UZO General Assembly 2010 Presidential Speech

Presented to the Delegates of UZO Annual Assembly on March 16, 2010 by Pu Ginsuanhau, President, UZO Gen. Hqtrs.

A zatat huoi Pu Speaker; UZO lamkai masate; Assembly palaite; Zou hausate; Deituom a chiel, i nam sung a mi muonhuoite; Seppi ZWC leh HEC memberte; Hattuom lamkaite leh Zou mipite; amasa in tambang hun hoi hingpie a Annual Assembly hanthei ding a hingpui i bieh Pasian min phat in a kung ah kipah thu i tun uhi.

Tutung Annual Assembly pen hun hintung zel ding a zong zahtou zel ding a Special Assembly – 2009 a i tahlat mabang un, Zogal Day toh zahkhawm a tam hun a bawl gige tah ding deina a hing kihan ahi hi.

1) I nam in sep-le-bawl ding a ana ngaisut Policy Program i neite a peitou zing a, tuate lah ah a kipankhie leh a kipankhe nailou zong a um hi. Tuate khu tomkim in tahlang vai.

a) Zogal Memorial Hall Complex : Zoveng a um Zogal Memorial Hall Complex Project toh kisai Finance Committee siemkhiet ahia, Committee panlahna toh nasep a peitou zing a tutan in beam/lentil tan sun ahita hi.

b) Education Policy : Tam Policy toh kisai enkai ding in Sub-Committee khat siemkhiet ahia, Committee panlahna toh tu-le-tu in Behiang a um St. Mary School pen High School piching a siemkhiet ding a bawzui ahita hi.

c) Economic Policy : Economic Policy toh kisai in Sub-Committee siem ahia hattuomte leh mun dangdang ah Seminar Paper present bawl ahia, i minam in a hinpi thei ding khut nasepte ki-uang gen pen hi. Tualeh, track neuneute tungtawn in mipi thei ding in lekha kihawm hi.

d) Electoral Reform leh Khotha siem Policy : Tam Policy toh kisai Sub-Committee phukhiet ahia, tu-le-tu in EPIC (Electoral Photo Identity Card) a lim tuang khaloute tuan theina ding buoipi lellel uhi. Tam toh kisai in Zou mipi in i vote uh i mansualou na ding un kithuopi chiet ding in ka hing chiel malam hi.

e) Employment Policy : Employment Policy toh kisai a, i nam sung a sepna nei kibelap theina ding tup-le-ngim ahi dungzui in Sub-Committee siemkhiet ahia, amaute panlahna tungtawn in Manipur State kumpi nuoi ah sepna tuomtuom mu mi 45 vel a umta hi. Tualeh, maban hingtung ding ah zong panlah tou zel ahi.

f) Sports Policy : Sports Policy toh kisai Sub-Committee bawlkhiet ahia; hinanleh, nasep pen kipanthei nailou hi (a dieh in Zogal Memorial Shield Tournament).

2) UZO mi-le-sa na hi a, vote neitheilou Hausa leh Khuo/Unit khenkhatte, a dinmun ngaima ua umsah ahita. Tuate, UZO Lentang Block, UZO Imphal Block, UZO Khuangmun Unit. Tualeh, UZO Delhi Branch zong phukhiet ahita hi.

3) Zou Hausate’n gam zuohlou ding ahi. Hinanleh, zuoh ahitah lezong UZO theipina toh i mi-le-sate/ei Zou sung mama a zuoh ding ahi.

4) I nam vaihawmna zangkhai theina ding in UZO sung ah panmunte (portfolio) pawlpi hatzawh semna ding a henkuol thei hileh chi zong Assembly Palaite mai ah ka hing puong/ngen hi.

