Interaction with Zomi Leaders in Delhi – Report

DELHI ZOMIS’ INTERACTION WITH ZOMI LEADERS REPORT

 Venue: Arunachal Bhavan, Kautaliya Marg, Chanakyapuri, New Delhi – 110 021DATE & Date: March 28, 2011 | Time : 06.30PM-11.00PM

 December 16, 2010 ni’a Union Home Minister Pu Chidambaram kunga Indian Constitution Article 224 A tungtawn a Autonomous Tribal State (ATS) ngetna memorandum ana submit uh del jui in Manipur apat Zomi lamkai Pu LB Sona – Chairman Zomi Council, Pu L. Khamliankhup – Gen. Secretary Zomi Council, Pu K. Guite – Adviser ZRO leh Pu K. Moi – Gen. Secretary ZEPADA GHQ te Delhi tuolpi ah hing lenglut uhi. Union Minister bangjat ahieite toh akimu khawm nuo un ZEPADA Delhi Working Group in mipite lung-awpkaina suhvengna ding in Interaction vaiguon hun kibichi kal ah saipi hi. Tam meeting ah Delhi apat Zomi lamkai leh sangnaupang chingkam tahtah tampi tel hi. 

(Article 224 A: Formation of an autonomous State comprising certain tribal areas………………………….) 

Program Taangpi Peizia

  • Recording Secretary: Dr. David Vumlallian Zou, Asst. Professor, DU
  • Conductor: Pu GS Lian Pau, Member ZEPADA, Delhi Working Group
  • Invocation & Prayer: Rev. Jangkholun Mangte, Pastor ZCF Delhi
  • Welcome Address & Introduction: Pu BL Shoute, Chairman ZEPADA, DWG
  • Speech:
    Pu LB Sona, Chairman, Zomi Council
    Pu L. Khamliankhup, Secy. Zomi Council
    Pu K. Guite, Advisor, ZRO
  • Sanctification & Prayer for Zomi Leaders & Zomis: All Pastor led by Rev. Nenglian, Pastor EBC Delhi
  • Interaction: Question & Answer
  • Speech: Pu K Moi, Secretary ZEPADA GHQ
  • Vote of Thanks: Pu T. Zamlunmang Zou, Treasurer ZEPADA DWG
  • Closing Prayer: Rev. PK Lianmang Pastor

Proceedings:

 Welcome Speech: Pu BL Shoute: Pu BL Shoute, Chairman ZEPADA DWG in lamkaite leh meeting hing peikhawmte vaidawnna tomkim in nei hi. A ma’n agenna ah Zomi sungah organisation tuom tuom um nanleh ZEPADA in initiative akilahna zieh gen hi. Hun kibichil ahiban ah ZEPADA in lamkaite ki thuopi tawntugn ahiman a initiative kilatou mai ahidan den hi. Lamkaite pulahna anei zaw in constructive interaction nei aki ut zieha tam meeting ki hankhawm ahidan zong gen hi. Lamkaite sacrifice ana bawl bang ua Delhi Zomite’n zong gam leh nam a dia pan theina mun teng a pang dia sacrifice bawl dinga mansa a um apoimaw dan gen in chouna zong bawl hi.

 Tua zaw in Pu Thangzalun leh Upa Chinsum puina toh mipi’n We Shall Over Come Some Day chi kisa duup duup hi.

Speech: Pu LB Sona, Chairman Zomi Council: Zomi Council Chairman in a thu patna ah – Pastor te a mai akiguol dim diam amu zieh in biahna toh kisai vate lou hinanleh Pastor, Upa te’n pan alah uh pen siemmaw tan ding hilou in a bawl ding ua lawm bawl ahi uh chi’n gen hi. Pastor leh Upa te’n nampi vai asai biehna toh akikalna umlou ahiban ah Nampi dinga guolzawlna tuntu ahi dan uh gen masa hi.

