Vol. No. VIII, Issue No. X | July 04, 2009

Kalasai! Nuomthu genlou theilou!

Pi Chiinkhannem

Pi Chiinkhannem

ZSP Office bearer te’n tarik 19 June 2009 ni’a ZSP Office a meeting akineni’n ZSP Office mamsap Nu Esther Vungneiching felna jal in Pu Khakhai Zou te nupa in ZSP lamkaite tuitah in ahsa toh hingva ua ankuong hing sawkhawmpi uhi. Tambang a ZSP a dinga officer ki phal i neikha uh hamphat huai hi. A  tung ua ZSP Delhi Branch in kipah thu nasatah in ki gen hi.

Tualeh June 26, 2009 (Ziltawpni) in Pu K.Zou Advocate Delhi high court inn ah ZSP Delhi Branch EC ten houlimna anei ua, Pu K. Zou te nupa in ZSP lamkaite vohsa annkuong hing sawkhawmpi uhi. Ama uh tung-a zong ZSP Delhi branch in kipahthu nasatah in kigen hi. Pi Dr. Mary Grace fel zieh ma hizel!

Note: ZSP Executive board te zong tulai mai nasan lou uh. Maban ah Family teng inn ah ZSP EC meeting ban nei sawm ua “ kichen operation” toh thua ngal sawm uhi. Next ah Pu S. K.  Mung, Pu Zamlunmang leh Pu Hauliankap, Pa Philip Thanglienmang te kitchen hit-list in koi uh, koi kitchen pen strike ang bawl masa ding uai chi’n Papa’te jauthei mama hi.

ZSP Kalaisai Sports Meet chienga heisung muoltuol a ki balsiel nuoina nei ding chi ngaisut ahilai in feltah mai in Pu Khakhai Zou, President ZYODB in Nehru Park gei a Parliament Ground hing kan felsahta.

Bang chilai pou a ZSP leh ami asate dinga kiphal zing Nu fel, 2008 a ZSP Mother chia nousietna mang lukhuh kikhuhsah Nu Chiinkhannem @ Nu Nem w/o Pa Haupu, Jaroda in tutung ZSP Meet chiengin a niih thing jen a ZSPte vaah ding ahidan puong kheta.

Tutung CBSE class XII  a atanu Merina in sang tah a lawchinna ang mu kipahpi na leh ZSP Mother Title lopna in tukum ZSP Fresher Meet Neh-leh-Tah bei ding teng kiphaltah in hing tuo ding hi. Ama leh a innkuonpi te tung a ZSP Delhi Branch in kipahthu nasah tah in Phuong in kigen hi.

ZSP Kalaisai Sport Cheplawhna

SSPP leh ZSP Football Friendly Match: ZSP Friendly match Spokesman Pu S. Munga apat za ahidan in ZSP Kalaisai Sport cheplawhna kawm in imai kaal chiengin ZSP leh SSPP te’n Old JNU ground ah lawmly (Friendly match) bawlum suina nei ding uhi. ZSP nungah te’n tangvalte va cheer up thei ahi. Ani leh ahun awl in ZKT SMS ah hing ki theisah kia ding.

Papi 11 team Player ten ZSP tangval te chou: Kalaisai sport a Papi 11 team te Captain Pu S. K. Mung apat thuza dan in ZSP tangval ten a ngam uleh Volleyball match kitual zialna nei hi ding hi. Aman agen zelna ah Keltal board hinalai. ZSP tangvalte Volleyball field a taise mai ding ihi uh e…

>> FRESHERs list: 37. David kamminlal. 38. P. Thangminlian, 39. Nh. Remmy Hauching, 40. Lamginmung, 41. Langsuanpau, 42. Helena Hatboi, 43. Jenny Hausianniang, 44. Niangkhanching, 45. Mary Kimngaiching.

LAST ISSUE QUIZE ANSWERS

Q: Who is God computer angel, good in number ?
A: Palmoni- the wonderful number of prophetic number, name of special angel good in number. (Daniel 8:13 leh Daniel 9:26-27)

Q:The famous Physics Quantum was found outby which Biblical heroes?
A: Apostle Paul –  Quantum of Physics all things were hold together by gravitational force. Colossian 1:17 “By Him all things were hold together”.

NEXT QUIZE: Q: After Adam and Eve were kick out from Eden Garden. What farming technique and tools were use by Adam ?

Q: Revelation 20 describes the Big bang theory. Who cause the Big bang ?

Note : send your answer at 9873997403 . The winner will get Rs.30 recharge coupon.

———————————-

mary

Mary Nienglienkim

ZSP NGAHNU ICON | Mary Nienglienkim

ZSP ading a mi kiphal jing 2008 in ZSP study forum white board (eiham in Black Board Kang) leh laibu manpha tampi ZSP Study Forum a din kiphal tah in na tua hi. Tualeh tu ZSP Zokuomthawn issue hing sponsor pia nalai hi.

