MINUTES OF THE ZYO, DB FIRST MEETING’ 2009.

Mangpa’n hing mapui jel in, kum 2009 a masapen ZYO Delhi Branch Meeting poimawtah ani 26 January(Republic Day) in Vasant Vihar Office ah ana kinei zou hi. Delhi sunga Zou suonte kivaipuohna a chiemte tham milip (member) 40-50 kisukhawm a, ichi inam ingainat seem dan leh kilungtuoh seem ihidan langsah hi. ZCF pastor, Rev. G.K. Samte in Pasian muong leh ama deidan a umding poimaw dan gen a hunpatna thumna zong ang neisah hi. Nitahlam dah guh (06 PM) a hun pat ahia jan dah sawm (10 PM) kiim ah kizou thei hi. Bishop kaitha, Rev. (Dr.) T. Ginzamung chiel in um a, ahing thukimpi sa himananleh ahun in ang pang tasih a, dahuoi akisa hi.

Nguuntah a ngaidan sunkhawm ahinua in tam aney abangin Thupuasahna (Resolution) kibawl hi.

1.    Kum 2009 sunga kalsuon dingdan:

I nam Festival te khat (e.g., ZOTON) man a NAMPI THUMKHAWMNA toh thuo ding lungguot(plan) ahi. Society Registration Delhi a bawl angai leh bawl a, bulpite toh apoimaw banga kithujah jel dinga kituohtah a lungguot ahi hi.

2.    General Fund:

(i). ZYO in sum leh pai lam a iki ningchin zawhsem nadingin, General Fund tam aney abanga don ding in ki lungtuohtah a bikhieh ahi hi.

A. Student – Rs.50
B. Single emloyee – Rs. 200
C. Family – Rs. 500.

Note: Tam atunga categoryte a pangkhalou aum khahleh khat zawhzawh min a apieh ding ahi.

(ii). Identity Card(I-card) bawl ding in poimaw kisa chiet a, akituoh leh kilawm bangtah a bawlpat ding in lem kisa hi.

3.    Cabinet lepna:

“Tuletu a Joint Secretary Tv. Kammuanmung in theisahna umlou a Meeting ahing pan ngailou zieh leh ZYO DB nasep leh silbawl a lunglutna neilou a akimu zieh in lunghimaw huoi leh nasep nawngkai huoi kisa a, ni sawmlehnga (15 days) sunga President/ Secretary kunga agielthaw a theisahna apiehding; tambang theisahna ama apat mu a aumlou leh ama mun a midang khat guon ahiding hi. Tualeh Tresurer Nu. Nuomzavung in akam a theisahna apieh ban ah ZYO DB nasep leh silbawl a lunglutna neilou a akimu zieh in, ni sawmlehnga (15 days) sunga President/ Secretary kunga agielthaw a theisahna apiehding; tambang theisahna ama apat mu a aumlou leh ama mun a midang khat guon ahiding a, bangma anua gen thei tasih ding hi” chi in kilungtuohtah in vaihawmna kinei hi.

ZYO Danbu in Thumoptu/ Adviser neidinga ang dei zieh in tami panmun luothei ding mipi peikhawmteng in kingaituo a, tam aney a mi muonhuoi teng kilungtuohtah a guon/ teel ahi uhi.

(i).     Pastor S.K. Mung, Vasant Vihar, New Delhi.
(ii).     Rev. G.K. Samte, Palam Marg, Delhi.
(iii).     Pu. John Zamkhomang, Gurgaon, Haryana.

4.    Zoku’a’wmthawn thusua:

ZSP Delhi Brach journal ‘Zokuomthawn’ min suun a kibawl ‘Zoku’a’wmthawn’ kichi newspaper khat in Delhi a Zou suonte  kilungtuoh tah leh deithaw tah a kivaihawmna simmaw leh dihloutah in gensie hi. Tuami newspaper in kimudana leh kihuotna mipite lahah a chitu sawm hi. Tualeh, danlou bangtah in amin kizang nonlou ZOD(pseudo)  aum nalai hi chi’n leh Pa. Philip Mangkang Chairman hi’n tahlang hi. Tambang tawndan dihlou aum khu poi akisa mama a; mailam huna tachibang gamtat tawpsan ding in mipite’n ngen a, agamtat hoilouna uh tawpsan dinga theisahna lai (letter) Pa Philip, Tv. Douminlien leh Tv. Vincent Letminthang te piehding in lem kisa hi.

5.    Theme of the year:

Kum 2009 sunga ding theme (Kumpuon) ngaituo leh genkhawm in um a, ngaidan kisung tuomtuom um a; atawpah, deidan khat ah hing  luongkhawm in tam aney a thuguol tukum a ‘theme’ dinga phasah ahi hi.

ZYO DB Theme of the Year: Hand-in-hand. (Khut leh khut kitu in).

Hunkhahna leh annkuong thumna Pastorpa in nei kia a, Presidentpu leh a inkuonte kiphalna jal zou in mipi peikhawmteng in annkuong iimkhawmna kinei hi. Inam ngaina a atha azung, sum leh pai leh hun neisun pephal teng teng, nieng leh tai in innlum zuon chiet uhi.

UZO, ZYO, ZSP leh ZLS damsawt hen!

Mangpa hing panpi in.

Noute toh seemkhawm,

Sd/-
T. Thangminlien
Secretary, ZYO, DB.

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Zou and tagged . Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s