ZOTON 2009 ZYO Delhi Branch secretary report & awards

ZYO DB 2008-2009 SECRETARY’S REPORT |ZOTON, DELHI 24 NOVEMBER’ 2009. March 29, 2008 ni Safdurjung Enclave a incharge kipieh zou apat tunitan in kum 1, ha 7 leh ni 25 chingta hi. Kumni sung in nasep silbawl tamkuom kibawl a, khotang kikhelna zong hing tun hi. Bawl khiel, sep chinglou leh na ngaidan utoh kituoh lou sil bawlkhah aum a ahileh na ngaidamna uh kahing ngen masa pen hi. Sil kibawlte ahileh inam ngainatna liulieu leh mailam khuolna toh kibawl ahi chi mipiten chiengtah a ithei ding uh ka lamen a, khut-le-khut kitu a semkhawm jel ding in iki chiel hi.

Tam term sung in Meeting agawmin 12 ana kinei hi. Tuate lah ah Executive Body meeting 4, General Body meeting 4, ZSP toh Join meeting 4 ana kinei thei hi. Meeting teng abawn a tahlang zolou ding ihiman in akul leh poimawzaw teng en vai.

Zou Organisation Delhi (ZOD) min a incharge March 2, 2008 a kilazou in septhei dandan in ana kisem tou hi. Anai, agamla chi umlou in panpi ngaite panpi ding in khosuh khovai ana kituan hi. Tuachin November ha hingtung a, innlam, Manipur a i philanthropic organization neisun Zou Youth Organization apat laithot, “ZYO Delhi Branch phut/hong ding a theisahna” anaki muta hi. General Headquarter in mawpuohna apieh bangin Pu Chinlunthang, Project Secretary ZYO Gen HQ., in ZOD leh ZSP toh houlim dingin meeting hing han hi. November 23, 2008 in Pa Zamlunmang inn, Munirka ah Join cum General Meeting kinei a, Delhi/ NCR a um Zoutate’n ZOD hinonloua ZYO a kipuoh ding thugun ana kigen khawm hi. Observer in Pu Ginsuonhau, Pu Manglienthang leh Pu S. Dalthang te zong pang uhi. Member tamzawten ZYO Delhi Branch phudoh ding in phasa nanleh khatvei toukhawm a phudoh ding lem kisa lou in khatvei toh toukhawm kia ding in hunguot kibawl hi.

November 29, 2009 nitah dah 5 in Pa Khakhai Zou inn, Vasant Vihar ah General Body meeting kinei a, Project secretary pu zong pang thei nalai a, meeting dang sanga tamzaw mipi peikhawm hi. Tuachin mipi tamzawte deina toh tuni 29/11/2009 a kisuhkhawmna ah Zou Organisation Delhi (ZOD) khu Zou Youth Organisation (ZYO), Delhi Branch a amin hendoh (changed) ahita hi.

Republic day 2009 ni in tukum adia General Body meeting masa ana kinei hi. Nampi thumkhawmna leh ZOTON manding in pha ana kisa hi. ZYO registration …..leh fund don pat ding in zong lem kisa hi. Hun hing peijel in Independence day angtungta hi. Tuani in Pa Zamlunmang inn ah General Body meeting khat kinei kia a ZOTON manding in thutanna kinei a registration leh fund kidongdohte kaikhawmna zong kinei hi. Tuni tan a registration kibawldoh ahileh milip 257 pha a fund kidongdoh ahileh Rs. 19, 000 (rounded-up) pha hi. Kumdang sanga registration bawl leh fund kidongdoh tamzaw a muthei ahiman in lungdam huai mama hi.

Tualeh, lusuunni a kivaipuoh dingdan genchiengna zong kibawl a tambang in vaihawmna kinei hi. Lusuunna (condolence) mun a nasep silbawl zousie, ZYO in amawpoding hi. Hattuom (Church) in vaiguon/programme abawlding a tuanah ZYO zong hun apeding a atuongsah ngey ding ahi. Hattuom neilou aumkhah a ahileh ZYO in silbangkim asai ding hi. Puonvom, black board leh donation box te lei a zahpat ding in thukimna kibawl hi. Theiding a poimaw ahileh “donation box “ khu Pa Paukhanlian te tunnu (L) Ngaikhanmang sunna vaiguon (condolence), Push Vihar a zahpat ahita hi. Tamte ahileh mailam hun a vai iki puoh ding dan uh ahi a, ahoizoding a thei ium leh ngaidan daan bangtah a piehthei zing ahi.

