Paudoumang in ngohna nial

The Lamka Post August 29, 2008

NREGA Rules diktak a zuih hileh a suakta ding omlou – Behiang Hausapa

LAMKA, August 28: NREGS tungtawn a 2007-08 nnasepna’ng a a khua ua dia fund thelthangsak chih ziak a Mr. Paudoumang Ngaihte, Chief of Behiang tung a Singngat Police Station a criminal case file a om toh kisai in Behiang Hausa Mr. S. Paudomang Ngaihte in a tung a ngohna nial a, ama nna mah sepna dia sorkar in tha a laksakna sum negulou ahihdan tuni’n thusuah bawl hi.

Hiai press release in a taklat dan in, fund tampi negu dan a thukizaknate a tangkou khum ahihbanah ‘shoot at sight’ order puankhum himahleh Imphal a a giah ziak in suakta kha ahihdan taklang hi. Huai press release in ataklat dan in NREGA tungtawn in Behiang khua ah job card 296 bawl hi a, huaite Village Authority-te hawmsak ahihbanah huai khua group 7 suah hi a, VA member-te Attendant dia seh in om uhi. Behiang khopel Behiang (V) leh Behiang Suangphuh a Hausa kineih Mrs. Jubilee Moi mizat Mr. Ginzasoi, Mr. Langsuanlian, Mr. M. Zamzakham leh Mr. Thanglianlam makaih in Job Card neite sukbuai sawm mahle uh 1st Phase leh 2nd Phase ah lohsam ua himahleh Singngat SDO/BDO ding a Mrs. Mannuamching a om apat Government order omsate nelhsiah in Hausa kineihte gum in 3rd phase ah lohching uh hi’n taklang hi.

Singngat SDO/BDO in nnasem khin group 5te Muster Roll Bill-te May 25, 2008 in pelut a, SO kiang ah nnasemlou group 2-te bill pass theihlouh ding chimahleh a khonung a pelut in June 2, 2008 in nnasemlou group 2-te thaman BDO makaih in Hausa kineihte toh hawm in social audit leng bawl uh hidan in taklang hi. June 6, 2008 in hiai hawmkhiat a om nnasemlou group 2-te muster roll bill ding VA leh Office mi hilou midang 2 bawlsak in om a, BDO in nnasemlou group 2-te 3rd Phase fund 2 lakhs val nemang in BDO leh APO in DC/CCpur kiangah Behiang Hausa in sum tampi nemang dan in repot pia ua, DC/CCpur in leng Show Cause Notice pia a, Behiang Hausa in leng a gelhthoh leh a thu in hilhchetna pia hi. Himahleh, Behiang machete ah BDO in NREGA nnasep direct a implement ding in order suah a, BDO in leng Hausa kineihte Development Committee Chairman khawng hisak in Implementing agency hihsak sawm a, himahleh Behiang Hausa in Government Gazette No. 396/18-2-2008 leh NREG Act pansan in review ding in DC/CCpur kiang ah ngetna khia a, huchiin group 5-te bill May 25, 2008 a kipelut koihdap a ompen June 28, 2008 in a bill passed a omkhong hidan in hiai press release in taklang hi.

Huailou in Border Area Development Programme (BADP) toh kisai in Rs. 18.75 lakhs man work 3 piak in om a, 1st installment ding 60% lakkhiatna’ng in blank cheque 3 ah Research Inspector (RI) in DC/CCpur in signature compare masa ut chih paulap in suai kaisak a, himahleh nnasemlou chi’n a cheque midang kiang ah pia ua, huai banah nnasemlou chi’n DC/CCpur in Show Cause Notice pezomah hidan in leng hiai press release in taklang hi. Huai cheque a piakna pa’ apan in Rs. 2.lakhs kia mu a, sumdang leitawibeh in nnasem a, a nnasep Lime farm bawl ding pen leng Behiang (Suangphuh) mun a bawl ding hi a, himahleh huai mun a Hausa kineihte sukbuai ding leh kel hong zoulou ding chihziak in RI lemsakpihna in Behiang khomunlui ah bawl hi. Himahleh DC/CCpur in lemsalou a, BADP 2007-08 a work a tan ding bangzahhiamte lak a Behiang (Suangphuh) a ding pen SDO in Hausa kineih a Behiang Hausa thahsawm Mr. Thanglianlam specimen signature pen DC/CCpur kiang ah recommend bawl a, himahleh Behiang Hausa in huai thu a theihphet in objection petition DC/CCpur kiang ah pia in blank cheque a suaikaisak a midang ana piak uh toh kisai a gelhlat khak ziak in DC/CCpur heh in ‘some other party’ toh sum na nek mang uh nang leng na ‘admitted’ na dit ding ahi chihsan hidan in leng hiai press release in taklang hi.

Huailou in CCpur District Chief Council a Vice-President ahih dungzui in executive meeting a member-te lemsakna bang in Joint Action Committee a Chairman hi a, meeting resolution dungzui in NREGS tungtawn a Job card nei peumah in a kikim a tha 100 chiat sepna ding DC/CCpur ah phut ding thupukna nei uhi. Thagum a ngetna neih sang a dan dungzui a nget ding lemsa in ukil tungtawn in legal notice pesak ua DC/ CCpur in lauh leh heh thuah in legal notice zukkik ding a ngen in Chief Council President tung ah phuba laksawm hidan in hiai press relase in taklang hi.

Singngat SDO/BDO/PO(NREGS) Mrs. Mannuamching, MCS in Behiang khopel a Hausa hihsawmte NREGS a saisak utman a VA Act kalh in Chief lah chi ngamlou in Development Committeee Chairman a hihsak mawk lamdang a sakthu taklang kawm in NREGA Rules leh Guidelines diktak a zuizolou teng FIR bawl khum ding hileh DC apan VLW, Chief Chairman/Chairman (VA) apan Job Card nei teng kuamah suakta omlou ding ahihdan leh nikhat a dakkal 7 sep a Rs. 81.40 loh ding pen dakkal 2/3/4 lel sem a Rs.81.40 loh ngen ahihdan Behiang Hausa Paudoumang Ngaihte in tuni a a thusuah ah taklang hi.

Source: http://zogam.com/index.php?option=com_content&task=view&id=4201

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

One Response to Paudoumang in ngohna nial

  1. Anonymous says:

    Tuilaitah a Behiang Hausa Paudoumang moh or Jubilee Mawi. Bangchidan a Paudoumang in Behiang Hausa kichi thei ata diei.

    Like

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s