Editorial, Ei-leh-ei kaal ah! Vol. No. VIII, Issue No. XI, July 19, 2009

Mikhen khat te’n Delhi ah Zoute anua pou um uh, lamkai te’n khat leh ni sulung kim zoulou a, kibuaisim bang uh chi’n gen uhi. Hinanleh ken Delhi Zou sung buai ahisih a, society sung khat kikhelna ding a thil-um, khantouna um etsah na ahi chi’n kana gen zel hi. Tam khat leh ni lungkim lou, nuatheite ziah in Delhi Zou sung buai ahisih hi. Delhi Zou society kikhel (Change) na ding a malam zawt kahi zia ua, tam bang buaipi kahi uh kana chisel hi.
Kikhelna (Change) a um ding ma ahi. Society khat kikhelna umlou in khangtou theilou a, kikhelna nuam aum sih hi. Khovel ah khang kikhel in, mihing lungsim zong kikhel zing hi. Tuabang in khankhuo zong kikhel zel hi. Tutung Singngat kava pei in kikhelna thupi tah na um hi,  khotang kikhelna, mihing lunggel (Mind set)  kikhelna nasatah in na um hi. Ka loi ka paite’n zi leh tan a nei siang ua, ka tang in hava nuai ah kava lunghel thei mama a neulai ka khankhuo ka ngai mama mai hi. Tam in kikhelna um chiang in mimal khat zong supha zouhi chi hingtheisah hi. Tam singngat khuo kikhelna di’n 1998-2001 sunglah tu ei Delhi Zou society sung kabang vengvung uhi.

Society khat a kikhelna umna ding in ngaidan (ideologies) tampi poimaw a, tuaziah in students te, seniorte, elders te’n Zouworkshop, zokuomthawn te ah na ngaidan giltah te hangsan tah in hinggial un.Khovel a mipil lekha gelte khu a students hinkhuo ua pat in na kipan ta bouhi. Koi e khat in na ngaidan, na laigial hichi-khuchi geklnon sin ahing chi leh lungneu ding hilouhi. Delhi tualtan ah lekhasim theita chin a na ngaidan gumngamlou pen zumhuai hi. Ngaidan giltah tampi ahing kigawm khawm chiang in kikhelna hing tung hi.

Kikhelna(transition) daltu in panglou in, kikhelna tuntu ihi ding uh ahi. Lamkaite naupang, mawl isa in I simmaw maithei hinanleh amaute mipi in muangtah leh chingsa tah a a teel uh ahi manghil lou ding ahi. Eite pen ikipilsah bei kasa hi, mitten eite lamkai ding a ahing muanlou dan uh, mawl ahingsah loud an uh zong theisiam kipoimaw mama hi. Editor te bang a typing mistake kisan a kidem thei nalaite ihi uhi. Tu ZSP lamkaite ZSP Delhi kiphu apat lamkai lawching pen khat sua uhi. Present sang in future buaipi zaw ua, gensiatna, demna, daltu tampi hing palmualsua in singkholian enlou in kal hing suan ua, nam ngainatna khangsah in lamkai hinuam, Editor hinuam kitamta hi. ZSP 2008-2009 cabinet te’n Pu Khakhai Zou tapa Suanliante, Pu K. Zou tanu Zozamte loihun chiang a tu ibuaina te uh “History” ahi theina ding tan in panla uhi. Zou khu nampi (master race) chi’n iki thang-at pi ua, hinanleh ei Zou minam te’n Master race concept inei sih uhi. Tam khu elders te lunggel mind (concept) leh umdan apat a mite hing mu ding dan ahi. Abang hileh tu ZSP Lamkaite loching na pen bangma dang ahisih Zou ten a poimaw zing nationalisim kikhangsah a, michin in ZSP hing ngai poimaw in Zou nationalism khansah sem sem uhi. Tamzong kikhelna khat ahi. Khang kikhel khel e..

Visit us at: zspdelhi.wordpress.com

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in ZKT Issues. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s