ATSUM vs Manipur Government

Lamka Post Kum 7 ching ding

Manipur singtangmite lak a Offset machine zang a daily newspaper suahkhiak masapen “The Lamka Post” hong tung ding Sept. 1, 2008 ( Seppatni) in kum 7 chingta ding hi. Kum 7 a chin kipahpihna message gelh nuam leh Lamka Post toh kisai comment penuamte’n khut a gelh/type/computer a gelh in August 31, 2008 zinglam dak 10 tan in editor Lamka Post ah tuni apan piak theih ding hi.

Sd/- Editor
lamkapost@yahoo.com

ATSUM vs Manipur Government

Editorial, The Lamka Post August 21, 2008

All Tribal Students’ Union Manipur in singtangmite khualna ziak in contract teacher-te, grant-in-aid school-te leh Manipur University a Scheduled Tribe reservation toh kisai in state sorkar kiang ah nget-le-sak nei in kiphinna tuamtuam ana neita uhi. Phatuam tuanlou ahihman in August kha sung pumlum daih ding kiphinna chituamtuam neih sawm in pan a hon la ua, sorkar bil deng zek ahingei ding a August 11, 2008 in kihouna hon nei uhi. ATSUM palaite toh Manipur sorkar a kihouna uah, Manipur Cabinet meeting neih nawnna masapen a Manipur singtangmite’n MU a quota a poimoh dan uh Cabinet in a pom a (acknowledge), huai zoh chiang a August kha sung ngei a hiai thu India Prime Minister kiang a tut dia Chief Minister in ATSUM team a makaih ding hidan a ATSUM palaite’n sorkar kiang ah thusun a bawl dungzui un sorkar in leng ATSUM thusun pompih hi. ATSUM thusun sorkar in a pom dungzui in zan a Cabinet meeting ah Manipur University pen central university suak mahleh central reservation policy dungzui a ST reservation 7.5% pen zanglou a state in a zatsa 31% mah zat ding Cabinet meeting in lemsa uhi. Himahleh, MU pen central university hita ahihna ah state in a tung a thuneihna neibanlou ahihman in hiai tungtang a phualpi sorkar leh a kisaipihte kiang a phut ding in leng Cabinet in lemsa hi.

Manipur University pen state sorkar nuai a a omlai in bel reservation system pen state population pansan a bawl leh zat in om hi. Himahleh, MU pen central university dia dopsang ahih in state thunuai apat central thunuai a lut a, huai ziak in state in a bawl reservation system pen zat theih nawnlouh in central in India pumpi et a reservation system a bawl pen zat hong ngai hi. ATSUM ngetna bang in MU ah ST reservation 31% zat in om leh central university teng a reservation system buaivek ding a, huai banah, ST reservation kia hilou in, SC hi’n OBC reservation hitaleh, India a reservation system himhim a buai vek ding hi. ATSUM in reservation system pen state population apat en a, Central in bel India population apat a et ahihman in etdan kibanglou petmah hi. ATSUM ngetna a tangtunna ding in Central in a reservation policy tengteng a lepthakvek ngai maimah ding chihna ahi. Huai ziak in, ATSUM ngetna tangtung ding in deihhuai mahmah mahleh gintakhuai lawmlawmlou hi. Bangteng hileh, a tangtunna ding pen Manipur sorkar hihtheihna ban hita a, a hihtheih uh om sun ahihleh zan a Cabinet meeting in thupukna a lak bang ua panlak ding tan hilel a, haksa hetlou hi.

Manipur sorkar in school 171-te huhna piak a tawpsan toh kisai in leng August 11, 2008 in ATSUM toh Manipur sorkar in kithukimna nei uhi. Himahleh, Manipur Educational Code, 1982 leh Grant-in-Aid Schools Rules, 1977 dungzui a hiai school 171-te’n apaisa kum 10 sung a a nasepdan uh etthakna neih ding chih ahihman in hiai school 171-te maban ding tuh a danglam tuan gintakhuailou hi. Huai banah, Contract Teacher-te sepna sorkar in a beisak toh kisai in leng kithukimna nei mahle uh a sepna uh September 1, 2008 apat December 31, 2008 sung hing nawn ding chih hilel hi. Directorate of Economic and Statistics chiamteh dan Directorate of Information and Public Relations in zan a a suahkhiakna ah 2006-07 sung a ATSUM in bandh a puante ziak kia in state in sum crore 24.45 manloh hi. Hiai pansan a tuat in kha 4 sung Contract Teacher-te sorkar in loh a piak ding bel haksa hetlou a, a diktak in metzaw hizomah hi. MU reservation tungtang a lah Manipur in ahihtheih omsun hih (ding) hihta, lohching in lohchingkei leh ATSUM in Manipur sorkar mohsa theilou ding hi. MU toh kisai in ATSUM in centre a buan ngaita ding a, Manipur sorkar tung ah a kiphinna ding om nawnlou ding hi. Hiai bang dinmun ah ATSUM vualzou hiding hiam ahihkeileh Manipur sorkar vualzou hiding hiam chih ngaihtuah tham mahmah khat suak hi.

================

Zosuon RIMS a MBBS Entrance lawchingte

Lamboineng Kipgen
T.D. Varneikip Chiru
Vadingthoi Jina Chiru
Jamkhochon Baite
John Lupheng
Ginsiam Tunglut

http://www.zogam.com

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s