Frehsers’ Social Meet Issue

PRESIDENTIAL ADDRESS
October 7, 2008

Kum leh ha te kivei zel in, hun leh nite zong koima kham guallou in peisuo tou jel hi.
Tuachi bang in zong Delhi Zou taten i na nga lah uh leh lam et pen uh ZSP Delhi Branch Freshers’ Social Meet 2008 nikhuo ahing tungta hi… HAILA..!

Tukum a 16veina ZSP Freshers’ Meet tunin mang ding i himan in, nousietna leh gennuamtam pi ka nei hi. 2008 ZSP te a ding in “Hamphat Kum/Sien anghuai kum” kachi nuam hi. ZSP General Headquater in buaina umlou in mikiphal, milian te a apat in Golden Jubilee manna ding in “Noble Contribution” bawl ua, tunitan in kisingsahna lawchingtah in peitou zing hi. Shillong ah ZSP Silver Jubilee lopna zong lawching mama a thupitah in mang zouta uhi. Tukum 2008 sung in thil lamdang tampi ei Delhi ZSP sung ah zong tung a, tuate lah a hoi mama “Radical Change” khat ahi. Kum 1992 a Delhi ZSP kiphu apat in koima’n President hiding thanopna neilou ua hinanleh tukum 2008 apat in members zousia in ZSP President hi ding thanopna leh i nampi a dia kipekhe ut nasatah in ki umta hi. Delhi khopi ah Zou tate kingaina leh kitua dim diem in i um uh chi Pologround “Kalaisai Sports Meet 2008” September 23, 2008 in mit in muthei a, bil in jah thei ta hi. Zou minam I pankhawm pou uleh i sepna te uh i gim i tawl nate un ni khat ni chieng in i nam sung a hamphatna hing hiding hi. ZSP Delhi Branch Freshers’ Meet bou in a lungkim non sih, maban ah Zou taten namdangte mai ah Zou i hi I kithang atpi uh ahing muthei na ding un ZSP T-Shirt te zong naltah leh kilom tah a maban a bol din Project umta hi. Tam bang kithutuah nate i peipi sua leh Zoute nampi i hidan namdang zousie in ahing mu ding a, Zougam ahing pallun ding hi.

Atawpna ah ZSP Fresher’s Meet a hing hepi u-le-nau, Nu-le-Pa, Sangnaupangte leh pileh pute na bawn un tuni Sangnaupangte vaiguan suh piching ding a na hing kalsuan na uh kahing patat leh kahing kipapi mama a, Zou Sangnaupang Pawlpi, Delhi Branch min in kahing Vaidawn hi. Freshers’ Meet mannuam.

ZSP Damsawt hen….

Mangkholun
Presient, ZSP Delhi Branch

The XVIth
ZOU SANGNAUPANG PAWLPI, DELHI BRANCH
FRESHER’S SOCIAL MEET 2008

Chief Guest: Shri Ashish Chopra, Ex-Advisor to the Governor of Mizoram
Guest of Honour: Pu Thongkhanlal, Dy. Commandant, CRPF, Delhi

Venue: J. N. U Community Centre
Date: 7th October 2008 (Tuesday)
Time: 10.30AM – 07.00PM
Note: Program Starts at 11AM

Programe Co-Ordinators : Lalmalsawm, Manlianching & Goulun

SESSION – I (11AM Sharp)

Host: Hausuankhai & S. Vung Mary
Recording: Zokuomthawn Board

> ZSP Anthem : Cultural Troupe
> Invocation : Mrs. Chinglian
> Presidential Address : President ZSPDB
> Freshers’ Introduction : Kamlianlal
> Blessings : Rev. G.K Samte
> Exhortation : Pu Khamchinpau Zou
> Legal Rights Awareness: NE Help Line
> Cultural Dance : Cultural Department
> ZSP Study Forum Report : Kamlianlal
> GJ Challenge : Pa. Zamlunmang
> Speech:Chief Guest
> Stick Dance: Master Chinkhanlal & Co.
> Speech : Chief Host
> Edn. Award Distribution : Edn. Dept.
> Kalaisai Sports Awards : G & Sport Dept.
> Report : General Secretary, ZSP DB

REFRESHMENT

SESSION – II (03:00- 06:30Pm)

Comperes: Khaibiahlian, Rose Mary Mate

> Various Musical Band
> Final Round ZSP DB Miss & Mr.Contest
> Sing me a song…
> Declaration of Miss and Mr. Fresher
> Vote of Thanks: Kammuanmung,
Vice President, ZSPDB
> Closing: Pu Hauliankap,
Chairman ZCF Delhi

DINNER… DINNER… DINNER….

