ZYO GHQ apat HILCHETNA LEH THEISAHNA

Office of the
ZOU YOUTH ORGANISATION
General Head Quarter, Zoveng, Churachandpur, Manipur

HILCHETNA LEH THEISAHNA
May 24, 2009

Heisung mun ah umnanlei shini/manni nikhuo a iki “Khaikhawmna” ding un lamkai masaten ZYO na phut uhi. Tunitan in kum 25 bang nasem ta a, i pawlpi dangte ZSP leh ZLS bang in UZO ah dinmun kiptah nei hi.

Zou Youth Organisation, General Headquater, Lamka in nimit 24th MAy, 2009 sun nai 1:30Pm in 4th Executive meeting MDP Jubilee Hall, Zomi Colony ah nei uhi. ZYO Delhi branch te laithot No. ZYO/DB/Memo/02/09 dated 15/03/09 genkhawmna leh khualchilna akinei a, thupuahsahna tam anuai a bang in ZYO General Headquater in kahing bawl uhi.

Delhi khopi a ZYO phu ding thu apeisa 20th November, 2008 ni a ZYO General Headquater Meeting resolution Vide 16th Cabinet Committee Resolution No.1 0f 20th November,2008 na bang in ZYO Hqtrs. in mawpuahna apieh dungjui in Pu Chinlunthang, Secretary Project Committee, ZYO Hqrts. convenor hina nuai ah 23/11/08 ni in ZOD Vice-Chairman Pu Zamlunmang inn Munirka, New Delhi ah ZOD leh ZSP Delhi branch te kup ahinua in meeting notice kihawm khia hi. Mobiles news zolengthe, zouheisa, zopatong leh zokuomthawn te ah zong ahun hun in Delhi Zou mipite chiel leh theisah ahi. Tarik 23-11-08 ni in mipi’n kikupkhawmna nei ahia, a epikhawm teng in ZYO Delhi Branch phu khiet dingin lemsah ahi. Hinanleh, a hoizaw sem deina in meeting khatvei tawh hatkia dingin mipite’n lemsa ua, ZOD in panla ding in zong phasa chiet uhi.

Tuachi’n ZOD in panla in meeting notice tarik 29-11-08 ni ding in hawmkhie in mobile news te ah zong thezah ahi. Tarik 29-11-08 ni in muongtaah in meeting nei ahia, ZYO Delhi Branch phu leh phulou ding lelthah ahinua in mipi atamzaw ten thupuanna masa bang in ZYO Delhi Branch phu ding in lemsa uhi. Hinanleh kitheisiemlouna um louna ding leh nam khat-pawl khat kivaihawmna ahi theina ding in mipi atamzawte deina bang in Zou Organisation Delhi (ZOD) pen Zou Youth Organisation (ZYO) Delhi Branch chia hen (change) lamdang ahi.

Apeisa May 24, 2009 ni’n ZYO Hqtrs. 4th Executive Committee in ZYO Delhi Branch dinmun leh maban peitou jel ding dan sawtpi ngaituo khawmna akinei hi. Tuo dungjui in Delhi khopi sung leh akimvel a um ZYO member leh Zou um zousie in eima sung hoina ding in tam anuoi a thulu te ana zui chiet dingin nget leh theisah ihi. (Vide Resolution No.2).

1). Tuni apat koima’n ZYO lamkai/memberte mimal ‘Personal Attack’ bawl nawnlou ding. ZYO kichi Zou mipite a ahia, private organization ahi sih i.
2). ZYO in UZO, ZSP leh ZLS chilou Zou Namsung ah Civil Organisation dang a theipi sih.
3). Delhi sunga Zouta zousie ZYO Delhi Branch ah aki register chiet ding uh. Register kibawl teng min list ZYO Hqtrs ah ahing thot ding uhi. Akibawl utlou a um a ahileh nopni-dani atuoh un ZYO in a theipi sih dinga, pan ala sih ding hi.
4). ZOD chia kibawl tawm teiteite ZYO Gen Hqtrs in khoh asa mama hi. ZOD a panmun neiteng in akin thei lam in kitawpna lai an ape ding in nget leh theisah ahi uhi. Akitawpna lai copy khat ZYO Delhi te kungah ape ding uhi.
5). ZYO siatna thei ding Article/laihahte Nam ngainatna toh hing suo nawnlou din in Zou Workshop Moderator Pu Khaiminthang kungah nget leh theisah ahi.

Achil apat in ZYO min in imi-isate naki enkol hita lei tunia Delhi a I buoi nate umlou ding hi. Tuoziehin mipi ten zong tuni chieng a bei ding lawm/puo ding lawm pawlpi theichien ta lei adei huoi hi. Maban a ZYO min a na pangkhawm chiet ding in ZYO GHQ min in ka hing ngen uhi.

ZYO Damsawt hen!

kapneithang

(H. KAPNEITHANG)
General President

khaizamang

(T. KHAIZAMANG)
General Secretary

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Letter, Zou. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s