Munirka, Delhi ah NE 2 sualluih in om

By Vaphualization

Apaita August 12 Sepnawnni ziinglam dak 1.30 veel in Munirka, New Delhi ah singtangmi numei 3 sualluih in om. A kigen dan in hiai numei 2 geel ahihleh a sepna uapan inn zuan a pai ahi ua, vai pasal 7 diing veel in ana man taang ua, lamgei a innkaal luutna lak ah a deihtawk un kisual huan uhi. Numei te kikou mahle uh a panpih diing mi a omkei. Police incident report bangmah a omkei a, FIR leng a ki file kei a, numei te hihna leeng theih ahikei a, sualtu te hihna leeng bangmah theih ahikei.

Singtangmi numei 2, vai pasal 7 in nuamtakmai in a khoih uh chihna ahimai. Atawpna ah, a vualzou te ahihleh tua vai pasal 7 te ahi ua, a vuallel bel, a hehpih huai lia 2 geel ahi uhi.

Munirka a om Unaupa Muan leh a lawmpa, sepnawnni ziing beltak, daak 6 veel in vaakkhia ua, Munirka sung a lamgei khat ah, numei’ bra 2 leh underwear 2 mu uhi. A nitak a vuahzu ahihziak in ana thehbuan thamta hi. Amau bel banghiam thiltung khat a zaan a om hidi’n gingta mahleh uh hihtheih bangmah a neikei uh.

Tu sintawpni nitaklam in Unaupa Muan kiang ah a lawm numei khat in, “Ka sepna ua ka manager pa un Munirka ah sepnawnni zingkal dak 1.30 veel in singtangmi numei 2 ki sualluih chi eive,” chiin geenkha hi. Hiai kisualluihna mun leh sepnawnni zingkal a a thil muhna mun uh kibang a, Muan in a hon bulhtuah chiang in sualluihna pen ana tungmah ahihdan a honchian ta.

Minu ahihleh Priya a seem ahi. A manager pa un a hilhna ah, numei kikou thawm azak phet un inntung ah kal in ensuk uh a, huai ah, singtangmi numei 2, a sepna uapan innlam zuan hidia gintak, te pasal 7 vel in lamgei ah ana man uhi. Huchiin, inn kawm pialna khat ah kibaan sual mai daan uh ahi.

A vangtah huaina mahmah bel, mit a mu a entu mi hiaizah om mahleh, kuaman tua numei te ava panpih sawm kei uh. Kuaman police control room 100 a sam kei uh. Naaksang in, hiai thil hi, etnop suah in a en heekhawk hiilhial tel uhi.

http://zogam.com/index.php?option=com_content&task=view&id=4095&ac=0&Itemid=2

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s