Notes:

* Programe can be altered accordingly.
* Invited singers are requested to avail as and when required.
*Mr. & Miss Contest apoimaw dungjui in Zokuomthawn Board in akithupi ding hi.

Be Armed with your traditional dresses

Tuni Freshers’ Social Meet a Pasal T-Shirt toh hing kuante Rs. 50 in gap hi ding a, Zoupuan bangkhaloute Rs. 50 in gap hiding. Numei Zou puan teng loute Rs.100 a gap hi ding hi.

Mr. & Miss Contest Judges:

1. Photogenic : Nh. Lalrinmoi.
2. Beautiful Hair : Nh. Dimngaiching.
3. Personality : Mangzamuan
4. Best Costume : Hausienmuan
5. Cat-Walk : Nh. Cicily Zou.

EDITORIAL………………

Maban peipi ding saupitah toh tuni’n ina ngahla leh ina kinep napen uh ZSP Fresher’s
Social Meet 2008 mang thei ding a hinna, damna hing pieh Van pasien min iphat uhi. Tualeh tunia Freshers Meet mang ding a hing kalsuan teng leh Freshers te zokuomthawn leh ZSP Delhi Branch in ahing nousiet a ahing vaidawn hi.

Delhi ah tuni’n Fresher’s na hi nawn sih a Senior na hing hita hi, tam khu na hinkhua ading a transformation mipi theipi a ding a amasa pen ahi. Tuazieh in maban ah napilna siemna te na kukalna, felnate toh I Zou nampi leh I pawlpi ZSP na hing phungvuh a, I pawlpi a pan na hing lah ka hing kineppi pen na hi. Maban ah Zounamkhandal hilou in Zoukhankhual in hing pangtan.

Alang khat lam ah tuni’n pilna toh kidim ZSP Senior members te leh Freshers te kung ah ka ngaidan mawltah kahing sung nuam hi. ZSP Delhi Branch daanbu kana en a Student organization khat kipuahna ding in chingla kasa deu hieu hi. Ahoisih kachina hilou in belap ding um hibou in kathei a Amendment Act khat bawl ngai in ka mu hi. Drafting Committee nei a I danbuh (Constitution) kichup na dieh heh a kichuptah nei hun in nei ngai hi. Drafting Committee members luite in initiative part la in abawl khialte uh Zokuomthawn news a talat a complain hunpieh a, tuazou chie et tha zel a ZSP GBM khat chieng a namdet ding in hoikasa hi. Tam I ZSP sung a iki vaipuah na uh ahatsem thei a, hoizaw leh felzaw sem ahithei na ding leh ZSP members chin in azui thei na ding in Amendment act ahilou leh tua danbu umte Amendment bawl a , Departmental Head teng thuneina leh mawpuahna kichian pieh a, News Editor, Executive leh memberste khat pou pou power leh right, duty and responsibilities kichuptah in bawl lei pankhawmna ding a panlahna toh ikaal sung a kituahlouna ahei, buaina vengbitna (Prevention) hi ding in kamu hi. Tam bang a daanbu kichian ineilou na tah un I sung subuai pha mama a, I daanbu uh mimal in ama ngaidan chiet a, a interprete leh zong hithei valong a tam pen lamkaite stumbling block in na pang kenkon thei hi. Maban hoina ding leh ihaatsem na ding ua kahing gen ahi bou hi. Tualeh tunia ih Chief Guest uh Pu Ashish Chopra, Ex-Advisor to the Governor of Mizoram leh Guest of Honour Pu Tv. Thongkhanlal, Dy. Commandant, CRPF tea pat in bang thupha ahing kikap doh ei athugen uh hoitah in na ngaivai, amaute apat iphattuampi pilna te I pawlpi ah kituahna in zang thei lei deihuai petma hi. Tuni’n daanbu genkhawm ding ihisih vua Freshers Social Meet nuamtah a mang ding a hing kuan ihi uhi.

Tuazieh in Sangnaupang, na pilna leh nahoina, na siemna leh haatnate tuni Freshers Meet mai a hing zang lou a, maban a ZSP Lamkaiten ahing tulmawh ni a panlathei din hing kipekhia in. Michin in Fresher’s Meet ahoina ding bangtah leh nop asah bang in buaina umlou in hing mangta un. Freshers Meet Mang nuam leh chi sim sim vatnuam ta unlen Zoulei tangbang hingdam ta un…!

Vivela… ZSP! Damsawt hen…

SECRETARY REPORT
October 7, 2008

Chibai..! Amasapen in ZSP member zousie ka hing nousiet hi. Tutung I khawmpi uh a 16veina ZSP Freshers’ Social Meet 2008 mangthei ding a hunhoi leh damna hingpie ibieh Pasien min I tawisang masa uhi.

