Zokuomthawn | September 2010 issue

I sungthu tamlou kang genzual..
Editorial…..
Tv. Kapsutlian Munluo

India khopital Delhi ah Zou sannaupang tamkuam tah ih um uhi, tam khopi sung Mal lang Munirka leh kiim ah iki bubep deu ua, nichin nehsuina tuam tuam, Colleges tuam tuam te ah khosa in ibuai vengvung uhi. Mitamzaw ten sepna te ah sum leh pai kiching sim sim imu ua, I suty ni ahei chieng in noptah in hinkhuo imang uhi. Hinanleh atam zaw ten Manipur gam ipianna gam lei ah bang thi thupi tahte tung in, Zodawn a inu leh pa mawlten bangchi hinkhuo zang uh ahei chi ithei pha sih uhi. Tam I Zou society uh kingaisah louna, kingainat louna su lang hi.

Tukum 2010 sung in zong I gam Manipur ah thil tampi Delhi a pilna sangtah nei sangnaupangte, Delhi a nuamsatah a um inam in iki letsahpi i officer ten abawlthei ding uleh panpi thei na ding uh umna thil tung umhi. Census 2010 phualpi solkar in tu leh tu in sai a, tam census hunchieng in Manipur a um nampil zaw ten official tah in Zou population sutawm zung zung thei uhi. Adiah in electoral voter list bang politics ziah in sukiam thei in um mawh hi. Aziah igam Manipur pen corruption in vaihawm a, solkar na toh kisai himhim bangma transparency umlou aiman in namdang officer te census hun in Zoukhuo lah ah che thei mama un, MLA ding bou gelnan Zou voter list, Zou population sutawm mama ding ua gingtat ahi. Ei Zou te tambang a solkar apatsem ding mi ki umlou ahi man in.

Tualeh thil khat thei ding Innlam ipei chieng un, Zou Migun te toh bang houlim vanei thei lei deihuai ding hi. Tam ei houlimna apat in ama uten ngaidan tha hing nei ding ua, tuana pat in ei Delhi I tung nua in zong ei ngaidan in I gam na puapha thei hi. Tualeh students te a ding in bang innlam umhun in ikhuo, I veng a school umte ah tha itt loutah in teaching va bawl thei zing ahi (like summer or winter internship). Tualeh ikhuo I veng sung a Youth club tungtawn in imi mawl te a ding in awareness programe tampi zong bawlthei ahi.

Tam atung a thu tamlou kahing gente maban ah chieng zaw sem in igenkhawm ding uh. Tu August ha ahi tah man in ima ban ua ZSP Delhi branch in abawl ding thu tamlou ka hing genkiah ding hi. Tukum pen ZSP in October tarik 5 in ZSP Kalaisai sport sai ding ua tam hun ah item tuam tuam bawhlum (Football, numei leh pasal), Volleyball, khaukikaih(Tug of war) adang dang tampi umhi. Tam hun ah michin in nasatah a pan lah poimaw ding hi. Tualeh tam hun chieng in Delhi leh a kiim vel a um Zoutate pawl li ( Team li) in kikhen a, North+Noida team khat, Munirka khat, Outer Munirka team khat leh Gurgaon te team khat in kihawm vual zel hi. Tam hun a lamkai ten thei ding khat ZSP Kalaisai sport lai a na kibawl min kipiah, Zokhankhual, Thanghou- Liandou, Kapkhovung leh Neinou-Nantal I group minte atha a va hehding hoikasa sih hi.

ZSP Kaliasai sport huikhi te hing sem pan ta ahi ding a, pasal te bang umna mun chiet ah kisingsah na thawm za hipan pan tahi. Tam sport hing ki bawl nasan pen bangma dang ahi sih hi. Ei sung a mi leh sa te kithei tuah semna ding, kimaingalsemna ding leh ZSP, ZYO leh UZO Delhi in a mite ngaina hi chi suh lahna ding a zong kibal ahi.Tualeh kitaidemna lam tuam tuam te a zong kukal tah a pangthei ahi na ding zong na hi zel hi.

Tua zieh in Delhi NCR a Zouta um ta pou in tam Kaaisai sport pen ngaina a thanuam tah a ani Sport ni chie pangthei ding I tua pat in kisingsa in nasem ten zong tu apatsan I off day ding uh guanggal sa in bawl thei lei adei huai dinghy. Family leh students te gua in bangma a bawl thei tuansih ding ua, nasem te zong sum leh pai umnanleh amau bou in ahithei sih ding uh, ZSP, ZYO leh UZO Delhi branch program loching na ding in sepna neite, familyte leh students ten kituah tah a pan ilahkhawm zing ngai hi. Tua hileh ZSP leh ZYO, UZO Delhi branch te ahing hat sem sem ding a, tua leh ZSP freshers Meet leh KALAISAI Sport te pen ha-lih sa in nui fingfeng kawm in imangthei chiet ta ding uhi. Nuising seng kawm in awle………

PDF VERSION NA DOWNLOAD NUOM LEH HIAH

——————————————————————

Delhi Thuthang!!!!

* Tulai Dengue fever hat in kiveng hoi ding khosih khat pou pou inei le ngai nep lou di hospital a ki et sah a blood test bol tei tei di damdoi teng moh san ne lou di. Zani dated 28 August 2010 in jong Kom te Pastor pa AIIMS ah dengue jia in si hi.Delhi ang up na hakhat hipan da huai vot e.

* Tv. Siampu Manlun leh Tv. Ginsuanmung ten SSB interview call ngah uh. 24 th august in Tv.Mung in nei ding a ,5th september in Tv.Siampu in interview face ding hi. Thumpi vai..

