Interview with Miss ZSP Freshers’ 2008

Delhi tual lai a Miss titles lathei khat i nam in i kimuanpi mama a, Miss Freshers’ ZSP 2008 Nh. Prescila Hoinu, D/o, P. Lamthang, D. Phailian Delhi a inn ah zokuomthawn Editorpu in Nilaini’n Miss Fresher’s umna mun Munirka ah zan nai 10:30pm in interview va bawl hi. Milips theiding a hoi asah teng tam anuai abang in hing kitalang hi.

Mr. ZSP Frehers’ 2008: M. Khupmuonpao Zou

Zokuomthawn = ZKT
Miss Freshers = Miss

ZKT: Dammaw, Miss Fresher’s zokuomthawnte interview bawl ding a kisuangla sasa a hing kuan hi ung ei..?
Miss: Pasien lungsiet na toh damna ing.

ZKT:- Innlam heimun ah na um ei..? Delhi banghun a hing tung, napienni nang genpia thei diai..?
Miss: Innlam ah D. Phailian E.O.C Compound veng ah ka um hi. Delhi tualpi 13-04- 2008 ni’n ka hing tung hi. Genpieh thei tham e, 15 March 1983 ni’n ka pieng hi, ka birthday 15th March china aveh..he..he.

ZKT: Na Hobbies leh Aim in life na hing gen thei diei.?
Miss: Ka Hobbies pen Novel sim, Music ngai, innsung nasep te ahideu a, ka tup (Aim in Life) theikham kham a Pasien nasep ding katum thupi a maban a siengthou tah leh lochingtah a Christian innsung nuam siem ahi.

ZKT: Delhi a bangbawl ding a hingpei na hiai?
Miss: Innlam sepna, Nehsuina hasat zia leh ih gam Economy hoilou zie in khopi a nasem ding a hing pei ka hi.

ZKT: Delhi a I Zou minam dinmun bangchi nasa ei.?
Miss: Tulehtu in I Zou minam etin hoi kasa in Delhi ah lungmuan huai kasa mama hi. Tualeh Fresher’s Meet a iki thutuah dan uh kamu in maban a tambang a ipeitou zel uleh Delhi a pat in Zounam damna ding damtui zogam ah hing luangkhe din ka mu hi.

ZKT: ZSP Delhi Branch na mudan na hing gen thei diei..?
Miss:- Kitua leh etton huai kasa hi, maban hun hingpei zel ding ah jong tambang in hing puitou zelta un.

ZKT:- Zi leh pasal suina ah pasal ding in bangmi hoina sa in na dei ei..? (Dohna siemtu: Tv.Soimang)
Miss: Dei a telthei hileng ei Zou tangval ma hoi kasa in deijong kadei hi.( Tangvalte naza vuai..?)

ZKT: I umna pou ua Zoute ikituah lou sim utoh, minuadel ihi zing uh, Zou nahi/ Zou a na piangkha na kisia ei? Zouham na zumpi ei..?(Dongtu: Soimang)
Miss: Zou kahi kakisia kha ngeisih hi, zumpi sang in kakiletsahpi zaw a, I Zounam katoisang thei thei na ah bangma thupi sihnan leh kathei khom khom in kapang hi. Zou hi a Zou zumpi inam sung ah umda tahen.

ZKT: Ei Zou sung ah mawlna (Ignorance) kituahna in muthei bang a, imawl laisia uh kituatah in kium hileh kilawm a, mipil itam leh kituahlouna tam in inam sung ua muthei hi. Ahileh tammi ngaidan adih hitaleh, natate mawl din na deisah ei..?(Dohna siemtu: Tv. T.Z.Zou, Airman)
Miss: Ka tate a amawl pumlum uh zong ka deisih hi, ajiehpen khovel siemna kitaitehna asang dungjui in hingpil uhenlen hing siem tei uleh kadei hi, hinanleh siatna, khovel nopsahna, innsungleh namsung siatna ding politics chite ah amawl uh kadei hi. Apilnate uh Pasien gam nasepna leh I Zounam kituahna ding a ahing zah ding uh ka dei hi.

ZKT: Innlam na um in Delhi a Nungah/Tangvalte hinkho Mandan naza dan na hing gen thei diei..?(Dohna siemtu: Apashang)
Miss: Nungah leh tangval kal a thangtatna aki huaise gen mama hi, adieh in Ei North-East numeite kigen a Living relationship zong thang mama in kigen hi. Hinanleh mit a mulou, kabil maimai a kaza ahi zieh in kagingta sih a, kei jong Delhi a hingpei kahi. Kaja dantoh tekah in a mun a umte siengthou leh changkang in etton ta kasa mama hi.

ZKT: ZSP hatsemna din na ngaidan tamlou na hing gen thei diei..?
Miss: ZSP hatsemna din ka ngaidan point 2 hing gen vang:
1). Bangkim a Pasien masuan in amasapen in pangsah vai.2). Lamkaite chouh ngansie lou in ei adang ten jong isep thei leh bawlthei sunsun te uh sem in bollei ZSP tusang in hinghat zawding hi.

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s