ZSP in tukum 2008 sung in Executive Meeting thumvei nei ta a, Office Bearers meeting nivei kinei in, ZSP General Body Meeting 1 vei kinei ta hi. Tuaban ah ZSP Kalaisai Sports meet 2008 cheplawhna in North Delhi leh South Delhi ZSP ten Friendly Match 2 vei Pologround ah naneita uhi. ZSP GBM August 23, 2008 resolution Nos: (3) a ki leel bang in Zokuomthawn web Hosting lei ding in thupuasah hi a, tu in Pasien lungsietna zal in lei thei ding in umta hi. Tuaban ah General Secretary ki resign-na leh atha guanlut na ding kileel a ZSP GBM meeting, August 23, 2008 resolution Nos: (4) na ah hun sawtpi acting secretary hingna puosah Pu Ginshanglian Samte namdet leh zah hipei hi. Tualeh ZSP Executive Meeting dated 14th September 2008, resolution No: (4) na bang in Tv. Liankhanhau Delhi a nasem, asepna toh kisai a abuaina ngaitua hi a dangka 800 in kipanpi hi. Tamnah Pu ZOLENGTHE in zong ZSPte Rs. 500 in hing kithuopi a a unpi’n Rs. 1300 kipie in inn lang ah kisawlta hi. Tuani ma ZSP Delhi Branch meeting Dated;14 September, 2008 Resolution(6) na dungzui in UZO President Pu Hangkhanpau Inn Bomb attack na Press Communique kibawl hi. ZSF Join leh Join lou ding ngaituah na kinei a ZSP 1st Executive Meeting, dated; February 2008: Resolution Nos: (1) na dungzui in ZSF Delhi cell na kizop hi.

Delhi University Under Graduate Admision bawl hun June 1-15 tan in zong ZSP in Freshers te nasatah in na ki buai pi hi. Tamte lou zong thuil tampi um a, hinanleh anuai ah tutung Kalaisai Sport leh Fresher’s Meet a ding a mikiphal te I tahlang ding uhi.

1. Tv. Dodou, Textile Designer in ZSP Delhi Branch kithuopina leh panpihna in Dangka 3000 hingtuah hi.
2. Pu K. Zou leh Pi Dr. Mary Grace Siesien-te nupa in Kalaisai Sports Meet 2008 lawching na ding a, Pologround manbei a ahing mupieh uh, ZSP ten au duat a ahing duat ua nasatah in hing kithuapi hi.
3. Rev. G.K Joshua, ZCF Pastor in a sound system teng kiphal tah a ZSPte Kalaisai Sport Meet 2008 ni in hing zah sah hi.
4. Pu Zamlunmang in zong i news uh Zokuomthawn issue chin a kiphaltah leh thanuam tah a a Computer a ahing zahsah ban ah Type Setting and layout ahing bawlpieh zing zia leh maban a zong hing bawlpia gige ding ahi man in..
5. Nu. Irene Tungnung in zong tukum 2008 a Miss Freshers ading a Miss Crown, Mumbai Diamond showroom apat a ahing lei ZSPte hing pieh hi.
6. Zou Nampi ngaina vehvaw Pu Ginsuanhau, Special contractor in zong ZSPte panpina ding a dangka 10,000 hingpie hi.
7. Pu Khamthang (F/o, Khaibiek) in zong ZSp panpina in dangka 2000 hing pieh hi.
8. Nh. Cicily Zou, Staff nurse in Mr & Miss Freshers te nousietna ding a Buckee (pahpe) leh Memento hing tuah hi.
9. Tv. Jangminlal Airman in zong Kalaisai Sport adding a volleyball ni ahing tuah hi.
10. Pu Nehzamang te inn kuan in zong a umna mun ua patsa Kalaisai Sport ading a Volleyball khat leh Football khat ahing thot a hing pia hi.
11. Nh. Lamneihoi, Staff nurse in zong tukum Freshers Social Meet ni a ding a refreshment tengteng ahing tuahpieh hi.
12. Pi Jubilee Mawi, Chief of Behiang in zong ZSp Delhi Branch panpihna in dangka 1000 leh Zou puanlaisan hingpieh hi.
13. Pa Hau (H/o, Nu Nem) Jharoda a um in ZSP Fresher’s Meet a ding in Anntang bag 2 tah hing tuah hi.
14. Jharoda a um Pu S. Pauminlun in zong asumtuah ding teng ban ah Chini kg. 20 hing tua hi.
15. Nh. Dimngaiching, Munirka inn zong namlaam zilna, lazilna mun ding a ainn ittlou tah in hing zahsah hi.
16. Pu T. Dodou in ZSP Delhi Branch min a ZSP GHQ Golden Jubilee Miss Crown leh Zou Traditional Costume ahing tuopie ban ah ama ngel in a design ahiman in..

