Interview with Silvya Lhingnunmawi | Manipur Zou MIL Topper

Silvya Lhingnunmawi

Silvya Lhingnunmawi

Zokuomthawn Editorte’n June 6, 2009 nitah lang nai 6:10 in BSEM Class X Zou Mil Topper 2009, SILVYAvia Lhingnunmawi a umna Berserai ah vahou limpi ua, feltah leh maitai tah in ama’n hing nalamdawn hi. Zokuomthawnin  policy tha (Policy orientated to the needs of the students) peipi ahiman in tu issue apat in students lawchinna neite zong interview bawl jel kisawm a, amaute pilna siamna apat a i zil thei ding tampi te kilah khiet sawm hi. Tualeh tam interview in atup pi pen Zou Mil subject toh kisai deu a, ZLS theisah hi ding hi.

ZKT= Zokuomthawn;      SILVYA

ZKT: SILVYAvia, nang Zou Mil topper na hi ka hing kipahpi mama ua, tuaziah in houlim bawl lei chia hing kalsuan kahi uhi.
SILVYA: (Nui silsel kawm in ) Kei zong kipah mama ing e.

ZKT: Zou Mil topper na hi na ki thei in bang na chi ei?
SILVYA: Zou Mil ahileh ka subject deipen te lah a khat ahia, topper kahi kaki pah mama hi. Top hi ding kana kigingta khhol sih a, kaza in lamdang kasa in Pasien kungah kipathu kagen hi. Ka inn kuanpite leh ka sangsye te tung ah ka lungdam mama hi.

ZKT: Zou Mil nasim na apat in na phatuamna um in na thei ei?
SILVYA: Mil kasim ka knowledge lam leh ei society toh kisai lam ah ka phatuampi mama mai hi, azia i MIL in Science, literature, poetry, grammer, general knowledge leh adang dang tan 10 a i simte toh kituah tampi modern chite cover pha a eiham a i hing sim chiang in kithei den hi.

ZKT: Na school ua na sangsye ten Zou MIL ah bang section pen ahing thupi

Silvya Lhingnunmawi

Silvya Lhingnunmawi

lapi pen uai?
SILVYA: Literature penma kibuaipi in sangsye te’n hing ngaikhawhpi pen uhi.
(Edtor’s Comment: Tam nah Zou MIL sangsye-ten abawl khial khat uh um hileh kilawm hi, School a Zou grammer ZLS rule aha bawl zawt ding uh dei huoi zaw hi.

ZKT: Ahileh “Aw” leh “O” zahna ding mun bang chibang te adiei le?
SILVYA: O ahileh aw khau deu ahisihleh aw tang/zang deute ah ka zang ua, AW ahileh a zai/neem deu zahna in aki zang hi.
Etsahna’n: KOH (basket) tualeh KAWH (pointing) chidan in akizang hi, tualeh adang khat ah ZONG (also) tualeh ZAWNG (mongkey/poor/carry) chidan in aki zang hi.

ZKT: Ikiletsahpi leh miten anei zaw lou uh, i Zou Lai (Zou Script) pen na zilkha uai leh?
SILVYA: Tua pen ki zil seng lou, sangsye ten hing khawhngaipi senglou un ka thei hi.

ZKT: A him him in na sim thei suoh ei le?
SILVYA: Sim suo thei lou, a bul lang leh atawl lang them khat thei hamham ing.
(Editor’s Comment: Sangsyeten tam script pen hoitah in sangnaupangte hil thei uleh deihuoi isa hi. Tu in zang paivai chivang gen thei hishnanleh, ni khat ni, kum 50/100 jou himai thei, tua hun chienga a i ki thang-atpi ding uh silkhat ahiman in).

ZKT: MIL subjcet chapterte lah ah bang lunglut huai na sa pen ei?
SILVYA: Drama.. Khupching leh Ngambom tangthu pen simnop kasa mama hi.

ZKT: Ei Zou MIl khu Class X standard di’n ngiam nasa ei, sangna sa ei?
SILVYA: Hun mama kasa hi, azia hing hasa deu leh jong lekha sim ding Science, Social Science leh Maths chite tam ahiman in adangte ah hing keniam sah thei ding hi. Tua a standard pen in i GK leh modern science lam zong nasatah in ahing panpi in ka thei hi.

ZKT: Zou Mil subject section teng lah ah bang hoi na sa in lunglut huai nasa pen ei?
SILVYA: Zou Mil teng lah ah Literature pen hoi kasa in ka lunglut pen hi.

ZKT: Zou MIL toh kisai in na nua a hing simtou ding sangnaupangte bang vaiha nuom na nei ei?
SILVYA: Alternative English, midang MIL te va la sang in i Zou Mil ma lah hoi kasa hi, azieh ei ham a kisim khu theinop a, i ham hawm khen dan zong kithei siam in, ipupa la, i khangthu leh i tawndan te kithei hi.

Zokuomthawn Editor, Hausienmuan & Silvya Lhingnunmawi

Zokuomthawn Editor, Hausienmuan & Silvya Lhingnunmawi

ZKT: Class X board Exam a di’n bangchi’n na ki singsa ei?
SILVYA: Special preparation chi ding zong a um tuansih a, ka neulai a kanu’n lekhasim ding dan ang hil bang in kasim a, lekha ka sim masang in Pasian kung ah ki-ap na kanei zing hi. Preparation ngai senglou kachina san ahileh, kum tungtawn a routine nei a lai kana sim zieh hi ding in ka gingta hi.

