Kalaisai Sports Meet 2008 Report

September 23, 2008 ni jingkal kilawm tah in Zogam lam apat ni hing suo san singseng in, ZSP lia-le-taangte zong thanuom leh hun sawtpi apat ana mu nuomzing lianu/tangpa mukaal ngahla bang in thanuom in aki um chiet hi. Kalaisai chia sam kawm in moto ah baitah in Polo Ground lam ki zuon siiusieu chietta hi.

Tam ni bangma dang ahisih ZSP Delhi Branch Kalaisai Sports Meet 2008 ni ana hita hi. Mipite kithutuatah a i pan khawmna un lawching sah mama mai hi. Lamkaipu Hausienmuan in Gurgaon te Bus sung a thalawp tah leh kituatah a ahing lut khawm zung zung lai un kakipahna te hing kuang in katha gimna teng abei zou chi’n gen hi. North Delhi lam a na buai ZSP te nu leh pa Pu. K. Zou leh Pi Dr. Mary Grace Siesian ten zong tamni’n nuam sa mama uh hi ding hiven nitah lamtan in zong mipi agamla teng pei matan in Pologround ah hing umpi den ua lamkaite ading in hamuan huai dia hi. ZSP Games and Sport Secretary tegel Tv. Thangminlun leh Tv. Khamsienpau ten zong ” Tutung Kalaisai Sport a mipite ipankhawm dan uleh i thalawp dante un Kalaisai Sports ding kasai lai ua gimtah a ka na umna te uh beizou hi” chi’n gen uhi. Tam Kalaisai kimawlna guoltung tuongte them khat hing ki ta lang hi, adang teng FSMeet chiah!

Group Champion:

1st: Phudil leh Nantal
Best Discipline: Kapkhovung.

Football Winner

Pasal: Phudil leh Nantal
Numei: Phudil leh Nantal

Volleyball Winner

Pasal: Zokhankhual
Numei: Phudil leh Nantal.

United Leengsot Club Versus Papi 11 team (0-3)

Tug- Of- War

Pasal: Zokhankhual
Numei: Phudil leh Nantal

100 Meter Race

Pasal: 1st: Hauminlun,
Numei: 1st: Vavah Munirka,

Papi 100 Meter Race

1st: Pa. Kamkhankap.

Nupi 100 Meter Race

1st: Nu. Muanching, Gaziabad.

Man of the Match

Pasal: Hauminlun (Phudil Nantal)
Woman of the Match: Nianneisiem

Best Commentator: Lucy Niengnuamching.

Tuachin Football Pasal Final beitoh kituah in Games and sport Department te apat in Kalaisai Sport Result ngaikhietna (Atung ateng) nei hingal a, mipi te hawvapom in nuamsatah a kikhern ding a aki umlai in Pu. K. Zou in laamtang kai ding hing chi a, mipi koima innlum zuan nuam umlou ahiman in nungah tangval, nupi-papi te thanuam in umna mun apat in kikoukhia in nungah tangvalte kizuantua ngal in kikhut tuhpai vua, sannemla “tuni laamlei, zingchieng laamlei..chi sa in kihoi khawm zuazua in Pologround zounamla in thawnsua hi. Khomial mama ta ahiman in Pu K. Zou in a Car hing tawl phei dial dial in, a head light toh lamtang kai lawmgual ngaite umna hing tanvah a havah nuai a ipu ipa nalaam bang in thanuam tah in mipi te kihot zua zua uhi. Tuachi lai in Pu Zoulun in zong a bike toh hing kimvel in lamtang kaite kualsung a Dailaam a laamte hing tanvah in, akingat nalam lam uah va vial koi koi in,tung solha pi bang in a bike light in hing tanvah hi. Tuazou in mipite kikhen utsihnan leh Pologround zah hun timing hing bei ta ahiman in zaan nai 8:00Pm valdeu in Stage lam ah kipeikhawm kia in Pu K.Zoute nupa Kalaisai samna thumvei um a, ZSP Damsawt hen chin Zou lia-tangpa ten ground kithawngsah zung zung mai hi. Tawpna thumna Pu Zamlunmang in nei a, 2008 Kalaisai Sport Bye-Bye, 2009 kalaisai Sport haibang kahing ngala uh chi’n mipi ten lunghel tah in Pologround ka nuasia ta uhi.
ZSP Damsawt hen…..

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s