Vol. No. VIII, Issue No. V | January 11, 2009

Hing tung limlem kiata uh, Ana peiman zong um jel

Innlam a vaki hulvom zuoi die pei Munirka apat Nh. Dimngai, Tv. Khamsienpao. Safdarjung Enclave apat Nh. Rita Lamboi, Nh. Rose Chingheisa. Juliana Sarai apat Nh. Lamneihoi. Vasant Vihar apat Pu SK Mung leh Pi Chingboi te hingtung kiata. Adang theilou a umkha gingtat ahiman in, a um kha leh 9711056123 ah hing theisah jel un. Tualeh Pu Nengzapau f/o Tv. John Thangkhanlun of Munirka zong a umna uh Dimapur lam zuon in January 6, 2009 nin ana lengsuh vurvur kiata. Nh. Nunhoi Nu-le-pa ban ah Pi Niangneilam w/o Dr. Robert Ginlunmang zong a heina uh Pondicherry zuon in lengsuh paita ding uh.

Pu Benhur Suunna

Pu SK Mung pianna zuopa Pu Benhur Khamzalang Ysrael in December 28, 2008 ni’n   a teenna inn uh Beulahlane, Lamka ah hing muolliamsan. Delhi ah ZYO lamkaina in Pu SK Mung Inn, Vasant Vihar ah a suunna kinei hi. Zokuomthawn Editorial Board in zong i suunpi thu ka puong uhi.

A lamdang Natna Chikhat

Tu habul lam in Lamka apat gamla lou, Misao Lhahvom ah natna kichien ki theilou laang, ganta tampi ashi ban ah mihing 30 vallamte District hospital tut in um uh. Manipur a Veterinary Department in amun delpai in study va bawl uhi. Ama un amukhietna uah, a dap seng chienga aah leh vaten natna chikhat ahi uh, tuopen ahidan mukhia uhi. Hinanleh a thuchien zaw suina ding in a sample Kolkata a thot suh ahi.
ZOKUAWMTHAWN Kichikhat Suoh

Hei lang apat hing kipan adiei thei zawlou, mumallou tah leh news min ding dang thei joulou bang in Zokuawmthawn kichi khat January 1, 2009 in hing suo khia. Tam journal pen mipiten na na thei buoikha ding uh venna in hilchetna hing kibawl hi. ZSP leh Zokuomthawn Editorial Board theipi khalou Zokuomthawn min suhminsietna ding a hing kibawl ahi bou hi. Zolengthe toh kinai Zolangthe bang dandeu, Zokuomthawn toh kinai Zokuawmthawn ahi.

Burma ah Tapidawte kikhopna khap in um

Burma khopi Yangoon a Kyauktada Township Peace & Development Council in Rangoon khopi sunga tapidawte’n innchin kikhopna abawl jel pen uh akin a tawpsan di’n Pastorte hankhawm in thupia uh. Tam innchin kikhopna a tawpsan sih uleh a Biehinn te uh khasah hi ding chi’n khautah in giihna zong bawl uhi. Thumpi vai!

Zou Workshop Forum (ZWF) Tum leh Ngiimte:

Internet tungtawn a Zou suonte kithukupna, ZouWorkshop in tup-le-ngiim guongtha:

1. Zou thusuite a diinga thumuna naah,
2. Zou khangnoute thuhilna naah,
3. Zou nampi vaihawmte – UZO, ZLS, ZYO leh ZSP a diinga Ngaituona Khawlbuuh,
4. Zou Vontawite khantouna diinga nasepna, laisimna, theinopna, etc. vai a dohna umte ahithei banga dawng diing, leh
5. I pilna, siemna leh lainatnate tami forum leh Zou vontawite a diinga zahna ahi hi.

Tam Discussion Forum na zop nuom leh anei a link apat zop thei ahi.

http://groups.yahoo.com/group/ZouWorkshop/join

A zomtha dingten Detail deu a na iki introduce ngai ding. Tua chilou a membership koima kipe nawnlou ahi.

Reblog this post [with Zemanta]
Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Zou. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s