Kaal lui Ziltawpni – The Last Friday

~ Lianzagou Zou, Gandhi Vihar

Lawm leh gual tetoh kaki houlim na ah lung noplou na leh lungdamna thu tampi kaza a, atamjo akibangsim chiat hi. Kal lui ziltopni a ka lawmpa toh kaki houlim nathu pen…. Bang lam bang akawh de aw…. Chi‘n kalung a dong mama hi. Mikhat hitui luang hial thei na ding ahileh, daa nalam hiva ka chi a. Ahivang in, hitui luang kawm a anuijia in kipah nalam ding in kalung kahei phei thepthup tahi.

Kaal lui ziltawpni‘n ka lawmpa Thanglian ka inn ah hing vah lut in,kenjong khat vei sunsun hing ve nahi samleh chi‘in aah(chicken) in kana vaidawn hi. Tua chi‘n nehding teng leh hepding teng apat kahing ki manphet un, agieh suo ding in ka chiel leh ama’n jong angve ngailou ahi chi kithei hiding a, lungdam tah in hing niel sese lou in a giehsuo ding in a um tahi.Phalbi laitah ahitoh, hoi mah ah jong vah sese lou in kani gelun kampol(blanket ) nei ah kaki guang giel ta uhi. Awl-awl in, nidang lai a kahun mandan te uh ka sut ua, lung bang hing leng hiuhieu hi. Khat-leh-khat mualphoulna thute gen in kaki nuisan tua uhi.

Huchia Hun kajah laitah un, thakhatpi in, abul-abal kimatna jong umlou hinapi‘n, tulaitah koitoh naki sai eileh chi‘n ang dong a. Tomkim in, Gen utkhollou sim in, kei a Delhi te hisih ei. Innlam ah hing intro naveng chi‘n ka dawng a. Ama kuah nanglah chia kadoh leh, tangthu khat hing genvang aw, achi a…. Ahamkia masang in,”banglam atai Le”, kachi leh, Ana ngai khinkhian lechin chikawm in…..

Lawmta , pasal khat leh numei khat a um a. Amin uh ahileh Lalboi leh Hoinu ahi uhi. Ama uh pen aneulai uapat loihoi mama guoh hilou in akikal uah ki ITT/kingai guhna khat kammal ajong get thei tahtah loukhat a um hi. Lalboi ahileh a neulai a lawm-leh-gual ten ngaizawng neita chi a, khat toh bing leh phut a aki ngai khah chilou anei mong sih a. Hoinu chouh alung gul tentun hi. Hoinu in ngaizawng ni ana nei kha a,a masapa pen ahileng gamdang a laizil ava peina ah ji ang neisua hi. Tua ani-na toh aki ngai lel-lel laitah ahi.

….Kum bangjat pi pei hita ma nanlehjong, Lalboi in Hoinu againa akiemtuam sih hi. A ittna, a ngaina phoungkhe ngamlou ahijia in Hoinu ading in aloi hoi pen in aum hi. Hoinu daa nichiang in a daa pi a, aha muan hi. Akipah ni Chiang in, Hoinu sang in akipah Jo mawh hi. Hoinu in lah,

Bangchi dan e khat in, Hoinu leh a ngaizawngpa ang ki buai a, ahoilam a manaw sang in, angki se deu-deu uhi. Ki theisiamlou na ang tam seng seng jeih in ang ki khenta uhi. A kikhen vang un, Hoinu‘n a lungsim-guh ah angai na khat anei jieh in a daa mama hi. Mi lah a akihal Chiang in jong a maitai thei tah-tah sih hi. Lalboi in Hoinu daa na a enjou sih a, asun ajan in alung geelsah manlou in ava kigoppi tahi. Hung hing peijel in Lalboi leh Hoinu ki gop dan pen ang hoi deu-deu a, kholai mite lah ah jong athu ang kithang tahi. Ahi vang in, aja ta pouma in etlawm a sa ua, jong kituoh gel asa uhi. Hoinu‘n jong Lalboi awl-awl in ngaidi mit in ang en kia ta a, ang ngai a, ang ngai sem-sem tahi. Nikhat mai-mai Lalboi amulouleh a umdan a nuam maw sah hi. Hu chi‘n Hoinu‘n nikhat zumjong khual nonlou in, Ulal hing ….. na theisiam in…… ‘Hing ngai ing’ achi leh. Lalboi nuisim hiuhieu in a angkawi a,”kenjong kang ngai ahi”, achi hi.

Ka lawmpa Thanglian jong ang sip dingdeng a, ang nua ngat San hi. A tangmui gen ngai ut huai kasa mama hi. Kenjong lung gel sese Lou in, achileh “nang a nu min HOINU ave maw” kachileh… Ahing mai ngat phei a, kaa nui kawm in,”kei hua a ngaijongpa kahi”… chi`n ahin dawng hi.

Source: Zokuomthawn | February 2010 – Vol. No. VIII, Issue No. XVII

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Articles and tagged . Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s