  1. Zomi Council ana kiphukhietna san ahileh unau kal a ki theilounate suh vengna ding a ana kiphutkhia ahidan gen a, akiphu chillai in tribe 4 – PTC, STC, VPC leh TCU mai hinanleh a nuo in UZO in hing zom a, tuochi’n MTC, TPO leh Kom Union in zom tou in, a nukhia pen ah Gangte Tribe Council hi in gen hi.
  2. Zomi Council toh kisai a genbe jelna ah nam khat mai lunglutna toh na kisem hilou in nam 8 tah toh lung kituoh a nna kisem ahidan zong gen hi. Tam nam 8 te apat delegate 5 chiet Zomi Council sunga vaihawm a toukhawm ahi ban uah, mi tam zieh a member/delegate tam tuom hilou, tam leh tawm in thu pawlou aki bang a ki pang chiet ahi chi hi.
  3. Zomi Council nna sepkhiet tamlou agenna ah Lamka buoi lai in Govt of India apat rehabilitation fund Rs. 4.60 lakhs bang ki kaidoh thei chi hi. Tuaban ah Peace Accord neina ding in asuh a tungah ki dieng le ahiman in Oct. 1, 1998 in I gam ah lemna tung thei hi chi hi. June 5, 1995 ni a Pu Chidambaram in Moreh Trade ahonna ah zong Zomi lamkaite va diang suh ua, tuamun ah Behiang Trade Centre bawlna ding toh kisai a zong memo vakhia uh hi’n gen hi. Memo aki khiet ni apat Manipur govt in nasatah a hing na dou dal ahi man in masawn theilou in um a, hinanleh tuni chiengin No Objection chi tan chieng tung thei ta hi chi’n gen hi.
  4. Zomi Council pen lemna dei ahi dungjui in tangvalte kal hi in gan leh nam toh kisai apoimaw bang jel in singpi bel khai a dieng le zing ahidan uh zong gen. Tripartite Talk um theina dinga Delhi bang ZC lamkaite’n hing pha mun mama ahidan uh atalat ban ah, a ma mimal nna toh kisai a Delhi khatvei zong tu nai a tuon lou, hinanleh pawlpi thu toh kisai a tung deu zing ahidan zong Chairman in gen hi.
  5. Political Autonomy not below UT chi 2005 a Memo ana khe ngeita uh ahidan gen. Tuapen Pu Gandhi method non violence zanga deljui tou peh hinanleh Manipur din mun et in strategy khel ngai chi’n tua ang peisan uh gen hi. Tutung a aki mupi uh Union Minister te kungah Delhi level in Expert Group hing hing bawlsah un chi’a ngetna bawl uh ahidan zong gen hi.
  6. A thu khupsitna dingin Delhi a lamkaite zieh a Inlam lamkaite mun poimaw tah tah a lutthei ka hi uh chi in, pan theina chiet a pang dingin hanthawn thu toh a thugen jou hi.

 Speech: Pu L. Khamliankhup, Gen. Secy. Zomi Council: 

  1. Tuni’n ZC ah tribe 9 i um ua, a danger mama khat a um hi. Tunia bang ding a Kuki nomenclature collapse e? Zomi I ki chi chiet nai nai ua, tribe recognition ah I um uhi. Ni danglai Kuki a I um lai un, siki Kuki, makhai Kuki chi ana um sah zieh ua Kuki collapse ahi chi’n gen hi. Tuni’n Zomi sungah Tribe 9 a um, hinanleh equality and mutual respect I mansuo ni ni chieng un Zomi zong collapse thei ding hi. Tunia tribe 9te tua I pei bang a I pei uleh I hat ding ua, hinanleh unequality a um nini pen I hat sih ding uhi. Tam unity um pen a siet le zong a thuo ding ei teng, a hoi le zong a jal joutu ding te I hi. Memtality ill treatment ki chi I society sunga a um lou ding ahi.
  2. Zomi te I lawchinna dingua poimaw pen ahileh Pasian I buon ngai ahi. Na Zomi Leader te’n mipite backup pen poimaw zing kahi man un, lawchinna ding toh kisai mipite mawpuohna ah ki nga thupi mama hi. Chitahna leh kukalna um lou in lawchinna um khollou hi. Tunia nam 9 kigawm khawmte I lawchinna ding un unity chipen i mansuo lou ding uh ahi.

