ZSP D/B 30th August ’09 Election- An Overview

Samuel Samte-Samuel Samte

Hundang/mundang kiteelna a ka haw, ka pan jeelte mabangin, tutung ZSP D/B 2010-2011 sung vaipawding kiteelna ah, mipi tamkhop kipeikhawm a, mimal khatchiat mit ah- nam iitna, ZSP ngainatna langtang in muthei hi. Hunpeisa in suhkhial/bawlkhial leh ngaidante kibanglou khajeel in kitheisiamlou nate na umkha jeel nanleh, tambang nii poimawtah hunte a, mipi tamtahten lungkhat pua a, thuhoi deina jaal a, mabaan lamkai –vaipawdingte kituahtah a I teel theina un, iki iittuana uh sulang hi. Amen!

Election Saitute, Election Commissioners- Pu John Jamkhomang Munluo, Dr. Mary Grace, leh Dr. David Vumlallian te fel mama ua, avaihawm uh, akichup a, ajuinop mama hi. Teel khiat a umte-

President- Elect- Tv. Khaibiehlian, Gen.Secy- Elect- Tv. P. Zuanneithang leh F/Treasurer- Elect – Ng. Haumuonching, a thumun kei mudanin mifel, hakat leh muanhuai mama te ahi uhi. Mifel mama mithum teel khiat a a umna ah kana kipah mama a, Congrate pekawmin, deisahna sangpen kapia hi.

Tu I dinmun uh etin, a maute uapat akinin, sillamdang/thupi kaki neempai sih a, awl-awl a kalsuan a, term luiten silhoi, silpha a bawlkhiat te uh sutzoptou a, bawlkhial neu-neu umkhate veelphat a, suhdih toutou a, ahuntoh kituah a siltha, policy tuamtuam ang puahkhiat uh kakineem hi.

Election hun nuamtah a jaw ahinua a Advisers leh Val- Upa te a pat hanthawn thugeenate ngainop huai a, hoithei mama hi. Adiah in, Pa Khakhai Zou leh Pa Zoulun te thugente dih in thupi mama hi.

Pa Khakhai Zou in agenna ah- mihingten eGO khat kinei chiat a, bangma dang khuallou a, tua eGO iki peipi chiat chiang in society a din napha khollou a, kituahlouna piang hi. Society kituah leh hoih siamkhiat nadin tua eGO khu I koi ngiam ngam ding uh ahi, chi hi. Dih mama!

Pa Zoulun in lamkaite a hanthawnna ah, “Thudih a pang vevaw ding in” lamkai thate hil. Thupi mama. Hats off!!

A lamkai a ivapan sese lou vangin, a ningkawm khat ah tengin, koimah phohkhah seng hilou maleijong, thudih gumpou leih nasem hoi ihi chiat ding ua, imaa uh taal ding a, tepte khah in I um veve ding hi.

Hunkhat in lamkai kiteelna lawchingtah aki nei jou chiang in, mipiten I mawpuahna jou kisa in, ki-aw-kau-aw chise nonlou in silbangteng lamkaiten hing sai nadi/ngaituanadi chin ipum aapthaw jeel uhi. Nanleh tuin, tuabang hilou in, mipi tengjong, ihitheina chiat uah active tah in mawpuahna kila/kipia in, lamkaite toh ki co-ordinate jing kawm a pankhawm chiat poimaw tahi.

I umna mun uh phawhjing in, mundang te kung a, iitna, thudih leh khantouna lampi tuntu hita vaui chikhu I thumna uh hitheileh ka ut tuntun hi.

Lamkai teeltha a umte CHIBAI  buh kawmin, mailam a kivai puahna dingte ah deisahna sangpen leh hamphatna lian pen I wish uhi.

Thudih in ilah uah vai hing hawm jingin, iitna in khat le khat hing huai in, Delhi a ZSP leh Zou sung pumpi ah khantouna thupi hing tung tahen!!.

ZSP damsawt hen!

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Articles. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s