi tamteng thum kipawl in, ” talawm mama” Malaysia ah imi kitam khop mama zo in, minam dang te in sai tuomtuom tampi tah neih zo uoa, en’h tu dong ineih tah lawm lo” cia kipawl aa ang hon uh ahihi.

Tam sai hon na tung taang ah, Sai hon na ang pei te imi pawl khat in, ” lungdam huoi sa mama ing, ka hi thei zaza in tha ka pie vang, kei pen nei thei sa bang un, sum tampi tah midang te sai ah azang zoden khat zong ka hi aa, tu aa kipan in, ka sum zah popo tam imi te sai ah ka lutsah ta ding hi, tuo ban ah, ka kithuopi kalawm ka guol te sum na ngawn tam sai aa alut zo na ding in ka han ciem pi ding hi” ci in Duoipa in gen hi.

Duoipa pen Malaysia ah kum 8 a-om zo ahi ban ah, Sai zong ama tuom aa hong khat hi aa, ni khat in Rm. 350 pan 400/- kikaal anga den khat ahihi. Tuo dung zui-in na sep aman zo cieng in mi dang te sai ah, sum azang ziehzieh zo pa khat ahihi.

“Tam bang aa Zo sai ang kihon zo pen lungdam huoi sa ing. Imi te khat le khat tha kipie lei pen tam sai zong khangto mama ding hi, bang ziek ei cile tam veng behbeh ah imi te 300 val bang om aa, tuo teng in tha pie ding cilei khangto teitei ding in um ing” ciin zong Lie Dim Noe in gen hi.

“Sai nei te ang lungduoi mama ding kisam kha vak. Bang ziek ei cile, itheisa bang in, sai hong ten Zuu ang zuo tava lon ding uh, imi te zong la Zuu ne kitam lai, lungduoi mama ding kisam vak. Hoitah in tha kipie poleih, tam sai pen, khangto ding in mu ing. Tam kim ah kawlgam mi zosie atamzaw Zo bebeh ki hi a, zong kitam mama hi.” ci’n HoiNu in gen hi.

“Imi ten tha eipie ding in lam en ung. Ka an huon nu uh cileih zong mi tawh kizop dan siem mama, an huon me huon cileih zong kawlgam ah kum 15 bang ansai aa sem ngiet khat hi, imi ten tha ei pie ciet bo un ciin gen nuom ing ” ci-in sai neih sung ah khat ahi Kapboih in gen hi.

Mithum kipawl aa sai hong teng pen, Malaysia ah a-op zaw uh kum sawm vaal vive le nasep dan tawh kisai, athei cien, asiem vive te uh ahihi. Tuo ban ah Minam kipawl na ah zong akisap na mun te ah itna tawh akiphal ngiet aa, akipieh khie zoden uh le imi te in amuon mama te uh zong ahihi.

http://www.pu-zo.com/news2007/zonews-60.html

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s