Nungah S.Mary ahileh 2006 in R.A.K. College of Nursing under Delhi University a BSc (Hons) Nursing Ist Class in na jou hi. Tualeh Graduate a zawzaw in M.M. College of Nursing, Ambala ah Lecturer-cum-Clinical Instructor in na sem hi. Tuoleh Max Health Staff International Ltd. Chandigarh ah Nurse Educator (NCLEX trainer)  in na sem hi. Tuoban ah Oct. 2008 apat in Delhi Govt. nuai a Staff Nurse na mu in tulehtu in Safdarjung Hospital a sem lellel a, MBA HCS (Health care Service) Sikkim Manipal University a sim toh tun thuo nalai hi. Ama bang a lawching nungah ei Zou sung a na um nailou a ZSP Delhi Branch in kiletsahpi in a lawchingna khu kipahpi mama hi. Tualeh maban ah Zokuomthawn toh a Interview na  hing suo pai ta ding hi.

————————————–

U ASK WE ANSWER

Q; Tutung ZSP Fresher Meet ani ding Monday hi a kou Gurgaon lang ten Tuesday a off ka nei chiat uh, consider thei lou ding amah ?   -Janu Haokip Zou
A: Tukum Fresher Meet pen Family te khuol nan Gazette holiday ki bawl a, private a sem ten jong Monday soti la thei uh chi ahi man in Monday 21, sept. 2009 ni in ki bawl ding hi. Analung khamsin..ZSP kalaisai Sport Tuesday Oct 6, 2009 ni ding lemsah ahi.

Q: ZSP in Zou sung a Civil Organisation bang bang theipi e? – Lalbawi , Munirka.
A: ZSP in Zou sung a UZO leh UZO nuoi a um ZYO, ZLS theipi hi. Adang Civil Organisation sung a aumleh ZSP in theipi lou a ZSP leh ZYO nasep bang a sep sawm uh leh phal hilou ding hi.

Q: ZYO in fund a dong last date um e? – Kching
A: ZYO in fund a dong last date chi a um sih a hinanleh mimal sumpia noptuam na ding in July hasung a pia teitei ding ahi. ZSP in zong fresher’s meet leh Kalaisai Sport adding in kum dang bang in sum dong August ha chiang in hing pan ding hi. Tam ZYO fund nana pianailou leh tuahun chiang in hasatna umthei ding ahi ziah in tu July ha sung in ZYO fund nape kimta un.

—————————————-

Martyr Condolence

I nuakal nisim June 30, 2009 ni,n Kerela ah Assam tangval Missionary khat Muslim ten Christ tanchin a tangkou na ah na satlum uh.  Asisian kikou aw in tam gingloute mit avasah na din thumpi vai. Zokuomthawn proudly salute the great Martyr who laid down his lives in services of Christ and His Kingdom. “ Kamkei dungsun, sian mang Salpha na tong simthu loibang hing thang…” (EditoPu in tamthu aza ni a a puanat seng ziah a hing kisua ahi).

Tatkal reservation beithei

Napi nu uh Mamata Banerjee Railway Minister in Tatkal reservation/ Scheme subei hidin gen, hinanleh ni 5 pen ni 2 tan a suh tom himai thei. Train a zin lele ding te’n, advance in ticket kila un. Hinanleh Railways official ten pomsiam ha sa mama uhi. Eiloi bawthuh policy zangte adin kinepna umthei nalai sam hi. Student te a dingin 60% discount um ding.

—————————————-

Tuom Tuom

Apeisa ziltawpni tarik 2 July 2009 in Singngat hausapa Pu Haukholian damlou in CCpur District hospital ah ki-at hi. Adamna ding in thumpi vai. Ama Zokuomthawn Editor Hausienmuan Pu tahtah ahi.

Tua bang in Apeisa July 3, 2009 ni ma in Shija Hospital Imphal ah Miss Esther Kimboi na ki-at hi., ama  K. Thangsuankhup Zou Munirka a um nau ahi. Thumpi vai.

ZSP Education Secretary Pu leh akai za tam te zong July tarik 2 in North Indgra Vihar apat in South Safdurjung Enclave ah na kituansfer ta uhi. (Ahsi zui nei hiven aw).

Inua kaal in Nh. Kimboi Munirka (Zokuomthawn web hosting sponsor) zong a sepna toh kisai in Amitabh Bachante khua (Mumbai) ah na leng suh hi.

ZSP Lengkul Club Captain, Pu Lunmang nau, Nh. Hahat i nuokal in AIIMS ah damlou in zatoute ana ki-at sah. Tu’n dam in hing pawtta.

