Zokuomthawn Vol VII, No. XI | November 15-23, 2008

History Created | SHILLONG AH ZYO KIPHUTTA

Kum-le-ha te kihei jel in ni-le-ha te zong a suona  mun tuomjel ahiman in Zo suonte zong i pu i pa saatsa Zogam apat kithedal jel ihi man in India khopi mun tuom tuom ah ki um zengzung tahi. India sung genlou India pulang a zong simtham ki um thei tahi. Zou Youth Orgnisation General Head Quaters kum 25 chintoh kiton in munchin muolchin ah ZYO phutha leh a muolsate juutmaan kiana nesep pei zing hi.

November 15, 2008 ni’n Shillong khopi ah ZYO GHQ lamkaite’n ZYO phuna va neita uhi. Shillong ah ahileh Zou Welfare Association chi’n kum 2005 vel apat ana kipuihuoi ta uhi. Hinanleh i bulpi min tellou in kizopmatna tahtah um theilou ahiman in ZYO phu khietpen michin in poimaw sa chiet uhi.  Tam ZYO lamkai thate ahileh

President    : Pu Phiamphu Sanjeev Zou
Vice President    : Pu Peter P. Pauchinkhup
Secretary    : Pu George M. Jangpu
Jt. Secretary    : Pu Hausuanlam Manlun
Fin/Treasurer    : Pu T. Thangchinpau

Tam Shillongte panlahna nampi khantouna ding malam sawnna hi a Delhi tualpi ah zong bang hun in ZYO ahing kiphut kheta de aw chi’n Sangnaupangte’n ngalah mama uhi. Tam Shillongte thilbawl kituahna ding a panlahna hoimama hi a Delhi ah zong et-ton huai mama hi. Lunggel tha vai….

BYE BYE LALMUANLIAN

August 6, 2008 Ningahni’n General Secretary Pu inn ah Tv. Lalmuanlian in sepna amu, Income Tax- Assistant kipahpina leh a sepna muna ahing peisan ding tah zieh in hahkhiatna leh kipahpina vaiguan kinei a tuanah ZSP President Tv. Mangkholun, Co-Ordinator Tv. Kamlianlal, Teacher Tv. Paulianthang, Zokuomthawn Editor Tv. Hausienmuan ten thugenna nei uhi. Tuazou in Cultural Secretary Nh. Dimngai leh Secretarypi felna toh apeikhawm teng in ann kuang umkhawmna kinei hi. Next sanehna ding umnalai.. Staff nurse muthate kipahpina…

ZYO SILVER JUBILEE

ZYO GHQ in ahing tung ding December 19, 2008 ni chiang in Manniangkhuo (tentetive) ah Silver Jubilee thupitah in zahna nei ding uhi. Ahing lawching ding ithuumna ahi. Tam toh kisai in Souvenir zong bawl hi ding. Article ahileh type sa, I nam adia phatuom, jui thei pei dingte maimai kidei. zyo_hqtr@yahoo.com ah akin in thot thei.

STAFF NURSE 1 KINEIBE JEL

RR Hospital a sem di Staff Nurse, Nh. Nenei Tungnung in  i nuakal in hing join keuhta. ZKT sponsore di kibe jel himai.

JOSEPH BUPANG HON IN UM

Nov. 13, 2008 ni’n COMFA in akaikhawm bu-le-bal koina Joseph Bupang honna um. Zodawn a kielthuote ding in Sub-Div 5 sunga khuo 30 ah truck tampi’n ZYAte panlahna toh vathah kheta.

ZSP GOLDEN JUBILEE DVD

Zou Sangnaupang Pawlpi Golden Jubilee thupitah a kizahna VIDEO DVD 3 tah in kibawl jouta hi. Adeite’n advance in a sum pia masah ngai ding hi. Thuchien Pu ZOLENGTHE kungah kan thei ding. Tualeh ZSP GJ reportna kim sipsep in ZOPATONG next issue ah tuong ding.

ZCF Youth ICON 2008

ZCF khangthu adia akhatveina Youth ICON 2008 December 7, 2008 chiengin I kikhopna mun ah ki nei ding hi. Tuana telnuomte’n Prayer Cell chin leh annngawlthumna munte ah Form Fillup in min pialut thei ding hi. A nuomman ahileh dangka tampi ban ah Mall thupi deudeu a van leitheina Gift Voucher te ngen hi ding hi.

KOITE’N BANG GEN

* ZSP Study Forum-Cum-Library ahileh DTC Bus bang ahi, TeacherPu Driver bang hi a, Co-Ordinator Pu Conductor bang ahi a ZSP Delhi Branch Gari neitu ahi.         – Tv. Khailianmang

* Lunglutna nanei pou uleh sepna (Govt. Job) bang ding a mulou ding… Sepna  a umlou ahisih tampi um ahi.             – Pu S.K. Mung Zou.

* Kei kahileh thugensang in, angai ding, sepding um in semleng ahilou leh a liau ding noulah ah ka nuamzaw hi.         – Pu Chinlunthang.

* Manipur a sepna hasatdan Sum Lakhs 10 bang neingai a aneiloute ading in sepna umlou bang ahi phial ta hi.        – Pu Dalthang

* ZSP Nungahte’n ZSP Study Forum Library ading a lekhabu te tuah a kiphal tah a sum leh paite tuah zung zung chi zokuomthawn sms a kana sim in katha nuamsah un Clas ah kapang ut mai hi. – Tv. Goulun Gurgaon.

* Tutung sponsor ding a umleh sponsor sah in kei noute toh khovel tawp dong in ka um na ding hi.
– Nh. Lamsienmuan, Gurgaon.

* Delhi nungahte nam ngainat dan thupi kasa in phathuai sa mama ing.     – Pu Zokuomthawn.

* Kei jong James Bond lui kahi..             – Tv. Khaibiak.

* Eheh..! Tuni ZSP Study Forum teacherpu leh Co-OrdinatorPu luck na vial uh e, nungahte’n Bookshelf mai ah limkilapi zung zung uh.         – Thangkhosiam Roll No. 9.

* Keipi exam zaubou ing… “U”Pau. Roll No. 10

* Ngahnute’n Study Forum a tua pan alah bang un nala bei uleh sepna genlou, kampol keng neite zong kimu khamawta lou di hia.        – Hausienmuan, Roll No. 11

Note: For thu tuam tuam, koiten bang gen, sponsorship penuom/bawlnuomten Call ZKT Editor, Hausienmuan @ 9873997403

Tutung Issue Nh. Lalrinmawi, Munirka kiphalna jal a suo ahi.

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Uncategorized and tagged . Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s