ZSP Delhi Kalaisai Sports Meet 2010 Day – One report tomkim

New Delhi, Sept. 28: Zou Sangnaupang Pawlpi Delhi Branch in kum tenga ana ki bawl jel kisuhlimna Kalaisai Sports Meet 2010 Day One tuni jingkal lam nai 11 apat nitalang nai 6 tan lawching tah in ki nei hi. Mi tampi nunga-tangval, Nupi-Papi, asi asen in uap a, Pastor T. Liankholal in thumna toh ZSP Kalaisai Sports Meet 2010 honna nei in ki apmai na pat ahi.

Volleyball Pasal a pat in um a, 1st round a Gotengkot leh Zobawm kimawl in nuom mama a, supporter tam mama ahi ziehin alang lang in advantage hau mama uhi. Nungahte bang tangvalte cheer-up in kikou vasai in tangvalte thathou sah mama hi,. Set 2 in Gotengkot in guol jou in final kai ngal hi. 2nd round ah a Tuailou leh Singjabuong kimawl hing nuam jaw sem in, ki bei khop mama ua, point ki del tou tuo dit det in atop khong in Tuoilou Group in guolzawna nga in Gotengkot toh final ki mai tuo ding in man sa diam in um uhi.

Tuajaw in Numei lang a hing ki pan pai in Gotengkot leh Zobawm ma hingki suh kha kia in pasalte bang lou deu mai in Zobawm numei ten guol jou in final nuam deu mai in kai tou uhi. Aban a Tuoilou ngahnute leh Singjabuong ngahnute hing kimawl kia ua, Singjabuongte ki gingsa diam leh set a hingkuon ahi na uh toh siem thei mama ua, nuom deu in Tuoiloute khen khie uhi.

Hun tomkhat khat break nei ahi nua in Zobawm ngahnute leh Singjabuong ngahnute’n warm up hoi deu a nei in Final ki mawl ngal ua, ki bei thei mama uhi. Nuom mama iahiman in mipite bang a tou ngim um nawnlou in support ding kitu in buai va vung ua, best of 3 last set hing kimawl ua, advantage point a hingki del tou in atawp khong in Zobawm te’n jou suh duom uhi.

Tamna Numei Item te zaw ahi nua in Gotengkot tangval tha hatte leh Tuoilou thahat mamate hing ki mawl kia ua, gingtat lou pi in Tuoilou ten’ hing bawl hoi mama ua nunga cheerleader te bang gim thei nawnlou khop in ki diang uh a, Tuoilou te’n set 2 in nuom deu in Guol jou uhi.

Atawpna ding leh ki apmaina sinkhupna dingin leengkul (Evergreeen) te leh Zou Papi te hing ki mawl ua, Zou nupi te bang a pa te uh cheer up in ki kou va pum ua, apa te uh tha thou sah mama hi, Leengkulte zong cheerleader hunkhop nei ve sam ahi zieh un papi te’n zong nop khoi thei tuon lou in set 3 tan hing ki mawl tung tou ua.. tua nah a Upa lungpi ching khuol deu ichi diei mah, alel mawng mawng or a pang jou nawnlou adi uai ki thei lou in thakhat thu in hing guol lel mawh uhi. Tami ki apmainate nuam sa mama in nupi khen khat leh nganu khenkhat, adieh in cheerleaderte bang kikhen ding ngai ngam lou in hengla mama ua, hinanle tung sunni ang liap ta zieh in Sports secy. Pu in ahing tung ding 2nd Oct, Saturday chieng a JNU campus a bohlung suina um ding pen highlight na them khat nei a, tua jaw in Pastor S. K. Mung in thumna toh hunkhana nei hi.

See the pictures HERE

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in ZSP and tagged . Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s