 Speech: Pu K. Guite, Adviser ZRO

 1940 chilai vel in Zomi kilawikhawmna Zomi American Baptish Falam ah a zang ua, political term in zang sih ma uleh zong Zomi ihi chi ana puong uhi, tuaban ah Pu T Gougin leh Pu Thangkhangin ten Zomi min hng phawnghal kia ua, hinanleh hing sip ding deng jel ahiman in tua hun sungin Zomi min hing ke ngiem hileh kilawm hi. Hinanleh 1993 in ZRO chi kipan kia hi. Vangsiet huai tah in Christian level in Zomi min in I ki gawm thei kei ua, vangtah huai mama hi. Tua mabangin ZNC hing kipan kia in grass root level ah ahu hat mama in hing kipan kia hi. Lamka a root neijou lou ahiman in ZNC pen Thanlon lah vel a ki pansan ua, Lamka a root nei joulou ahi dungjui in hing dai suh kia hi. A hat semna ding deina toh tribe level in hing kibawl kia hi. Mimal in ZRO support lou bangin ana um taleh chin mimal a bawl khiel nahi. Tribe member teng in sasin salung ne a membership lah ahiman in nang zong tel kha nahi.

  1. ZRO kipat tungin Pu Gougin lawi in ZNC ma zangtou mai un chin hing gen kha ngei uhi. Hinanleh a min daai sa chi ngaidan a um zia in ZRO chi’n ana ki phuon hi. Hing pei hoi tou jel, hinanleh pei hoi bang napi’n, Manipur political situation ahoilou zieh in ut leh utlou in thau tawi hing ngaita hi. Thau tellou a ngal apat Delhi attention ki draw joulou ding ahi chi philosophy ki nei hi. Democratic movement ana kibawlsa te kha pressure group consistency um thei lou ahizieh in Centre attention ngah na ding a poimaw thau ma hi a aki mu zieh in thau hing kitawi hi. Ana tawi masa ten suh chimit sawm ahi ahizieh un 1997 in buoina tung hi.
  2. Ut leh dah a hamham in contribution neuchik le neilou I lah a um tam mama nalai ahihman in pilvan huai mama kasa hi. PLA leh Army te kal ah tehtua in a ki um a, I taina lam lam a hing kiman ding chi ahita man in akin thei pen a SoO I zong kei leh hi thei nawnlou chi ahizieh in kum 2002 apat pan kila hi. SoO suoi hing kikai a, mi tamtak in I thei siem kei ua, himanleh a hih ten ka thei siem mahmah uhi.
  3. Govt in SoO I bawl chiengin dei khat nei uh ahi chi ang thei ta ua, tua te zong dei nei a um ahi uh chi theihna nei ta uhi. Tutan chieng a I lawchinna apat et in India in Zomi te recognition hing neita uhi. Bang ziek a thautawi I chi leh Zomi te political survival na di’a I bawl uh ahiman in tu chiengin Charter of Demand hing submit un chi ki hi ta hi.
  4. SoO bawl lai in Mnp integrity suke lou ding, India dan nuai a um ding chi ahilai in mi tamtah in bawl khiel hing sa uhi, hinanleh hihkhiel bangma um lou hi.
  5. ZRO in sum ki dong khe teng teng 100 lah a 99 kha Zomi te a pat mah ahi man in Zomi te hin theina ding bang ahei khat I bawl uh poimaw ahi kachi pen lamkai te’n a’ng pompi thei vanglah uhi.
  6. Bangtan hiam khat I sacrifise kei leh Manipur leh India solkal ki lungkim sah jou lou ding chi ahiman in, sacrifice bawl lei I mu dingte toh koi lienzaw chite tanpha kim ditdet a ki ngaisun ahi.
  7. Zomi Council tungtawn in ZRO dei leh tup hing ki express out ahi. Autonomous Tribal State pen nget phot ding chi ahi. Tam thu toh kisai a sim thei teng leh a giel thei teng in guntah in ana sui jui thei leh uchin ahoi ding.
  8. ZRO nasepna apulang a na muh dan hoikei mah leh a sunglam ah pen hoi deu a pei ding deng ahi. Tu masang pen Manipur singtangmite dinmun et in tom chik ki sip ding deng hi, tuahun sungin mipite apat gen leh sah tam mama hi. Lung himawh pah kei leng, atawpna ah tua I buoipi pen in hon gawm tham na ding ahi. Manipur context ah ei maimai a hi thei nailou ding ahi chi thei ahiman in common platform nei poimaw kisa a, ei ngaidan mi tampin ang theipi ta uhi.
  9. Zomi sungah, 100% Zomi ki um nailou mai thei, 100% Zomi hita leng ki lawching dingin ka gingta. Sapte’n Silence is Golden achi dan un na sepzaw lou leh zong moral support ana pia inla, ana sip ding deng lechin na sem anahi dia. Zomi itna ziah a lamkaite gen sia sia chi bang I um ua, tua bang I bawl kha leh ki ngaituah huai mama hi. Zomi ka it ngal leh bang ahia ka pan theina chi ki ngaitua hoi zaw ding hi.
  10. ZRO in local politics mai hilou international politics zong ki sai tham ahi.
  11. Sum leh pai dong toh kisai a phun, SoO hita bang ziek a sum dong nalai chia tuatan chiang ngaitua thei chang chang officer ihileh I kingaitua uh ngai in teh. 

