Sangnaupang Hoi leh Lawching

– By T. Thangminlian

Taang a tuon a  na piang I pi I pu ten sangnaupang chi a na zang sih ua, tanu tapa chi na zang zaw uhi. Tualeh taang/khangdawng/khanglai/khangdong thahat chi nazang tang pi ua. Sangnaupang I chi chiang in hiltu /sang sye a um ngai hi. Sangsye chiin tu nai in na ki zang nan leh khang lui lai in tam bang in ham na ki zang kha lou hi. Tam ham te khan tou dung zui in hing ki phuoh tawm tou tou peh hi. I pi leh pu ten ‘sangnaupang’ leh ‘sangsye’ na zang ding in naging ta uai? Ana zang tham tham uhi. Tam khu a zat dan uh tam bang ahi. Pate thu hil in pang ua, ngai tu tate ana hi leng uhhi. Tua hun lai a aki hil tang pi uhhi leh thugousie, thuvantang, innsungthu, khanggui, tangthuleh nasep ding dan ahi. Tam a tung a teng ang ki gom chiang in siam na pilna ang suoh hi.Tuhun in pilna siam na I chite saang(school) a kihil; pilna siamna I chite uh ang suoh ta hi, chi na hi kia leu leu a.

Tam bang a pei tou ding I chi leh koi pou sangnaupang na ki hi kha chiat hi, tam hun, mi khat dam sung a bang hunchih(point of time) ah tung’ in sang naupang um jieh khen tuom lou hi.

A taang pi in sangnaupang in siam zilna, theibelapna, kalsangsuonna, zalian delna leh tup leh ngim nei a mukhol na, delna tua leh tah suo te china zong ahi. Sang naupang khu umdan hoi tawndan hoi , chiintuoh khohei, khuolchiilmi thahat, sie le pha khen thei mi hi ding a nu le pa te lamet chi na zong ahi. Mi khat a gentho(theoretically) in a neu a pat sa sangnaupang a suoh a, ahin’ kum guh a pat sawmleli tan leh atung lang sie atah(practically) in ahi hi.

Sangnaupang I chi chiang khil thum in khen ahi tang pi hi,tua te khu tam anei a bang ahi.

– Naupang pil( intelligent): tam nei a khum khah naupang te ahileh thu kigen leh ki hilte aman thei hoi mama ua. zong a thei den nuom uhi.

– Naupang lai guol (mediocre) : tam in a huom khah naupangte pil ahivang un athei na uh sot dai lou. Thu ki hilte a thei bai ua ahin a sot thei sih uhi.

– Naupang lai bunlou. Tam in a huom khah naupangte ahi leh lai a lung sim uah lut khol lou mama hi.

A taangpi in sangnaupang hoi in tam a nei a gen khah ten a nei ding leh anei thei poimo hi.

1. Khotang hitaleh sakhuo ah kipieh mi, jatthei, kupthei, muonngammi ahi thei hi.
2.Thupha tawi, silphathei, ahoilam en tungtawn,maitai mi khat zong ahi kul mama hi.
3. Hasatna ah molom lou a ngaisuut thei na huohbu nei.
4. Laisiam veng vung sih le; tha nuom le guuntu tah a lai sim mi, tham lou in thu thang chin teng (Lattest news) te khasuo ngailou le vom tungtawn.
5. Mi lung siatsiam, zatatna nei, sangsye te zatatmi ahi.
6. Siatna khamthei guithei a ki buol lou mi.
7. Lung tupna kichiennei, ngim le dawi hoi tah nei mi ahi ding hi.

Sangnaupangte hi, gam le nam a ding in khoum leh keng guoh hi lou in a pumpi ahi uhi. I gam (India) sung a dan buh, a sawmgiat leguh vei ettha na kum 2002 december dung jui in,”naupang kum 6-14 in bawl thei na taang pi (fundamental right) a nei thei ua.” Bawng (article) 21na nei a belap Bawng 21(A) in tam bang in gen hi,”gamkai(state) teng teng in naupang kum 6-14 tan a thawn a laizil na apieh ding,” in thu puoh na bawl uhi.

I zou nam sung ah pasian vang buoh na toh mi tam zaw ten pawlsawm tan naki sau kha chiat hi. Zou sung a sang naupang loching I chi chiang kham mu ding chi a tup uh le a mu khoil ma sa pen ahi tang pi a. Sangnaupang tam tah in, inn sung ahiei, kho tang ahei, loi pol ahei ah buoi na nei leng uhi.

Tam buoi nate lah ah ettah khat ahi leh, khang ki kah (generation gap) ana um a 1970-1980 ki kal in kham nei mi na ki um thou a ahin 1980-1995 tan sung in tam kham mu dan(trend) na kisun zom lou hi. Tam bang a ki kalhal na sangnaupangte hoilou zieh a dei? A lawching lou zieh adei? chi khu kidoh doh thei ahi.

Thu zapi suut in gen lei zong sangnaupang lawching in; nu le pate tham lou a mipite, a hattuom mite, a pasian leh a tenna mi te a tawi sang hi. Tuin Delhi leh akim aziet aum tualeh Manipur azou saangnaupang um ten sang naupang hoi ihi na ding in pan lah a kul leh poimo mama hi. Tua hi leh khang ki kah te um lou in minphatna, guolnung phahna, nopsatna maban ang hi ding hi.

Reblog this post [with Zemanta]
Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Zou and tagged , , , , . Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s