ZSP Ex-President Laitung Pan……..

Guest Editorial – S Langkhanhau, President, ZSP-DB [2013-2015]

14088783_1054152204634266_957029803_nTunitan a Zou tate hing pui huai a hingching zing, lawchinna leh khantouhna, mimal le inkuan leh pawlpi tanpha, a hing musah, I bieh uh i Pa uh van a om kungah thupina leh loupina ipie masa uhi. UZO, ZYO leh ZSP lamkai luite leh tua lamkai na tha tu dia telching a um tangval leh nungah fel leh muanhuai teng tung ah zaana salaam (salute) ka pia a, Zou tate, Delhi leh a sevel, sah leh hang a um tengteng tungah itna ‘Chibai’ hing buuh ing. Damchiat hang mo!?

Kou term (2013-15) hunsungin vana ibiehpa uh leh mipite te full-support na, thamlou in India mun tuamtuam a sepna nei a um te tanpha, sum leh pai leh nuathuaap nate jaalin sep ding leh bawlding te bawl zou in ki um thei hi, tua tengteng te ziehin mimal a kipahthu ki gen senglou ahiman in khatvei tha mawngmawng kipathu/nuomthu ka lamkai pite sih-leh-tang in ka’ng gen kia hi. President Tv. James Ngamboi leh a kithuapi dia tel a om ZSP Delhi leader tha teng tungah kakipah pina “Congratulations” kaphuang a, President pa’n deisahna toh lamkai lui hina zal in loite (lamkai tel tha-te) encourage naleh sangnaupangte deisahna ‘words of advice’ giel ding a angchiel na ah article bangma noute pil be na ding pi genthei sih nanleng tami chance (hun) pen i bieh Pa uh leh mipite kithuapina (cooperation) thupi kana tangte uh tungah lungdamthu genna hun in zang ut zaw hi hang!

OK! Words of Advice:

For New Leaders: Organization lamkai hi pen sil nuom leh sil kipahpi taahluot ding ahisih a hinanleh mipi muanna leh midang hizat lai a deitel a na um pen ki letsah  pi zawh a mipi leh nam adia septhei leh bawl thei tengteng feltah a gim leh tawl na um nanleh semkhie dingin ka’ng hanthawn ut hi. Eima leh eima ki muan ngamna (self-confidence) siemna (build-up) na leh mi poimaw tahtah teleh lamkai nam tuamtuamte toh pankhom a silbol ding tampi hing um dingte ah zong, zilding leh theiding tampi te zong chance nanei a tuate zilkhiet theite zil a nampi dielkhai (flag) minamte lah ah tawi sang zaw dingin iki deisah uhi. Tuateng banah lamkaite ki thutuahna (cooperation) nou leh nou kaal a kipie tua gige unla na buai nichieng un doh thei ding in UZO, ZYO leaders teleh scholars, pastors, lamkai lui ineite uh thuzah gige a, ‘Eiteng ikithu tuaah naleh’ mawh chi lou a concern bawl a doh a directions lah gige ding khu tu leh hun hing tung zel ding ah sil dih, silhoi leh sil kilawm mama hing hiding Ahi. Remember Sir John C Maxwell wisely said, “Leadership is developed not discovered.” Huziehin hing bawlhoi va uteh, teltuam te (chosen) nahizieh un. ALL THE BEST.

Last, but not the least, be-leh-phung a ki ettuomna/ki paituamna I paikhiat uh khuh tu det jing a mipite huoisemna “’inclusiveness’’ ha bol jaw ding jong hoiva ci ing.

Sangnaupangte adingin:

Sangnaupangte a ding a tulai a thupil nal leh panlah tha utna lungsim hing pie thei dia kana koi hing share vang. Pu. John C Maxwell thugiel: You will never change your life until you change something you do daily, the Secret of your Success is found in your daily routine,” chi ahi. Eima leh eima dotna ki bawl in ihun zatdan tangpi(daily routine) uh lawchin na lampi or lawchingna mutaah ding in i hun manpha te uh I zang na uai chi ki geldoh tha kia va ui. I leitung hun tomnou sung ua lawchin na leh sep-leh-bawl alian-aneu chikei hang; bang amawkhat hina dingin daily routine hun zat dan ki etchien a panlah tha mama apoimaw leh akul kasa hi. Aziehpen daily routine anazang dihte pen, gen ngailou in amin uh result ah suah chetchet hi. Huziehin ei min (name) zong kaam or lawchinna na chi tuamtuam-te a angtel thei sam nading in i daily routine ki change va ui chi nuam dan ihiveh! ‘No pain no gain’ chi sapte thupil itheisa ma bang un sil hoi leh lawchinna mu nading in noptah leh baitah a mu ding bangma a umkei a, kukal na leh hapan na toh sil kimu or kinei ahina ah, i routine uh bawlhoi a hahsa sim nanleh zui ngiit-nget kawm in, hing siempa mangngil sihlei, lawchinna leh sil kipah huai-te itang mama ding uhi.

Tamteng toh tomkim in zouvang. Ki deisahna leh ki vaihah na I gen te uah genkhial genvaal, gen lou2 dingpi I genkha uh a om taahlejong ki ngaisiem va ui. ZSP DAMSAWT HEN! Lungdam.

Advertisements
This entry was posted in ZSP. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s