Amaute tung ah ZSP in kipahthu kigen hi. Pasien in abawn un aletampi’n gualzol ta hen.

Tam atung a i Report pieh ban uah siamna chin a kiphal leh tawmngai dang tampi zong um hi. Amaute tung ah zong kipahthu kigen hi. Mangpa’n Maban ah zong ZSP ahatzaw sem leh khangtou sem in hing pui ta hen.

ZSP Damsawt Hen……!

Ginshanglian Samte
Secretary, ZSP DB

Note: Mihing ihi man in record khalou leh a val a ki cord kha chi bang um thei hi. Tua bang a um kha ta leh Pasian leh I nam ngainatna jal aki ngaidam chiet ding in iki chiel uhi. – General Secretary. ZSPDB

ZSP STUDY FORUM PHUNGVUH TUTE

1. Pu Paulienhang @ Hangpi in vision neitah a ZSP khuolna leh mailam hun ngaituona toh tam ZSP Study Forum pat dingdan ana suongtuo man leh akipatna ding a a inn ana zahsah zieh in..
2. Nh. Rose Mary Boinu Munirka, Pu Ginshanglian Munirka, Pu K. Zou North Delhi amauteng in kiphaltah a ZSP Study Forum Library ading lekhabu ahing tuah zieh un…
3. Nh. S. Mary Zou Staff Nurse in zong ZSP Study Forum ading a WHITEBOARD ahing tuah ding zieh in atung.
4. Pi Nuamzavung in zong ZSP Study Forum laibu koina ding cabinet project patna ding a Rs. 1000 ahingtuah zieh in.
5. Tv. Paulienthang Zou in zong asiemna pilna te itlou hial a a mi a sate ahing pieh a ZSP Study Forum te lai hiltu (teacher) a tunitan ahing pangpieh zieh in..
6. ZSP Study Forum in mun-le-muol kinei nailou ahiman in kiphal tah leh apoimaw bang a a Inn te hing zangsah leh moral support hingna pe zing Pu Haulienkap te innkuon tung azong…

A ma ute tung ah ZSP leh ZSP Study Forum in kipahthu kigen hi. Pasien in khangsawn momnoute ading a akiphalna uh aletampi’n gualzawl tahen.

– Kamlienlal Zou
Co-Ordinator, ZSP Study Forum

2008 Sung Zokuomthawn HING SPONSORE SAHTE

1. Nh. Rose Mary Boinu, Munirka
2. Tv. Paulienthang Zou, Munirka
3. Nh. Ngainu, Munirka
4. Tv. B. Mangmuanlal, ASI, BSF
5. Nh. Kikim Lianzaw, Munirka
6. Tv. L. Mangminlun Zou, Gurgaon

JOIN ZSP ZOKUOMTHAWN

ZOKUOMTHAWN Mobile News a join nailoute’n join dan ding:

JOIN ZOKUOMTHAWN
chi’a message gel a 567678 a thot keuh hieu ding himai.

ZOLENGTHE KUM 1 CHINGTA

I nampi’n thukijana i nei lou lai ua hing kanmattu leh Zo suonte lah a mobile news tungtawn a thu kizatuona umlam puongja tu “ZOLENGTHE – Connecting the Zo people” mobile news pen October 27, 2008 chieng in kum 1 chingta ding hi. Kum 1 melmu in Souvenir ki bawl sawm a koipou article penuom ten October 10 masang in zoulun77@gmail.com ah pie thei zing nalai hi.

A Souvenir ahileh a sponsore ding mi kitu thaw. Pasian in i ZOLENGTHE guol zawl zing hen. Tabang thu kijana hing pandoh tu Pu T. Zamlunmang Zou i patat thu ZOKUOMTHAWN Board in i puong ai!

MAWPUONA KIHAWM DAN

Hall Arrangement: Khamsienpau, Robert Zou, Lianboi, Benjamin, John Samte, Thangkhosiem and Doukhanmang.
Hall Decoration: Dimngai, Ngailun, Ngainu, Irene, Rose Boinu, Grace Kimneilhing and Jerina Kimneo..
Banner: Thalun, Zuanneithang and Letboi.
Sound and Music System: Music Secreretary, President and Mampui.
Seat: General Secretary and Paulianthang.
Mess: Pa Haupu, Ginlun, Hauminlun, Lunmang, and Financepi.
Receptionist: Liennunhoi, Chingboi, Grace Lhingneikim, Dimngai, Thangminlian, Gogou, Chinmuanhoi
Stewards: Suanching, Rose Mary Mate, Manhaukim, Douminlian, Khamsienpau, Vincent, Suanlian
Male Miss Judge: Hahat Mate, Irene, Grace Lhingneikim, Rose Boinu,
Mr and Miss Judges: Mangzamuan, Dimngaiching, Lalrinmoi, and Hausienmuan.