INTERACTION 

Dohna: Bang ziak a Zomi Political Autonomy akipat a Autonomous Tribal State chi ahi a, anihna ah bang ziak a I nomenclature ki loukha nawn lou?

Dawnna: Zomi politics kha as it is in a peitou a, tua Autonomous a I peina ahileh I gam claim kha akibang chieta, viability or feasibility et ngai a, Kuki a survive leh Zomi Survive, political tribal survival ki awlmah ahi zieh a, ki heng ahi, Zomi kiet ngiem na aum tuan sih.

Dohna: Delhi apat gam na awlmaw dan leh inn lam a na awlmaw dan bang chi’n na thei a? (Question raised to Pu Mawi)

Dawnna: Mimal in Mi Nam I itdan ki bang kimlou hi. It mama in hichi heh I chi ten tun pen a local situation toh anaki tuah lou chi bang kamu hi. A phualpi a I um leh I nam itdan atuom diah hi. A gal a I ngaitua sang in a mun vel a I teen leh awlmawh huai zawsem in ka mu. Internet khawng a I awlmawh dan a inlam vai pei thei ziah ziah lou ahidan thei poimaw kasa.

Dohna: 1. ZRO sunga semte nei leh lam toh kisai a khang hul hul. 2. UPF leh Zomi Council kal bang chidan a pei? 3. Elected Official tuam tuam MLA, MDC telna ah I kipei zing ua, amaute lah delegate in apang ngei kei ua, banga ZRO toh a relashionship uh.

Dawnna:

  1. dawnna withheld.
  2. UPF leh KNO kikal ah centre in group tamlaw mahmah nahihman un group khat in hing ki megawp un achi dungjui un UPF leh KNO ah ki um. Tua sungah nomenclature gen khiet him him lou ding chi ahi.
  3. Election toh kisai ki hi dik gige khol kei a, kihih dik khol gige kei leh leng, kigolh kha jel hi. A ki golh lou chiengin I nam sungah be le phung a ki dehna um thei ahiman in pawlpi akigollh chiengin tuabang umlou ahiman in pawlpi kigolh hoizaw hilou hia? Last MDC election pen ah ki hai tawk thou nalai ahihman in huchi mah bangin I bawl nalai ding uh chi ahi, bawl zing ding china hituon lou hi.