Nite liem zungzung in kum hingbeiding kisata a, ZOTON manding leh Election kikhel thei khong ding in hing umta hi. Tuachin October 04, 2009 in Executive Body meeting Presidentpu innah ana kinei hi. Meeting in ZOTON Celebration Committee dinkhieh ahia tam anuoi ate muongtah a panmun guon ahi uhi.

Chairman : Pa Haulienkap
Secretary : Pa T. Zamlunmang
Finance/ Treasurer : Pa S. K. Mung
Committee member: Delhi/ NCR a um Zou papiteng.

Muongtah a iguot bangin amaute ban ah mikiphal leh tawmngai bangja ekhat ten nasep panpei ua, tuni in haibang a ingahla uh ZOTON 2009 melmuthei in iumta uhi. Kum 2010-2012 sung vaipoding telna General Election khu Headquarter thupieh leh Constitution bu a umbangin November 2 a neiding in hunguot ahia; Election commissioner ding in Pa John Zamkhomang, Advsor ZYO DB leh Tv. Khaibiaklian Zou, President ZSP DB te muongtah a guot ahi uhi. Amautegel in feltah leh lungkimhuoitah in ang saisah ua, Pa Haulienkap inn ah Kitelna kinei a, tam aney ate 2010-2012 sung vaipoding a telching ahi uhi.

President : Pa Khakhai Zou
Secretary : Pa T. Zamlunmang Zou
Finance/ Treasurer : Pa S. K. Mung

ZYO, Delhi branch in maban ah sepding tampi inei hi. Gensiet leh mudanate thuohzou ding in nam ngainatna leh iitna toh kithuom vai. Mangpa maah kiniemkhiet un, tuachiin Aman noute a hing tawisang ding hi

Gelding a kilawm leh poimaw, tahlat khahlou, genkhiel genval aum a ahileh na ngaidamna uh kang ngen hi.

ZYO, Delhi Branch damsawt hen.
Sd/-
T. Thangminlien.
Secretary,
Zou Youth Organisation, Delhi Branch.

————————————————

ZOTON 2009 IN PAHTAWI NA KIPIE TE MIN

Name —————-  Post

P Hauminthang —–ASST Comdt.
T Thongkhanlal —–Asst Comdt.
Kapzalam —– Custom Officer
L Mangkhogin Haokip —– IPS
S Zamlianmang —– Asst Grade SSC
Stephen P Doukhanlun —–Asst Comdt.
Thanglianhau —– Asst Comdt
Khammuanthang —–SO Audit
Chinsianlam —– Superitendent BRTS
Langneilal, —– Preventive Officer
T. Joseph Lhungdim —–SO Parliament
Samuel Samte, —– SBI Clerk
Thangzakhen , —– Asst.Manager IOB
T Lucas Khaipu, —– SBI Clerk
David Manlun, —– Combine Defense Service
Philip Thanglienmang, —–DANICS
Dr.Robert Ginlunmang —–Medical Officer
Paulianhang, —– Tax Asst.
M.Lalmuanlian, —–Tax Asst.
S.Khailianmang, —–Tax Asst.
T.Paulianthang, —–PO Indian Overseas Bank
Dr.David Vumlallian —– Asst.Professor DU (History Dept.)
T.Gouchinlian Zou, —– PO SBI(manager scale iii)
Haukhanpau Zou, —– PO SBI(deputy manager scale ii)
Rita Chingneilam, —– Staff nurse ,GBP Hospital
Jane Neipi, —– staff Nurse, AIIMS
Mrs.Ningneichiin, —–Staff Nurse, LNJP Hospital
Lhingneiching, —– Staff Nurse, DDU Hospital
Sianmuanching, —– Staff Nurse, GTB Hospital
Niangneiching, —– Staff Nurse , AIIMS
Rose Mary Boinu, —– SBI clerk
Julie Dimthuamching,—– Staff Nurse
Mrs.Jenny Khawlneihniang —–Central Excise&Custom Officer
Lamneihoi Staff Nurse, —–Chacha Nehru Hospital
Cicily Zou —– Staff nurse RML Hospital
Naomi Haumuanching, —– Staff Nurse , Safdarjung Hospital
Mary Niangliankim —– Staff Nurse, Safdarjung Hospital
Chiinzavung —– staff nurse, RML Hospital
HoikimTungnung —– Librarian Parliament
Mrs.Dr.Mary Grace Zou. —–Resident Tutor DU
Mrs.Ngaineiching, —– Asst.MOD