KOITE’N BANG GEEN?

# Tutung ZSP Freshers Meet chieng a Solo kidemna umlou ding, dahuai sang, kipang heh kichi a … – Mop’s (9899865519)

# Eheh..! Koi e Frehsers Meet postpond chia miteng Call bawl, fair lou aveh.
– Nh Maman finance ZSP

# Pute aw..! Abangchi atai Numei chavai khat in hing Call valong a Zing a ZSP Fresher’s Meet postpond hing chi gega ei..! – Jessi

# Numei chavai, phiangsan in ZSP freshers Meet postpond ahing chi eh..! Nidang a ipupa tangthu a Mailangkoh kichi zong na um sam hia maw. – Zokuomthawn

# ZSP Fresher’s Meet chieng a ka hing laam leh na na nui lou ding uh aw..
– Cblun, Gurgaon

# Kanasepna ua eimi ngen 4 ka um un Freshers Meet ni a ding a suty kakitu uh leh pasal ten ahing tuzou un, kei zong hasetah a nuamtah in kimang un chia hasetah a amang nonlou ding a ka um. – Christina Noida

# Ken Kalaisai Sport a ka nungah munu ahing pang diai chia Freshers Meet ka hing mang hi. Sameh du zong hi sing..! – Khukhup Munirka

# Nu ei..! hingmaw Call sih un Hall decoration a ka buai laitah ahi. – Nh. Dimngai

# ZSP ading ahipou leh ka lungsim leh ka tha azahna ding bang a zah ding ahi chia namlam zilna leh Social Work a hing kuan kahi. – Khailianmang

# Tuni Suun nitum ah Kakipei in, R.K Puram apat khau la a keeng a nangpei sah uh. Refreshment lungtun huailou Financepi umpet a Dharna tou Leila. – Tv. John Samte

# Ken law kala nailoupi, ka sum nei chieng in hing phone na vang, na hing nawsih eileh. – Nh. Chingboi (Ro), Munirka

ZSP ANTHEM

Composed by – Pu Thongpao Zou

Thou un, thou un, ZSP seinou guolte,
I Zogam dam diidiei ni bang taan di’n;
Khang tamtahte muol aliemna,
Pi-le-pute, haanzai sahna, nunnop zaidei awina.

Tu’n ZSP khawnvaah hi hai,
I gam miel ni bang taan di’n;
Thou un, thou un, thou un,
Tui bang luongin lung kituo in.

I Zogam tuisiengte zong lung kituoh in,
Luong diel diel uh tuipi kinawng zuon in;
Ei zong luongvai tuipi zuon in,
Lung kituoh in luong diel diel vai, sangnaupang pawlpite.

Khang tamtahte puitu ngai in mangbang uh,
Tu’n ei sangnaupang pawl kisa tavai;
I gam miel in haibang ngahla,
Pang chiet va ui, I Zogam nuom siemthana’n vai hawm vai.

Tung Pasian hing panpi in ZSPte,
Hing pien pilna, hoina leh zaidamna;
Kukal tah a pang chiet diing in,
Hatna hing pie’n Zomi Sangnaupang Pawl leh puitute.

2008 – 2009 leaders

Executive Committee Members

President : Mangkholun
Vice President : Kammuanmung
Secretary : Ginsanglian
Jt.Secretaries
Gurgaon : Goulunmang
Noida : Kamminthang
North Delhi : Hauzalian
Fin./Treasurer : Manlienching
Co-ordinator ZSP Study Forum : Kamlienlal

Departmental Secretaries

Games & Sport : Khamsienpao
Thangminlun
Cultureal Secy. : Thangminlien
Dimngaiching
Moral & Reg. : Lamneichong
Music Secy. : George K. Mate
Inf. & Publicity
Munirka : Doukhanmang
Maharani Barg : Lunpa
Edn. & Stat. : Khaibiaklian
Douminlien
Advisers : Lunminthang
Kamminthang
Khamkhanchin

ZOKUOMTHAWN BOARD

Editor: Hausienmuan
Jt.Editor: Samuel Samte
Admin: Zamlunmang

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s