~ Pu LB Sona – tua ZC hing ki peina ahileh UPF toh kisai kha lou, Zomi level a kibawl ahiman in unao dangte’n I lawchinna uh ang mu chieng ua a’ng nai thei ding uh.

 DOHNA: Delhi a te hi ki Zomi sah mama kahi ua, na thu gendan uapat Delhi ate Zomi a hon pomlou na bang uh. Online a thu kigente khah I gam adin phatuom nasa uhia?

~ Adviser: Contribution na bawl leh le Zomi, na bawl kei leh le Zomi, nam 9 te lah a telnailou Anal Zomi etc. atam atam, huai ziek in contribution bawl leh bawllou thu a Zomi ihina leh ihilouna kiam tuomlou hi.

~ Mawi: Online toh kisai, singtang lam a mun poimaw mun teng ah internet access thei in um tham hi. Constructive khah bang chiklai a le akua akua in poimawh zing ahi.

DOHNA: Political movement khah economic factor a ki ngah mama ahi man in, political movement ipat chillai in I eco condition hoi hi, hinanleh tuolgal in I eco uh Susie ahiman in sum duhna lien mama ta hi. I gam ah eco asiet luat ziek in sil hoi ding zong sum in leithei ta hi. Tulel a I economic dinmun in I political movement pen a sustain jou diam, sustain jou ding ahileh bang chidan in, or sustain joulou ding ahileh bang chidan in pan I lah a?

~ Economic sustained a um theina ding deina toh ZEPADA hing pieng khia hi. I eco dinmun sustain lou ahiman in Manipur state nuai ah political autonomy nei phot lei I hoi ahi chihna toh, I stepping stone ding a nget phot ding kichi ahi.

DOHNA: (As observation)Leader dinmun a I um chiengin there is a price to pay, mite buk in zong I um, standard of living acceptable khah alawh toh kikim a a um chiengin mite’n ngaisang zaw in ka thei. Leader ihi peuhmah leh mite sim, etton ihi. Leader lien khat in dihlou tah a na asep leh a nuai lam ate’n jui suh suh ahiman in, hoideu a rule nei poimaw. Meitei ten devp fund a dei bang un ana pei thang leh uzong, ei Zomi sung bek ah hoideu in ki zang thei taleh chi ka observation ahi. Khopi sunga laisiem leh lai gelsiem I neite uapat feedback ang piate uh pawlpi ten ana block zawlou in back up zaw leng chi ngaidan ka nei.

  1. Tribal state or autonomy toh kisai tu naichik a I patdok uhia, tuachia pang vanglak bang achia Naga ten MDC a nual lai ua bang ziak a ana nuolpi vanglak lou ihia?
  2. Greater Mizoram pen hi bang chidan ale? Hipen viable nawnlou hia le?
  3. MDC/MLA election hitalou a selection I practice tou tou ding leh maban a hoi lou zaw din ka mu, a selection tu hilou in peace maintain tu in pang le?

DAWMNA:

1. MDC election philociphy 2 um, until and unless they amend chipen kha Naga te a ahi, huoite pen diklou deu hilou hia chi na toh, 6th Schedule I nget lai ua I na pan dan utoh kisai bitter experience kinei ahiman a ana ki zomlou ahi.

2. Greater Mizoram pen Mizoram Politician leaderte toh kihouna ki nei den ahi, huai ah greater chipen aggressive word ahiman in Manipur govt in ahithei tan a hing oppose ding uh ahi man in Mizoram leh Manipur kal ah kibuoina pieng zaw ding ahi man in, Manipur sunga autonomy vel hing mu leh uchin kigawmna ding hahsa lou zaw ding ahi achi ziehun tuapen ki silent phot hi.

Centre in Kuki, Naga or Zomi state bawl sawmlou ahiman un as a tribal in kang awlmawh ding uh a chi man un Tribal autonomy ki buaipi ahizaw hi.