ZKT: Na laisim dan nang gen thei diai?
SILVYA: Niteng in kasim gige a atawm pen in naikal 3 bang kasim zing hi, exam kuan chieng a sawtpi pi sim kabawl ngei sih hi.

ZKT: Subject teng lah ah bang na lunglut pen ei?
SILVYA: Ka aim toh kituah ahi zieh in Science ka lunglut pen, Science ah zong midical line toh kinai Biology  ka lunglut pen.

ZKT: BSEM SILVYAlibus Job orientated in na thei ei?
SILVYA: Class X standard Job adi’n orientated mama kasa hi.

ZKT: Delhi a bangbawl ding a hing kuon na hiei?
SILVYA: Ka lekha sim aban sunzom ding a hingpei kahi.

ZKT: ZSP leh ZYO lam ah na na kihel kha ngei ei?
SILVYA: Lekhha sim ding atam zia leh naupang nalai akihi zieh in kana kihel seng sih hi. I hun hing tung na lou ding amah ka chi mai a.

ZKT: Sangnaupang lawchinna ding in koi khut ah kinga nasa pen ei?
SILVYA: Nu leh pa, Sangsye leh ei mimal tung ah kinga pen hi. Mihing khat hina zia in hing thumpi ding, hing hasot ding leh hing hil tu ding aki poimaw zing a, tuazia in eima ngen a lochinna nga ding pen hamsa hi. Ahi’n eima a deina a um ngai in ka thei deu hi.

ZKT:  Na mu dan in Zou society ah numei leh pasal dinmun kikim nasa ei?
SILVYA: Zou society sung ah numei leh pasal dinmun kikim kasa hi.

ZKT: Na Aim in life leh na hobbies nang gen thei diai?
SILVYA: (Nui) Ka Aim in life ahileh Medical line (Doctor) a luut ding chi ahi, Ka Hobbies Reading, Singing and Chatting.

ZKT: Singing na hobbies ahileh ZSP Freshers Meet chieng in Special number in hing kiguot leh maw..?
SILVYA: (Nui kel kel..)

ZKT: Zou MIL in na lawchinna bangtan in hing panpi nasa ei?
SILVYA:  Zou MIL in kalawchinna nasatah in ahing panpi, aziah outside Manipur ah Best of four subject percent ki en a Zou Mil zong pangthei ahiman in ka Grand total percent nasatah in a khang sah a Admission bawl na ah phatuam mama hi.

ZKT: Na lochinna koi kung ah a Credit na pia ei?
SILVYA: Ka lochinna zia khu amasa pen in Pasian zia ahia, tua ban ah ka nu-le-pa, ka innkuan te’n ahing thuap hoizia leh Sangsye te adieh in ZLS board te zieh ahi. Amaute tung ah tam zokuomthawn tungtawn in kipathu kagen hi.

ZKT: Innlang sanginnte ah competitive mind um in na thei ei?
SILVYA: Ka mu dan in tua bang um seng kasasih hi, ahin 100 lah a 10 vel in tuabang lunggel nei thei sam hileh kilawm na. I school kaina in zong mawpuo in ka thei hi. School hoi lah vel ah kidemna themkhat um dawm kasa hi.

ZKT: Innlam Manipur na um in Delhi a Zou society bangchi’n naza ei?
SILVYA: Delhi thu ahileh ahoi zong kiza, asia zong kiza, tamte khu society sung a um ding mawng ahi chi’n ka gel hi.

ZKT:  Ehem..! Tangval te zanuam pen hing dong vang eh. Tangval kingaipi na nei tai?
SILVYA: ( Nui silsel kawm in) Ka neinai sih, ahithei tan a kingaipi neilou ding kachi ahi. Azia ahileh laisim lai bangma dang toh kisuh buoi lou hoiphot kasahi.

ZKT: Zi leh pasal neina ah Zou pasal ma nei hoi na sa ei?
SILVYA: (Tom khat kingaitua) Zi leh pasal suina ah eimi ma hoi kasa hi. Hilehjong Pasian lemsah pen hoi kasa hi.

ZKT: Delhi ZSP hatsemna ding point thum nang gen thei diai?
SILVYA: 1. ZSP in bangkim a masa pen a Pasian thei hoi kasa hi.
2. Tupna nei a ZSP members zousia in lai hasim a sim ding
3. Kituatah a um ding leh khat leh khat kiza tat tuah ding, lamkaite thuman khantouna um in ka thei hi.

ZKT: Pawl XI ah bang subject na la in bang school ah na zop ei?
SILVYA: Tu leh tu in Tagore International School, Vasant Vihar ah  Science la in kakai hi.

ZKT: SILVYAvia kakinep na sang un nana fel zaw a, ZSP, Zokuomthawn na hun manphha tah na hing piah zieh in kakipah mama uhi.
SILVYA: Kei zong kipah mama ing.

Bio-Data:

Name : SILVYAvia Lhingnunmawi.
Father: Michael Ginzasuan Munluo
Address: Zomi Colony, Lamka.
Date of Birth: 27th January 1994.
School: Young Learners School.
Senior Secondary School: Tagore international School, Vasant Vihar, New Delhi.
Hobbies: Reading, Chatting and Singing.
Aim in Life: Medical Doctor.
Brother: Lawrence Khenmang.
Sister’s: Irene Lhinghoikim, Lidya Manneihat, Margrate Niangneiching, Olivia Lhingneiniang.

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Interview. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s