ZOTON GOOD SAMARITAN AWARD NGA TE

Mangkholun
Soilianmang M.
Kamlianlal
Robert Thangminlian
Lianzagou Zou
M.Lalmuanlian
Lunminthang
Thangkhangen Samte
Kammuanmung

ZOTON OUTSTANDING AWARDS

Pu T Zamlunmang Zou – Connecting the Zo people across the globe

T Khuplianlam – Consultant Architecture

————————–

ZOTON 2009 NUOMTHU THUPHA

Delhi leh NCR khosa, Zou suonte’n ZOTON 2009 lawchingtah a zahtheina ding a lampi hing kawhmu leh oui zing i bieh Pasian kungah amasa in nuomthu i tun hi. Tualeh tam ZOTON 2009 sai dinga muongtah a mawpuohna hingpie ZYO Delhi Branch tungah ZOTON 2009 Committee te’n nuomthu kahing gen uhi.

ZOTON 2009 vaiguon zah dingthu kum peisa lam peh apat ki gen zing hinanleh October 4, 2009 nin ZYO DB Executive Committee in ZOTON 2009 sai ding in Chairman Pu Hauliankap, Secretary Pu T Zamlunmang leh Treasurer din Pastor SK Mung ban ah committee member dingin Delhi & NCR a Zou papi kici taphot guong uhi.

ZOTON 2009 Committee in zong pan lapei biitbiet in guona aki umni’a pat tunitan in Meeting 7 vei kinei man tazang hi. Kipatsahna ding in ZYO President Pu Khakhai Zou in dangka Rs 10000 hing luikhe pei a, tuochi’n committee member ten zong ei zong i mawh umsa di e chi’n Pu Haulienkap in Rs 7000, Pastor SK Mung in Rs 5000, Pu Zamlunmang in Rs 5000, Pu John Jamkhomang in Rs 5000, Pu T Doulienmang in Rs 5000, Pu Khuplianlam in Rs 5000, Pu Khamchinpau in Rs 5000 kipatsahna ding in ki luikhe liilei chiet hi.

Tuachi’n mipite zong lamkaite kiphal dan ang mutah chiengun um thei meimei lou in a san asan ah hing ki thing doh valiei uhi. Nh Haumuanching leh Nu Irene Tungnung te’n ZOTON nia anntang bei ding jousie tuo va ung hing chipei ua, tua mabang in Nh Cicily Nianghaulun leh Nh Mary Niangliankim te’n zong singpi a lukhuh toh a bei teng ka tuoh ding uhi chi’n mipi hing suphur mama uhi.

Tua ma bangin mipite zong a tuoh dingua kigen za sanga tamzaw ngen in hing kaikhawm limlem ua, tuni hunte ki ningching tah in ki zang thei hi. Tam ZOTON 2009 ni dang kum dang toh akikhietna ahileh tanchi umlou, ngap dan dan in kituo khawm chiet hi.

Kipah um lah dahhuoi khat ahileh Pa Jimmy Munluo in a sound system teng iitlou kei a zah ding in hing pekhie hi, hinanleh eilawi pi ki tam seng seng in Pa Jimmy van neite’n hing hulum jou lou dinga aki ngaisut man in adang ki khel kia hi. Hinanleh kiphaltah a a vante zah di’a ang piephalna tungah i lungdam va nguut hi. Suond System te hithei sih nanleh a Keyboard hing zangsah veve hi.

