Vangsietna tunga nuomthu tutna

Ka u iittah mai S. Ginzamung @ G. Israel in 17/05/09 ni’a a’ng muolliemsanna tunga ittah leh ngainatah a hing nabuoipi nu-le-pa, u-le-nau, nungah-tangval, lawm-le-guol ban ah ZYO Delhi Branch tungah ka tan guollou na hoina leh na phatnate uh jal jou kahi ban ah, mimal chin tunga nuomthu hing genjoulou kahi man in i Zolengthe leh Zokuomthawn kithuzahnate tungtawn in ka lungdamthu ka hing gen hi.

Na’ng kithuopinate uleh na tha-le-zung, sum-le-pai a nahing kithuopinate uh hing thuh ding chileng hing thuh jou sivang. Sil bangkim bawlthei Van-le-Lei siemtu Pa Yaweh in na unpi ua tungah na silbawl hoite uh hing theipi in hing vangbuoh chiet tahen aw.

Noute hoina joutu,

Pastor S. K. Mung & Family

—————————————————

Related News

Condolence | Pu S. Ginzamung @ G.Israel

Pu Benhur K Israel leh Pi Khupzavung nupa gil a ga goutan tapa tahpen Pu S. Ginzamung @ G.Israel ahi. Unau pasal guh (6) leh numei khat apha uhi. 24th December, 1968 kum in, Nu Khamzaniang toh ana kiteng ua, ta pasal nii leh numei thum anei uhi. Kum 1968 kum in Sabbath ah ana lut a, tuakum a pat in kum 1978 tan hattah leh ginum tahin Gospel ana tangkoupi hi. A kumkia in a innkuan un Sabbath ah ana lut uhi.

ZYO Delhi in Pu G Israel luong Zou puonlaisan toh tuomZYO Delhi in Pu G Israel luong Zou puonlaisan toh tuom

Sepna lam ah- kum 1978 in Churachandpur District Council, Tuibuong ah Clerk sepna mu in ana join ngal hi. Mifel tah leh mi kukal mama ahijiah in, a sepna ah kaisanna (Promotion) tamveipi nga in, Office Superintendant tan ana kaisang tou hi.

Apeisa kum kua veel apat in, damlouna tuamtuam nei in Hospital/clinic tuamtuam ah ki en sah hi. A damlouna tangpi te ahileh zun-hum, sungkho chite ahi hi. Nanleh damsiang theilou in Meridian Clinic, Imphal ah nivei ana peipi nua un, Delhi ah Date 29/04/09 in angtung uhi. AIIMS ah Date 01/05/09 in admit in um a, nanleh damjou nawnlou in Date 17/05/09 ni jingkal dah 12:30 AM in a itt-angai, aji-ata, a u-a nau leh a innkuanpite nuasia in hing na mualliansan tahi.

Pu G Israel CondolencePu G Israel Condolence

Amijia tomkim (Aji mudan a pat):

Pu S. Ginzamung @ G.Israel ahileh mipha, milungsiatsiam, tu-le-ta huaijou/kemjou, khentuan-paituam neilou, tuabanah Meitei/Pangalte nasan lungsiat a khotua mi ahi. Aji a tate tahsa leh Hagau lam ah khohsah/ngaisah mi ahia, ahithei tana mi khut a kingalou mi ahihi. Genthei liangvai te lungsiat leh panpi tawntung in hinkhua a mang hi. Pa Yahweh gualjawlna tang in aji-atate, a u leh naute kituptah a enkol jing in apichin sua jou hi. Kipahtah leh Hamuangtah in a siampa Yahweh kung ah ang khawldamsan tahi!

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Obituary. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s