—————————————-

ZSP Ist cutoff list telkhate

M. Kapsutlian (Motilal Nehru College)
T. Jerry Thangminlian (Dayal Singh College)
S. Thangmuanlal (Deshbandhu College)
Merina (St. Stephen College)

Tuni tan a Zokuomthawn in a theipha tam atung a teng ahi. Thei khalou/ gielkhalou aum leh Editor pu hing theisah ding in kahing ngen hi.

—————————————-

Chialna

Nu Chinglian mapui na toh Safdarjung Enclave Prayer cell ten maban a Zou sung khantouna ding in thumkhawmna pat sawm ua tuami thumkhawmna tel ding in koi pou chiel leh nget ihi uhi. Thu chien theinuomte’n tam anuoi ah kanthei jing ding hi.

Nu  Chinglian
Mobile No. 9990650381

—————————————-

Delhi Joint Meeting

Apeisa June 28, 2009 ni’n ZYO President Pu Khakhai Inn ah ZYO & ZSO Delhi Branch in Joint Meeting nei. Member 40 val peikhawm in thu gil tampi kigen. Thupuosahte next issue ah hing kisuo ding hi. Meeting chiengin tel in i lungsim a umte kikum khawm jel lei maw!

—————————————-

koiten bang gen

*Delhi zong India khopi Kolte Khopital hineh neh, light leh bawng eh tam giap.
– Nu Chingnu( Apashang)
* ZSP in I Study Forum programe nang bawlte uh kasim leh thupi kasa mama hi.
Nu Ching (Mrs. Khakhai)
* ZSP lamkai te’n nang vehah seng ua na ki lungleeng man avele.
Nu Ching (Mrs. S.K Mung)
* Nupi ten inam sung ngaina in apau in pona phot in thum poupou lei hing phana va.
Nu Chinglian
* Zokuomthawn zong Munirka-centric seng, Delhi NCR ahuap gige ding ahi.
Nh. Linda Saf Enclv.
* Inampi khu mimal khat, Be-leh-phung khat sang in nasatah in lianzaw a ZSP leh ZYO vaihawmna khu mimal, be-leh-phung khat vaihawmna sang in lian zaw gige hi.
Pu Khakhai Zou.
* Legal or Court-Case tan tut ding na chi uleh ken a umna mun uah hing satkhe pai ding kahi. Hinanleh ZSP tangvalte aw, zangai nalai ham ham un.
Pu. K. Zou, Advocate Delhi High Court.
* Bang logic zanga tam bang a ki interprete la, it was not scientifical and logical.
Samuel Samte.
* As an Editor you have the freedom to express your view. The constitution of India guarantees this right. Threatening is a liable offences. – Joseph Lalboi
* Pu. K. Zou in agen I Zou nam adia itai leh nungah ang ngai ding zong umlou, ang kiss ding zong umlou, ang hamuan ding zong umlou achi dih kasa veh.- Editorpu.
* Pu Khakhai Zou leh Pu K. Zou ang ding khawm uleh a muanhuai mai ve leh, vomsim bemsim tuah nalai uh.- Nh. Mary.
* Michael Jackson asi leh a tha heng ding a tulai kithing thing lam zil dap dap hiveng aw. – Mungkal Zouson @ S. Munga
* Zani biek Inn ah nungak ki enmankei. Khatchu ahoih sim um tumlam aksi hileh kilawm. Hanglamthang.
* Nisat dan, guo ha ju in hing ju hen len Munirka eh-tui ah kizap leng zong khaw sanawn sing. – Upao(u), Munirka
* Tulai ka ahsi zui Munirka leh Berserai kikal ah khawl ei-. Khaibiak.
* Hmm…!  South lang ah Ahsi(nungah) tha khat kamu ua. A jui dan a hing kuon kahi uh-
Malsawm & Gogou North Delhi

—————————————-

Lateel..! Leel Aw…

* Thangnem nuai a husi dam lang, khattang tutkhawl lung nei zuangsah ei, laizang chia,
– Freshers tangvalte
* Hing leeng aw ngai ka siang zuan in solha va nei a, asing bajam nuai ah..
Freshers Nungahte.
* Kum 2009 masang in lunglai henem ding umlou ahin tun vang, nang bou..
Haupu North Delhi.
* Hinglam aw sen a ngainou, lamlai pe bang zil kia vai…-               Co-Ordinator Pu.
* Sinlai a gu bang ei zel e ngai, na sa duang le na mel hoi khu.. – Lunzamung.
* Aw ka first letter gache in lang lungdei kawm a thimthu galel tan.. – Doukhanmang.
* Lunglai he hing nem dingla muzou sing e simlei tung ah… Hausienmuan

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in ZKT Issues. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s