Zin-gunte toh kisai

Tuni’n Delhi & NCR a Zou suon umte i hampha sih i chi ngam ding uai? Mun dang hileh taza joujai zin melpha i Zou Zumpi uapat kuon dingin ka gingta sih hi. Hinanleh UZO lamkaite’n eilawi ang ngaisah dan uh, ang khotuo dan uh mit a mu thei a ang suhlat zieh un UZO Lamkaite tungah nuomthu i sekhum thaw uhi. Gen suh guap mei talei, Lai leh kimaituo a ki chiel vase lou, mobilephone a “tuoni chiengin tuomi bawl ding kahi uh, zin-gun ding in nang leh na kai zatamte ka hing guong ta uhi” chia ki phone suh hiau hinanleh i UZO President Pu Ginsuanhau in thupha se lou a angna pompieh ban ah nasatah a moral support angna pieh zingna tung ah nuomthu i gen leuleu uh ahi. Tuabep hilou nalai, e’n a vanleng man di ituopiah ding hinapi, tuopieh malah salah ah i president pu un a vaihawmpi lamkaite taza joujai Delhi tuolpi a’ng tunpina tungah i nuom un i ngangeh uh bang ana zaw zeen hi. Aban ah, a tunna ding uh – ZYO Guest House, eh! Manipur Guest House ah eilawi senngailou in eilawipi minphatna ang khuhsah vial vuol nalai hi. Lungdam e, lungdam ung Pu Hau aw.

Hun neilou, hun kibichil pum pum a eite hing khawngai vevaw a hing kalsuon UZO lamkaite:

Pu Ginsuanhau Zou, President, UZO GHQ
Pu T. Manglianthang, Vice President, UZO GHQ
Pu G. Tungnung, Secy., Custom & Culture
Pu T. Khupzagin – Secy., Home & Orgn.
Pu Kapkhanthang, HEC Member
Pu S. Khamchinthang – Treasurer
Pu S. Jamgenthang – Secy, Finance
Pu Chinkhanpau – Chief of Khuainuoi
Pu T. Chinzakhup, (Personal Secretary to the President, UZO GHQ)
Pu Thangzamang, Assistant Secretary
Pu P. Chinzakhup, Adviser

Tazang aw! Kalaisai! Nou lamkaite vangin ZOTON nuom me i zaw… Na un ua tung ah Delhi & NCR a Zou suon momnoute’n iitna simthu i suut chimlou bangin nuomthu suut chin la ung e.ZOTON tanvou hawm guolna lam ah

Tam vaiguon lawchinna dinga khapet a pang vevaw te jousie tungah nuomthu itun kia ahi. Award lam toh kisai a ana tai kawi vevaw ZSP Prez Khaibiahlian leh Secy Zuanneithang, veng chin a sum hing kaikhawm sah North ah Malsawm, Noida ah Chinsuanlam, Gurgaon ah Malsawm leh a lawmte, Munirka ah Pa Ginsanglian, Safdarjung area ah Pu Khaibiahlian, West ah ZYPDB Secy Pu Thangminlien te a gimna te uh i manghil sih uhi. I banner uh etlawm tah a hing buoipi Pa Ginsanglian, Mess leh Tent lam teng hing saifel sah Pastor SK Mung, meeting nei chienga ann leh niengtui toh hing vahthau Nu Chingboi & Nu Vungneiching te, la zilna lam a hing lamkaipi Haumuanching leh a lawite, Goumuanthang leh Lunkang ban ah tam vaiguon lawchinna dinga hun hing supiching te jousie na unpi ua tung ah nuomthu ka hing tun hi. Tam vaiguon toh kisai a a nei a lam ban ah a moto te uh apoimaw bang a hing zangsah Pu Khakhai, Pu Haulienkap, Pastor SK Mung leh Deiching te tung azong i nuom uhi. Tuaban ah etlawm tah a i siet velvol uh tuhpa hing bawl piete Safdarjung Area ZYO te tungah lungdamthu i gen kia uhi.

Keipa chitah ka genkha lou tampi um nalai ven, hinanleh ka gen abng in hing na pomsah un aw, hil gige ngai kahi. Ka genkha leh khalou teng teng tungah nuomthu a lom lom pi’n ka hing puoh hi.

Sepdoh puut neilou, mi nasep teng ban kan kawi lehluh, na seppi uh.

T. Zamlunmang Zou
Secretary, ZOTON 2009 Committee

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in ZYO and tagged , . Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s