Zokuomthawn Vol. No. VII, Issue No. XIII | Nov 29 – Dec 7, 2008

Nichin hinkhuo a thei dia poimaw
FIR | First Information Report

FIR kichi ajakha ngei nailou I vang sim mama ding hi. Hinanleh akip akawi a theicheig tah tah a vang sem ding in I gingta. Police tetoh etbeh hideu in I thei chiet uhi. Adihma hi, Policete toh kisaima ahi. Igam in ajuidan Daan bawsietna aum chieng in Daan kembittu Police te’n a cheptena (report) khut FIR kichi ahi. Alamsau in First Information Report kichi hi.

Koi tobang mi khat in Daan (Law) kisuhsiet/bawsietna ava mukha ahisihleh ava theikha leh akin thei lam in akinaipi Police Station ah avalut a, tuami thu pen laipe khat a gelthaw in apelut ding hi. A sil mudan kam(oral) in zongg Police kungah a hil thei hi, tuami angaikhiet zawchieng un Police ten laipe a giellut in thututpa (informant) mai a simkhiet ahi ding, tuami FIR a sim ahi veve hi. Tualeh Policete’n zong ama uh thaneina (power) zang in akul leh apoimaw dan bang in FIR bawl khum thei uhi. Tamna pat in Daan botsete suichetna nasep akipan hi.

British Solkal in a’ng na nuosie pie Criminal Procedure Code (Daanbu) nambat 154na in FIR a genchieng ditdet hi. FIR nava bawlkhata leh a copy (FIR copy) khat nangma kep ding in Policete khat apat na ngeen in na la thei hi. FIR khu japi lai (public document) ahi. FIR kichi pouma Serial No. akibul dinga, Daan bawsieta umte Indian Penal Court dungjui in Nambat kituapite akigiel chitchet ding hi.

Etsahna’n, FIR No. 4/2008 CCP/PS, U/S 304, 420/IPC chia kigiel khu First Information Report of 2008, Churachandpur Pulice Station under Section 304 and 420 of Indian Penal Code chjina ahi. 304 leh 420 IPC in tuolthana (murder) leh kisolna (cheating) “Char-saw-bis” chia I thei uh Daan bawsietna nambat ahi. Tam khelna nambatte akituopi gawtna zong agen chieng ditdet hi.

FIR nava bawlsawm a, Officer Incharge in a’ng na pompie nuom sihleh asangzaw Supt. of Police (SP) kungah lai nape lut ding hi. SP in ama thaneina toh suichiilna (Investigation) abawl thei a, ahisihle zong a suichieng ding Officer dang aguong thei hi.

————————

SEPNA MUTHA

Tv. Paulianthang leh Nh. Rose Mary Boinu ten Tax Assistant sepna mu uh, tuaban ah Nh. Lianching in zong Staff Nurse sepna Govt. Hospital, Delhi ah mu tha leu leu. ZSP Delhi Branch in i lungdampi uhi.

—————–

NUOMTHU TUTNA

Delhi a ka nu Pi Chingkhokim damlou kizenna tung a hing buoipi, sisan avat nia hing piapi, hun teng a hing thumpi zing leh sum-le-pai a hing vete jousie tungah gensenglou kipathu i Zokuomthawn tungtawn un ka hing gen uhi. Pasian in a le tampi’n hing thuh ta hen. Noute deisahna tang.

-Chinlunthang

——————–

Zokuomthawn Opinion Poll

Opinion: Shillong te’n ZWA subei a ZYO aphu bang un, Delhi ah ZOD subei in ZYO kiphut leh.! Yes/ No?
Result: Mi 66 lah ah mi 1 in NO adang teng in YES chi uhi. YES = 98.48%, NO = 1.52%

———————

Koite’n Bang Gen???

# Z ban ah khat pou pou ka pom a, mi tamzawte pha sah dandan jui dinga mansa kahi.              – Pu SKMung

# Delhi ka tung apat ZOD pen a leng a ki gen gige, ZYO pen bul nei ahina toh phusuh a, atam zaw in a subscribe thei penpen hing pallun mai ding ahi.             – Pu Zoulun

# Silver Jubilee tungta a Delhi khopi a ZYO tuni’a i gen thei pan uh da huoi kasa hi.         – Pu Lunminthang

# Mite’n a nam a jataat a, eite’n jataat ladeu bang ka sa hi. ZYO pen ei nielguol ahisih, tunita in ZYO Delhi Branch akiphut hi chi declare lei ahoi ding hi.             – Pu K. Zou

# I deitel zieha Zou ihisih a, Zou a pieng ihi zieh a Zou ihi…. I nam sung, khotang khantouna ding leh kituona ding ahipou leh khat poupou ka dei hi. Hinanleh ZOD leh ZYO um khawm thei ding in ka gingta sihi.                   – Pu Khakhai Zou

# Tu-le-tu’n ZYO movement lientah kipeipi a, Zou umna teng ah ZYO um sah ding lunggel kinei hi. ZYO in si-le-man lou zong, nam khantouna ding nasep tamtah kinei hi.                     – Pu Chinlunthang

# ZOD na phut leh lamkai luite jataatna in ZOD beisah mei lou in ZYO Delhi Branch history hisah vai. – Pu Thangminlien

# ZYO leh ZOD a um khawm ding ahoisih hi. Function kibang ahizieh in kingansiena leh kituolouna um zaw ding hi.                      -Pu Kamlienlal

# …. Saupi, kum 10 zawchieng tanpha a ding et in ZYO ma hoi kasa hi.         – Pu Lawrenzo Khenmang

# ZYO i phu ua, i pat khiet ding leh himapon neilou a i pat ding uh hoi kasa hi.  – Pu Hausienmuan

# Kei chuh new wine in new bottle.     – Pu Ginshanglian

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Zou. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s