UZO Ghq in Lentang Block vena nei

13557844_1219795024707034_4436709064599690112_nLamka, July 6: United Zou Organisation (UZO) General Headquarter in UZO Block 14 umte vena sunzom zel in tuni’n UZO Lentang Block vena zinglam nai 11:00 in Daijang Community Hall ah nei uhi. Tami vaiguon ah Lentang block apat khuo 6 umte lah ah UZO unit lamkaite teng leh block hausateng in vaiguon uap in mi 69 peikhawm uhi.

Vaiguon kipatna ding in Pu T. Khupkholam, President UZO Lentang Block in vaidawn thugenna nei in ZWC te patatna in muffler khat chiet awsah uhi.

Tualeh unit President teng in unit report piehna nei ua, hausa teng in zong UZO GHQ in block avena tung uah lungdam thu gen uhi.

UZO President Pu Chinlunthang, Vice President Pu T. Gouzalal, Gen.Secretary Pu Thangzamang leh Treasurer Pu Jamgenthang te’n thugenna tomkim in nei uhi.

UZO President in athugenna ah, UZO Policy & Programme tutan a sepsuo a umte leh maban ah sep di’a um nalaite khu unit, block, leh hausate pankhawmna toh sepsuo a umtou zel ahidan gen hi. Mailam hun ah zong nam vai toh kisai khat poupou UZO GHQ thupieh dungzui a semtou zel di’a panla ding in ngetna bawl hi.

Tualeh UZO Vice President in athugenna ah, UZO General headquarter hat hen ichi leh Unit, Block ikibulphu a pan ilah poimaw ahi chi’n gen hi.

UZO General Secretary in agenna ah, tulaitah a tribal movement, anti-tribal bills toh kisai a panlahna nasatah in kinei a, mailam hun ah zong apoimaw zil a pan lah hizel ding chi hi. Tuaban ah UZO Police programme-te lah a khat, 2017 chieng a ipu-ipa te’n Zogal ana sat uh “Centenary” chinna toh kisai Zogal Cemetry project kineipen lawchin theina ding a tha-le-zung, sum-le-pai akul leh poimaw zil a Nampi’n pan lahna tung ah mipi’n zong kithuopi ding in ngetna nei hi.

Tualeh UZO Treasurer in athugenna ah, UZO President khu phung-le-taang a etlou ding, koiphung koi tang hileh zong Nampi president ahina ah kithuopi poimaw ahi chi hi. Tualeh Nam leh sum-le-pai etkhawm lou ding ahi chi’n zong ngetna bawl hi.
Upa Ngamsei of Tuaitengphai in vaiguon khana leh annkuon thuumna nei hi.

Tutung UZO Lentang Block vena vaiguon ah, Bohlui hausapu leh UZO Bohlui unit in anntang bag 1, Hemkhothang of Tuibul, Samuel of Daijang te’n Rs. 1000/- chiet tuoh ua, UZO Tuaitengphai Unit, UZO Daijang Unit leh Daijang Hausapu te’n anntang kg 15 leh singpi ban ah apoimaw tuomtuom tuoh ua, tuaban ah Pi Grace Niengnuam, UZO Behnazou President leh UZO Lentang Block President te’n voh khat tuoh in peikhawm mipite’n annkuon iimkhawmna nei uhi.

Maban July 14, 2016 chieng in UZO General Headquarter lamkaite’n UZO Haupi Block vena nei kia ding uh hi’n thutut kimu hi.

Advertisements

About Zou Sangnaupang Pawlpi Delhi

Zou Students' Association Delhi Branch
This entry was posted in UZOD and tagged , . Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s