AHITA LEH – PAN VAI !

Zou Youth Organization Silver Jubilee lopna December 19, 2008 chienga Lamka khopi ah zah ahiding toh kiton in Headquarter lamkaite’n pan nasatahin ala uhi. Kumkhat leh nih peisate a asilbawldoh tehaw uh pahtat huoi mama. Tuin mun leh muol gentham kineita a, alemtang hunhun a building poimaw tahtahte lamthei in um hi.  ZSP leh ZYO koima tuom hilou chi’n khut leh khut kitu in ana pangkhawm ua, ZSP Golden Jubillee thupitah in ana kimangzou hi chi lamkaite apat kija hi. Golden Jubillee in I Zou economy bangtan e khat sukha ahimanin Silver Jubillee pen thupizolou ding dan hi. Himananleh, lamkaite mawhtou tuom samlou in, ZYO Unit leh Block ana mit leh hatnonloute suhhingkiana movement (read in laymen language) a’ng pan ua, Singat Block, Haopi Block Tuining Block leh adangdangte lemtha kia in, Manipur pulang Shillong tanpha ah ZYO phutdohta uhi.

ZYO lamkaite in vision/ dream lienpi nei ua, khatvei chienga office leh officer neithei nading tan vision nei uhi. Tami I lamkaite lunggeel eitenzong I lunglutpi   uhi. Khatvei chienga ZYO officerte necktie toh office kai a, frontline a nasemte, London Puliste banga,  Zouta khat panpingai a aumna mun a feltah a va panpi uh Ni ding hai banga ngahla huoi hi.

YMA being termed `the biggest NGO in Mizoram’ is a fact. State sung guoh hilou a India leh leitung buppi a philantrophic organization lienpen lawi ahiding gintat huoi hi. Mizoram government umnanleh, Young Mizo Association leh Mizoram Presbyterian Synod in thu anei nasa uhi chi laigielte leh khuoljinte apat ithei hi.  Gamsung vaihawm government in zong amaute ajatat a, govt in sum apoimaw chiengin Pres. Synod kungah sum leitawi thei a, nopni dani in YMA mah apoimawpen ahijel hi. Tuachin michin in YMA agingta a, aiitchiet ua muntom gamtuom ah umnan uleh YMA mah achi uhi. And even a Gangte problem now becomes an YMA problem!

Igam leh inam khanlet nadingin ZYO in panmun lientah anei hi. ZYO mapuina toh nasep hoi tampi sepdohthei ahi. Tuaziehin ipibawl a I khanletsah leh I nampi tawisang isuoh hi. Tunia I patlou leh a kikhel thei tampi aum ding hi. I naupangte uh zong nungah tangval siengding hita uh. Mi gama khanglien ahi ua innlam vapei uleh imi isa tetoh kithuodan hamsa asading uhi. Tunia igam adinga khuom (pillar) te ading environment dih ikoipieh uh poimaw tazen hi. Amaute’n ZSP leh ZYO te bange thei uhenlen, khanletpi uhen len, hing ngaina uhen len, khatvei chiengleh hing zuun un hing tawisang uleh idei a tunia nang leh kei mawpuohna ahi hi.

Kum 2003 laivel in ZYO tua ahat bangin ana hat nailou ahi chi ithei hi. Tuaziehma a Delhi a I lamkaiten mindang sanga ZYO ma a kipuohding chi ana ngaituo khalou uh hiding hi. Hinanleh tambanga Welfare body khat ipoimaw dan ana geldoh ua ZOD ana phudoh uh I patatnaa `Kudos’ ipie a, amaute athah in JATATNA ipie hi. Tuachin I headquarter ten ZOD leh ZWA te ahisanga ZYO ma iten ikhosah natenga I identity ahi a ipuo chietding uh ahing phawhdoh ua, General Meeting nei in, munteng a Zoutate I kizopna hoisema, nopni dani a nasep apeihoi zawhsem nadingin, I liem iki vuinading mun I Zougam headquarter min `Zou Youth Organization’ in ana kipota un chi’n thu apuasahta u’a theisahna leh vaiguon ang bawlsahta uhi.

Itheisiem chiet ding kagingta a, zong itheisiem chiet a aminsa ngen ihi uhi. I houlim bangun koimata ZYO deilou a niel umding in gintat ahuoisih hi. Lamkaite’n silbangkim suhfel kin a Silver Jubillee lawching taha manding adei uhi. Tualeh, convenor/ palai HQ Planning Secretary Pu. Chinlunthang pen eibanga kintuom tuom nei ahimanin akintheipena zaw adei uhi. ZYO in Delhi ah signboard nei hileh  “SORRY FOR THE INCONVENIENCE CAUSED”  tahdoh uleh kilawm sa’ng. Ahun leh amun theisa ngen ihia, tuanah kimu vai. Kimu masang ana dam taw, maikawi !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Thangminlien Taithul

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Zou. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s