Vol. No. VIII, Issue No. IV | Dec. 28 , 2008

Hing jin tou uh

Apaisa Awlha nisim 23 ni in Gauhati a um Pu& Pi Nengzapau te nupa Delhi a eite tawh Lungdam pawi mang khawnm ding in hing jin tou uhi.  We Welcome them warmly. Amau ahileh SSP ading a mifel tah Tv John Thangkhanlun Samte  tuun-leh-juo te ahi uhi. A thei cjhiang nailou i um khah jenjen leh Nh Suanching nu leh pa ahi uhi. Amau te Kumtha jou lamchiang in paisuh kia pai ta ding uh hi.

Kile kia ta (pai ding)

I lamkai luite uh Pu M. Lalmuanlian leh Pu Paulian hang @ Agum/HangP te jong eite tawh Khrismas jang jou in a umna mun lam uah kile kia ta (pai ding uh). Delhi a sep leh bawl ding poimaw tuamtuam te ngai tuo kawm a hing jin daa uh hileh kilawm.

ZCF Delhi in Annual Session nei uh

December 27, 2008 nin ZCF Chairman Pu Haulienkap Inn ah ZCF lamkaite leh Department chin a lamkaiten Annual Session 11Am apat 6Pm tan nei uhi. Tuanah kum hing tung dinga pan la ding dan tampi genkhawm uh. Church Building Committee ten zong kum kia apat pan nasatah a hingla tou ding uh chi thu kija. Tua ban ah Youth Promotor nei ding chi ngaidan genkhawm uh.

Delhi ah 2008 sung in Rape Case 330 um

Kum 2008 sungin Delhi khopi maimai ah thagum a kisuom Police in case 330 tah khumlut. A kikhumlutlou bangja a um diei? Ningkum in Rape case 581 um a, 2005 in 762 ahi ban ah 2006 in 713 tah ana um hi.

Orrisa & India Christmas zahdan

Orrisa a Christian umte’n tutung in Christmas lungjau leh beidong tah in zang uhi. A innmun ua nuomtah leh kipatah a zang ngamlou in Security khautah nuoi ah mipi’n Mang pienni lawm uhi. Tuaban ah Khopi dang dang azong Biahinn te security in khautah in guard uhi. Tuabang kal ah Lamka sungah ahileh nuomtah a zahna mun tampi umnanleh apulang a nuomtah a ana zang pawl in mitsiipna ding tampi bawl uh hidan in thutut kingah hi. Lellai News gendan abah leh tuban ha 9 vel chiah Meternity lun mama ding chi hi.

ZYO Delhi Branch Meeting

Lamkaite apat thuja ahidan in ZYO Delhi Branch in zong January 2nd week vel ah meeting nei ding ua, cabinet expansion nei ahiban ah General Fund toh kisai genkhawmna zong nei ta ding uhi. Lamkaite apat thuja ahidan in a si a seen a min khumna um ding hidan in thu kija hi.

Lamka ah gintatloupi’n Guo & Giel kithuo

Kum danga zong ana um ngeilou pi, gintatlou pin tutung Christmas jou December 26 nin Lamka leh akimvel ah guo leh giel kithuo nasatah in ju hi. Gielte bang agen uleh lienpi pi hituo nalai.  A result bang ahiei le? Lamka khopi chuh dustbin bang mai chi uhi. Khawsihmaw…. eilawi khopi hizuh a!

——————————————

Koite’n Bang Gen???

# Chau vang lah…. Koima jong hing pui khe jou tawlawm lou. Late nalai….       –  Kamlianlal(to  Agum)

# Tutung Khrismass a lim hing ki haa kap seng a diei ka pum ka tang in na kei veng aw…. Nh. Chingboi Munirka

#A lut ding maimai na buaipi sang un a pawt ding tan jong ngai tuo kawmkawm ta un Ahilou leh ahithei mawngmawng dddd!!!!!!  Tv. Paulianthang  Munirka

# Hoilah Meitei nungah khat a hiei ki chi  ma ana hi khin khian daan a ve maw….Ka manghil kha dehtah a… kei penpen in             – S Mung

# Kumtha chia Spoon race kidemna Nupite a ding zong um leh ut huai.                – Nu Esther Vungneiching

# Kum tha chia arm wrestling ang ngap ngap ka chou veh, na chi jaja uh i board ding in. – Nu Nuam @ Pastornu

# Christmas a lim deu a lengkhawm bawl di kichi, kapa uh bang a lapat siemlou ngen khuong pu kha in buoi huoi kei!        – Nu Nuomzavung

# Kapa uh umlou a Christmas i ka’ng mang leh vang pang hawm huoi kei e, U Mang ngaihuoi chia hing leng tou mai taw…….    Nu Lamnu @ S.Robert

# Koulawi nungah lai toh te in tulai nungahte mawng mawng, lengkhawm la sathei zong um nawnlou, hing nupi uleh bang suo sawm adi uai, thasiet toh thuo nalai uh, lungkhawm huai.    -Nu Chinglien

# Nu Mawi kingaituo ou, Haulien in bawn ji anei leh eilawi bang chi di, ki ngaituo hun mawng mawng ta.            – Ngailun (Bibi)

# Christmas nin ann tam ne seng ing in, kum tha chia vang ki ne ngap nawn sih va e.  – Ngahnei

# Khristmas ni koi mel thei a um ei chia suti mulou sasa hing ki leng suh veng vung a, um duai louh! A ki chai theisih uai leh?    – Hatpi

# A ki upat deu deu leh i lungsim bawngbu naupang deu deu na bou. Ham dawng ki du deu deu ei, ka lung kham ta.    –  Christopher Thang, Munirka

# Chirstmas nin nungah etthei sim khat mu ing, kum tha chia continue ngai ven, U Mang hing panpi in aw…        – Vincent Letminthang (Bishop)

# Nuuuuiiiiiiii, keipi, ka kikep dan tehsepu bang ing, mite smart thei dan toh…    – TZZou

# Tulai ka luck dan, ka vana lam lam a nungah a na um, ahivang a a awng khat zong um nawnlou uh. Kei a val chidan deu?        – Letboi

—– Koiten bang gen is only for joke ——

—————————————————–

Food for Thought
“This year is about to vanish, New Year is about ot dawn. This years misunderstandings shall vanish with the yeara and New thoughts should dominate you”                    – Pu Zolengthe

=============================

..: ZOKUOMTHAWN A THU KISUOTE ZSP LEH EDITORte NGAIDAN HIVATE LOU AHI, AGIELTU’N MAW AKIPUOH DING HI :..

—————————

Tutung Issue Nh. Lhingneiching @ Chingboi, Munirka in tawmngaitah a a sponsore ahi.    [ZSP/DB in nuomthu kitun hi.]

Reblog this post [with Zemanta]
Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Zou and tagged , , , , . Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s