* Tv. Ginsuanmung in DU a pat in MSc Physics tukum in zoutha sitset hi. NEHU ah BSc gold medelist zong na hi hi. CONGRATULATION!!!

* Tv. James Thonglianmang Jt.Editor safdurjung a um jong damlou EML hospital a hun bangtan e khat aum nua in date 27th aug’10 nin hing pot ta..adamsiang na din thumpi vai.

*Tv. Jonathan Munirka jong damlou lupna tung nga in um a, tun damlam manaw chi thu ja in um..Thumpi jel va ui aw…

* Nh. Tracy Mantuong jong damlou in Fortis Hospital a adimit in um a, nau NEmpi leh anaupa jong damlou in inn ah ki enkol uhi.Thumpi va ui..

*Tv. Lawrence Kapkhenmang Munluo leh Tv. Stephen Doukhanlunin jong UPSC Civil services 2010 prelims na zou uhi, tun Main exam a ding in kisingsa na sa mama lel lel uhi. Main exam a ahing loching touna ding un thumpi vai.

*Tunin CISF ASI(Executive) exam um a ei ZSP mi zong tampi exam nei um ahiman in amaute result ding zong thumpi vai.

*Tualeh inua kaal lang in zong Tv. Kapmuanthang@ Muancha- Kapmuan jong Bike racing nei ata diai mah a bike tha sitset pen in na accident koi chiamchuam. Vangphat huaitah in liamnasa lou ainn ah kaal khat na ki enkol.

*Apeisa Kiginni dated 28 August 2010 ni’n ZSP Delhi branch in zong Presidenpu Inn Safdurjung ah Office bearer meeting poimaw tah nei. Tam hun in maban ah sep leh bawl dingte, Kalaisai sport, ZSP freshers meet leh September tarik 5 chieng a ZSP DB General body meeting ding e genhawm na nei uhi.

AKIMZAW LEH PDF VERSION NA DOWNLOAD NUOM LEH HIAH

——————————————————————

THEISAHNA

Ahing tung ding dated 4th September 2010,Kiginni nai 4:Pm chien in ZSP Delhi Branch a khatveina General Body Meeting, ZSP Zum Inn Pu Khakhai Zou inn, Vasant Vihar ah um dng hi. Tamhun a koipou Members Jousia pang ding a nget leh theisah ihi.

Agenda: ZSP Kalaisai Sports, Freshers Meet leh adang dang.
Ahun: 4th September 2010, 4:Pm.
Amun: Pu Khakhai Zou Inn, VAsant Vihar
S/d.,
Secreatary
ZSP Delhi Branch

——————————————————————

Koi ten bang gen !!!!!

* Tutung ZSP sport leh Fresher’s meet ki mang thei louding dan ata ve..lamkai te’n ban ding a ani a tuesday na hi sah uhla..Chau kei di uh leh..
@Hoichiin janakpuri

*Na khosih (fever) a dangue ahi leh hilou na thei chian utleh contact pau @karan..hahha.. @David Munirka

*Platform khat a ding deli zou tate zou nam toi sang di mansan um vai. Zou in zou o. A zou mi ding a minvo a um e hi. Zounam leh avontoi te dam chiet vai. @Zotal k ringo

*ZSP Kalaisai Sport chieng in ka bike ah puah ding tuam nei sing, Zou nungah ticket hing booking masa pen pen toh bikeshow bawl ding himai.
@Tv. Kapmuan Munirka.

* Sport chie Cock fighting a chet ding himai. Tv. Thangkhankhup Munirka.

* ZSP Leengsot club, captain pu in promotion hing musan ta, ei Leengkul ten aptain tha i teel gaita lou ding e.
@Tv. Apamang (Nunhoi U)

*South India kava tung leh Delhi a ka Tuaimanniang ngou dan tazen va thei khe na bou ing… Freshers meet leh Kalaisai sport ding hing update bouve uchin…
@Mung’s A. SI Sap.

* Taj Mahal achi chi uh va mu khong khong ing eh.. @ Miapu Dav.

*Ka pa uh Law zilna LLM class apang chieng in bang achi ei kava en ut.. ha..ha..
@Nu Ching (Mrs. Khakhai)
*Koite chi dan hileh tukum pen Hot zin zen sa ka hi. @ Tv. Doukhanmang

*Ka nu ulah Bangalore ah umta, keilah South lam tung, Delhi zovontoi te aw.. Zo tangbang na dam na uai mo?
@ Pa Hangpi.

*Kangdam lou tahtah chu ka dam lai ka ngaithou veh.
@ Tv. James Mamang

* Beer bawm leh RS achi chi uh khat vei beh ka mu ut na veh.
@ Hanglamthang

*ZSP Kalaisai Sport tuang hing tung ding kaal haibang in ka ngahlah. Katha thah va ngut. @ Siamnu Munirka.

* Delhi ah zong JOB Cards um leh kachi veh, Munirka nungahte toh na sem akuankhawm ut huai..
@ Tv. Hausienmuan

*Loite Delhi ang tung kia tang e..
@ Lynda Suantah, Safdurjung

*Kei zong nang nuah a hing kikho tou ding kakhu. @ Zuan@thang

Tu September issue kiphal tah a Zokuomthawn hing sponsor piah Tangval fel mama Joseph Munluo. Ama Bangalore a LL.B na zousa tuleh tu a sem, a tung ah ZSP Delhi branch min in kipathu kigenhi. Tualeh a next issue hing sponsor piah nuam ten contact the Editor Sutlyan Munluo @ 9971767135. I nam  ading a kiphal leh chawmngai mi bang zat i um uai le? Next issue nang aw…

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in ZKT Issues and tagged . Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s