ZSP-DB Pre-Kalaisai Sport: Volleyball 2016 Lawchingtah a zaw hita

ZSPDELHI12Zou Sangnaupang Pawlpi Delhi Branch saina in Monday, 15th August 2016 in CPWD Colony, Vasant Vihar, mun ah pre-Kalaisai Sports Volleyball kimawlna hun ana kizang a, lawchingtah a zaw ahi ta hi. Vaiguan kipatna ding in Rev. SK Mung in thumna nei in, tuachin 2:30PM in kimawlna ana kipan a 7:00PM in kimawlna Final Match zaw ana hita hi.

Tuazou in Prize hawmna vaiguan a kizang a Lincoln Kamlianlal, Advisor, ZSPDB, in Vote-of-thanks hun la in, tualeh Rev. Zamlianpau in Pasian kung a lungdam thu tutna leh tawpna thumna hun zang in vaiguan zaw ana hita hi.

Tutung kimawlna ah pasal players team sagi (7) leh numei team li (4) apha hi. Pasal teams kimawlte ahileh:
1. Zou Tangval
2. Gurgaon
3. Daddy’s Cool
4. Vasant Vihar
5. Papi te
6. Outer Munirka
7. Munirka

.. tualeh numei teams kimawlte ahileh:
1. Gurgaon
2. Zoulianu
3. Outer Munirka
4. Munirka

Tutung kimawlna a Winners leh Runners up te tam anuai ate ahi uhi:
Pasal:
1. Winner: Gurgaon
2. Runners up: Daddy’s Cool

Numei:
1. Winner: Zolianu
2. Runners up: Gurgaon

KIPAH THU GENNA:

Amasa pen in tutung kimawlna vaiguan hing uap, tha-leh-zung leh sum-leh-pai tampite seng a Delhi leh NCR mun tuamtuam apat hing peikhawm a teams tuam2 a hing participate teng zousie tung ah ZSPDB min in lungdam leh kipahthu igen ahi. Noute zousie panlahna zieh a kimawlna hun pen lawchingtah a kizang thei ahi hi.

Tuaban ah, tunia kimawlna hun a moral support leh encouragement hoitah hing pie ban ah, property tampite kiphaltah a hing zangsah a kimawlna ding mun (Court) te hing saisah Rev. SK Mung & Family te tung ah ZSPDB in kipahthu nasatah igen ahi.

Tha leh zung leh hun tampite seng a tunia, Nh. Chinghoikim lamkaina a, Canteen a hing buaipi te zousie tung ah i lungdam tahzet uh ahi. Amaute zaal a kimawlte leh a enntu te’n nehthei-dawnthei tui tah2 te kine-kidawn thei ahi. Tuaban ah, neh-leh-dawn leh canteen vante, tung leh kuan a, hing puah (transport) sah Pa S Mangminlun & Family te tung ah ZSPDB min in kipahthu igen ahi.

Tunia kimawlna hing uap Pastor, Upa senior leh lamkai gun tah2 te zieh in i vaiguan uh a nuamtuam mama a, moral support te hing pie in, kimawlna hun thawmhau huailou kei in a kizang thei a, amaute tung ah i lungdam mama hi.

Tuaban ah, a lungdam huai mama kia khat, Daddy’s Cool team te’n Second Prize alah pen in ZSPDB kithuopi nading in ahing refund ua, tuaban ah moral support leh encouragement hoi tah2 te ahing pie uhi. A tung uah i lungdam mama uh ahi.

Tana atung a i genkhah lou, mimal a min ilaw senglou, tunia kimawlna hun a panmun tuam2 hing lahsah, gim leh tawl khawh salou a panla zousie te tung ah i lungdam thu igen ahi. Noute panlahna zieh a vaiguan fel leh kituup tah a kizou thei ahi hi.

A TAWPNA: Tutung i kimawlna pen a nuam mama mai a, nop isah chiet ding uh a gingtat huai hi. Ki lungtuah leh ki thuman tua dial2 a pan ilah khawm dante uh a nuam mama a, mailang hun vaiguon tuam2 ihing neitou zelding te a zong tuni bangma a ki thuokhawm leh pangkhawm zel ding in iki ngen in iki chiel uhi.

ZSP damsawt hen!

Advertisements
This entry was posted in ZSP. Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s