~ Vungmawi: Online toh kisai pen ahileh constructive suggestion um khollou, kulmuut deu a research ana bawl a ngaisut det det chi article um taluo lou.

DOHNA: Suggestions ~

  1. Kum 17 Manipur a Zomi movement ina pat uapat mipi leh pawlpi kikal a communication gap lian lua. Pawl pin Journal bawl thei leh.
  2. Reconciliation Process – Pawlpi’n a bawl khielte bang ki puong khia, ngaidam ngetna bang bawl thei jel uleh.
  3. SoO, bang ziak a Kuki min ging ging ahia? Manipur integrity toh kisai.
  4. Manipur Hausa Ordinance toh kisai, pawlpin bang ngaidan nei? Bang panmun la?
  5. MLA I select/chin sah ngal leh MLA te en control theilou di I diam?
  6. Administration – Education lam ah pan la thei leh. Zodawn a teacher te a posting mun chiet uah um sah uleh.

Dawnna:

  1. Communication gap a um chileng akithei a, ahiziak in huai bridge up didan buai huai akisa.
  2. SoO Document ah Kuki/ Zomi ki giel khalou, UPF leh KNO ki giel kha zaw hi.
  3.  

DOHNA:

1. Autonomous Tribal State within the state chikhah India dan bupi sunga bang bung leh chang a ki giel ade aw chi ka thei nuam.

2. Political Demand I bawl ban uah Economic Demand bang I bawl ua?

DAWNNA:

  1. Article 244(A) pan san a bawl ahi deu pen. Research bawl ahi dung jui in a viable dan clarifications zong tam tah ki talang hi.
  2. Political Demand leh Charter of Demand chi tuom chiet, Zomi Council ahileh SoO sign ahilou ziehin Charter of Demand bawl thei lou, ZRO in ahileh suaikai ahiman in bawl thei di.

DOHNA: Zomi Council sungah tribe tuom tuom ki khaikhawm I chi uhi. Ahitaleh Zou ham zang Thangkhal te’n lah Manipur apat tribe recognition mu nailou, tribe piching hinailou Thangkhal Tribe Council (TPO) bang chidan a Zomi Council a pom a um thei a diei le? Zomi Council in Zou tribe te tunga divide and rule policy play hileh kilawm kasa.

DAWNNA: Zomi a ahing lutna ding un ZRO ah aki ngen ua, tua dungjui in ZRO in accept ana bawl ua, a bawlna ua condition khat na bawl u chu govt a recognition ngahna dinga panpina kipe tua dingin ana ki thukim uhi. Tua chi’n Zomi council ah hing pe lut ua, tua dungjui in Mate tribe council zong kila lut hi. Govt of Manipur in apomlou pi uh Zomi Council tribe chia kipom hilou in a dei uh phu pi ding a ki phasah ahi.

K. GUITE: ZRO in apomlou leh Kuki a lut ding chi ahiman in UZO apat no objection lah ahi zaw in Zomi Council a member a pomlut ahi uhi.

DOHNA: Election toh kisai a pawlpi ki golhna hoih hia ahikeh bang ziak a?

DAWNNA: Circumstance in hon compel hun a om chienga ki involve jel ihi. Zomi chin theina ding mun a mi dang in capture a ang chin sang ua en zong bawl a eimi ma a kai hoizaw hilou hiam? I maban ah le hichi hen kha chi hen chih thei hilou, ahun leh amun zil a vai sai poimaw ding hi.

DOHNA: Previous attempts teng lah lawsamta ahi chiah, Zomi teng mai in politics I sai in I lawching jou na di uam.

DAWNNA: Ginna toh co-operate di, maban ah I lawm I gualten i tup pen a’ng thei chiengua hi thei ding chidan ahi. Bang teng hileh Delhi toh pang khawm a na sem ding chia kipan khia ihi.

—————————————————————————————–

Pu T. Zamlunmang Zou – Admin, ZOLENGTHE.NET

—————————————————————————————–

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in Articles and tagged , , , , , . Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s