5) Tu-le-tu a UZO vaihawmna nuoi a kahieng – ZSP, ZYO, ZLS leh ZLS nuoi a Sub-Committee, Zou Script Development Society-te’n theitawp a i nam khantouna ding a pan a lahte uh theipina leh pahtatna pieh ahi. Amaute’n a hatzawsem a kalsang hing tawi ding in ka hanthawn hi. Tualeh, Zou sung a Denomination (Biehna) tuomtuomte’n zong chi-le-nam hat theina ding a pan la zing ding leh thumna a i nam phawh zing ding in zong ka chiel hi.

6) UZO Block leh Branch 14 umte’n zong i nam na a thei khamkham ua a sepna uah kipahpi thu ka puong hi. A pahtat huoi dieh khat ahileh, Moreh Block ahi. Amaute’n kitup tah in Block Zumpi ding, Zum inn tuom mawngmawng a kilam theita uhi. Mailam hun ah Block dangte’n zong etton a nei in pan la chiet vai.

7) UZO in nampi maban hoizawhna ding leh khantouna ding ngaituona in tuban, banglam-banglam ah zong i Thuginpi zatat a , a tamzawte ngaidan a peikhawn chiet ding in ka hing theisah hi.

Tualeh, i nam a ding a ni poimaw Zogal Ni leh Zouton vaiguon lawchinna ding a sum-le-pai ban ah gan leh anntang hing tuohte tung ah kipah thu a velvel in ka gen hi. Amaute –

  • Pu Ginsuanhau Bawng 3
  • Pu Khamchinthang Bawng 2
  • Pu Manglianthang Bawng 1
  • Pu Chinlunthang leh Pu T. Chinzakhup Bawng 1
  • Pu Khupzagin leh Pu Khaizamang Bawng 1
  • Pu Zamgenthang leh Pu Kamlianthang Bawng 1
  • Pu Hausuanthang leh Pu Pauchinkhup Bawng 1
  • Pu Thangzamang leh Pu Khamminlun Kel + Nga
  • Adviser teng Voh 1
  • Gunpang Block Voh 1
  • Pu MichaelGinzasuan Anntang 2000kgs
  • Pu Chinsuanlam Rs. 2000.00
  • Pu Vumchinkhup Rs. 2000.00
  • Pu Nengkhenthang Rs. 2000.00
  • Pu Liansuankap Rs. 2000.00
  • Pu Lianminthang Rs. 2000.00
  • Pu Tunzamang Rs. 2000.00
  • Pu Zamkhosuan Rs. 2000.00
  • Pu Sebastian Paupu Rs. 2000.00
  • Pu Kapkhanthang Rs. 2000.00
  • Pu Lamchinhau, Lamka Rs. 2000.00
  • Pu Khupkholam, Lentang Rs. 2000.00
  • Pu Jacob Nauthang, Imphal Rs. 2000.00
  • Pu Sheshei, Moreh Rs. 2000.00
  • Pu Kamneithang, Haupi Rs. 2000.00
  • Pu Haukholian, Singngat Rs. 2000.00
  • Pu Ngilzapau, Kailam Rs. 2000.00
  • Pu Khupchinthang, Tuila Rs. 2000.00
  • Pu Kamminthang, Behiang Rs. 2000.00
  • Pu Kamkhanpau, Kana Rs. 2000.00
  • Pu Khaihenthang, Sugnu Rs. 2000.00
  • Pu Ginsuankhai, Tuining Rs. 2000.00
  • Pu Thangchinsuan Rs. 2000.00

Tam a tung a teng i minam phattuomna ding a sepkhiet ding tup ahilai in, hahsatna tampi i tuoh ngei ding uh chi ka thei a, tuate thuoh mulsua a, i gim-le-tawlna in i nam a ding a phattuomna, khantouna, kitheisiemna leh malam sawnna a hing tut ding kinem in,i minam a pangkhawm chiet ding in chielna ka hing bawl hi.

“Pankhawm hatna ahi”

Kipah ing.

UZO Damsawt henlen Pasian in umpi zingta hen.?

(Ginsuanhau)
President
United Zou Organisation
General Headquarters, Manipur, India

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in UZOD and tagged . Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s